اسلام امیرلیگی باش وزیری نینگ اداری اۉرین باسری عبدالسلام حنفی، افغانستان بویلب قوم، تیل و سمتی تعصبلر گه چېک قوییلگنینی بیلدیرگن. عبدالسلام حنفی، بوگون (۲۴-اسد، چهارشنبه) اسلام امیرلیگی نینگ قدرت نی آلیش اوچینچی ییللیگی مناسبتی بیلن بگرام قونالغهسیده یولگه قوییلگن احتفالده نطق سۉزلب، مملکت مقیاسیده قوم، تیل و سمتی تعصبلر گه چېک قوییلگنینی معلوم قیلگن.
محمد عبدالکبیر، بوگون (۲۴-اسد، چهارشنبه) اسلام امیرلیگی نینگ قدرت نی آلیش اوچینچی ییللیگی مناسبتی بیلن بگرام قونالغهسیده یولگه قوییلگن احتفالده، اسلام امیرلیگی کوچلری نینگ سعی-حرکتی طفیلی افغانستانده نیچه سنه اوروشلر و کېسکینلیکلر گه چېک قوییلگنینی اېتگن.
ترانسپورت و هوا یوللری وزیرلیگی نینگ هواشناسلیک ریاستی مسئوللری سلاموطندار بیلن اۉتکزگن صحبتلریده، اوشبو هفته چهارشنبه و پنجشنبه کونلری (۲۴ و ۲۵-اسد) نورستان، کنر، ننگرهار، لغمان، لوگر، پکتیا، خوست و پکتیکا ولایتلریده کوچلی یامغیر یاغیب، سوو تاشقینی و بوران یوز بیریش احتمالی پیشبینلیک بولگنینی اېتگنلر.
یشش محیط نی سقلش ملی اداره مسئوللری، امارت ادارهلری نینگ بیر ییللیک یوتوقلرینی پایلهشیش برنامه ده ایتیشلریچه، قویاش اۉتگن ییلده ایسیتووچی، یاقیلغی ماده و یشش اویلر، بنالر، حماملر، رستورانتلر نینگ چیقیندیلری و فاضلابلر تېزیمی شامل ۲۲ مینگ فعالیتی ایشلر نظارت بولگن و نتیجه ده ۱۵ مینگ فعالیتی ایشلر اصلاح بولیب و اولکه یشاوچیلری نینگ یشش محیط گه دایر ۸۰ دن کوپراق شکایