افغانستان سرپرست حکومت امتحانلر ملی اداره مسئوللری، بوگون (۳-جوزا، پنجشنبه) کابل ده اۉتکزگن خبری ییغیلیش ده، قویاش ۱۴۰۳ ییل کانکور سیناوی اۉتکزیلیش تاریخینی اعلام قیلدیلر. اوشبو ییغیلیش ده امتحانلر ملی اداره سرپرستی عبدالباقی حقانی گه کوره، اوشبو ییل کانکور سیناوی ده مملکت نینگ ۳۴ ولایتیدن قریب ۱۵۰ مینگ داوطلب اشتراک اېتیشی ممکن.
ایش بیلرمانلر افغانستان دهگی وضعیت حلی اوچون شانگهای همکارلیک تشکیلاتی رولینی اونیملی بهالب ایتیشلریچه، بو تشکیلات گه اعضا مملکتلر افغانستان نینگ تقدیرسیزلیک دن قوتقریش و دنیا اېستکلرینی قبول قیلیش اوچون سرپرست حکومت نی قانیقتیریش خصوصیده سعی-حرکت قیلیشلری کېرهک.
پنجشیر کانلر و پترولیم ریاستی مسئوللری، اوشبو لایت نینگ حصهاول تومنی کانیدن ینگیلیکده قازیب چیقریلگن یاقوت ساتیلگنیدن خبر بیردیلر.
اۉزبېکستان ۲۰۰ تُنلیک انسان پرورلیک یاردملرنی بلخ گه یوباردی. بو یاردملر، بوگون (۱-جوزا، سهشنبه کونی) حیرتان سوداگرلیک بندری آرقهلی بلخ ولایتی گه یېتیب کېلگن و اوشبو ولایتدهگی محتاج کیشیلر گه توزیع بولیشی کوتیلهدی.
سرپرست حکومت کانلر و پترولیم وزیرلیگی، اوشبو وزیرلیک رسمیلری اۉزبېکستان ایریل کمپنیهسی مسئوللری بیلن کابل ده اوچرهشگنیدن خبر بیرگن. سرپرست حکومت کانلر و پترولیم وزیرلیگی ۳۱-ثور، دوشنبه کونی ایکس اجتماعی ترماغیده یازیشیچه، بو وزیرلیک نینگ پلان و پالیسی معینی ضیاءالرحمان آریوبی، اۉزبېکستان ایریل کمپنیهسی نینگ تخنیکی تیمی بیلن اوچرهشگن.
مرکزی بانک ۳۱-ثور، دوشنبه کونی ایکس اجتماعی ترماغیده یازیشیچه، بدری جنابلری بو موضوع نی بیرلشگن ملتلر تشکیلاتی باش کاتبی نینگ اۉرین باسری روزمیری دیکارلو بیلن اوچرهشووده بیان قیلیب و بانکی سکتور گه یرهتیلگن چېکلاولر، افغانستان خلقی نینگ سودا آلیشینی ضعیف و بانکلر نینگ دنیا بانکی و مالی تېزیملردن فایدهلنیشنی قیینچیلیک بیلن روپهره قیلگنینی معلوم قیلگن.
ایران یېتکرمهلری، اوشبو مملکت جمهورلیک ریاستی سیلاوی اوشبو ییل سکیز سرطان ده اۉتکزیلیشینی اعلام قیلگنلر. ایرنا آژانسی گه کوره، ۳۱-ثور، دوشنبه کونی قوا باشلیغلری، ایران جمهور باشلیغی سیدابراهیم رئیسی تیکاوچر قولشی عاقبتیده هلاک بولگچ، اوشبو مملکت جمهورلیک ریاستی سیلاوی بو تاریخ ده اۉتکزیلیش گه قرار قیلگنلر.
اسلام امیرلیگی باش وزیری محمدحسن آخوند، ایران جمهور باشلیغی سیدابراهیم رئیسی و همراه هیئتی نینگ وفاتی مناسبتی بیلن، اوشبو مملکت خلقی گه همدردلیک بیلدیرگن. ارگ بوگون (۳۱-ثور، دوشنبه کونی) ایکس اجتماعی ترماغی ده اسلام امیرلیگی و افغانستان خلقی بو واقعه دن قیغولنگنینی یازگن.
پاکستان باش وزیری شهباز شریف، مملکتی ایران خلقی بیلن همدردلیک بیلدیریش مقصدیده بیر کون ماتم اعلام قیلهدی. او بوگون (۳۱-ثور، دوشنبه کونی) ایکس اجتماعی ترماغی ده، اوشبو کون پاکستان بیرقی یریم کوتاریلهدی.
ایران جمهور باشلیغی ابراهیم رئیسی بولگن تیکاوچر قولهگنیدن سۉنگ منطقه مملکتلردن بیرقطاری قیدیرو عملیاتیده ایران بیلن همکارلیک قیلیش اوچون تیارگرلیک کورستگنلر. افغانستان سرپرست حکومت تشقی ایشلر وزیرلیگی اوشبو مناسبت بیلن بیر بیانیه ترقهتیب، بو خبرنی «قورقو و امید» بیلن اېزلهماقده و رئیسی، عبداللهیان و بیرگهلریدهگی باشقه کیشیلر اوشبو حادثه دن قوتیلیش گه امید بیلدیرگن. سرپرست حکومت تشقی ایشلر وزیرلیگی گه کوره: «حاضرگی قلتیس احوال ده برادر و قۉشنی ایران دولتی و خلقی یانیگه توریب و یامان واقعه یوز بیرمهگنلیکّه امیدوار دیر.»
کانلر و پترولیم وزیرلیگی مسئوللری گه کوره، اسلام امیرلیگی ایکّینچی مراتبه قدرت نی آلگنیدن سۉنگ، چین، تورکیه، ایران، قطر و بریتانیا کمپنیهلری افغانستان نینگ بویوک سکیز کانی اوستیگه ییتّی میلیارد دالر سرمایه یاتقیزگن.
ملی ستندرد ادارهسی، ۲۹-ثور، شنبه کونی ایکس اجتماعی ترماغیده صفتسیز ۲۳ تیل تانکری ابونصر فراهی بندری دن ایران گه قیتریلگنیدن خبر بیرگن. ملی ستندرد ادارهسی نینگ کوپهیتیریشیچه، ایران دن یوکلنگن اوشبو تیل تانکرلری لابراتواری تیکشیریلیشدن کېین، صفتسیزلیگی انیقلهنیب و فراه ولایتی بندری دن ایران گه قیتریلگن.
افغانستان سرپرست حکومت ایچکی ایشلر وزیرلیگی مسئوللری، بامیان شهری ده قوراللی هجوم تلفاتی آلتی کیشی گه یېتگنینی معلوم قیلگن.
سۉنگی ایکّی کون ایچیده چین؛ منطقه و دنیا دهگی اېریم مسئلهلرنی بحث گه آلیش و روسیه همده چین مناسبتلری حقیده مذاکره قیلیش اوچون بو مملکت گه سفر قیلگن روسیه جمهور باشلیغی ولادیمیر پوتین نینگ میزبانی اېدی.
۲۶-ثور، چهارشنبه کونی کابل ده اسلام امیرلیگی و بیرلشگن ملتلر تشکیلاتی نمایندهلیکلری اۉرتهسیده هماهنگلیک مقصدیده ییغیلیش یولگه قوییلدی. اوشبو ییغیلیش ده اسلام امیرلیگی تشقی ایشلر وزیرلیگی سرپرستی امیرخان متقی، اۉتگن اوروشلر، قوروقچیلیک، سوو تاشقینلری و باشقه موردلرنی افغانستان دهگی اساسی قیینچیلیکلردن دیب و اسلام امیرلیگی برچه قیینچلیکلرنی باشقره آلمسلیگینی بیلدیرگن.
۲۶-ثور، چهارشنبه کونی کابل ده چین ایلچیسی جاو شینگ، اسلام امیرلیگی باش وزیری نینگ سیاسی اۉرین باسری محمد عبدالکبیر بیلن اوچرهشووده، ترانس هیمالیا ییغیلیشی ده قتنهشیشنی طلب قیلگن.
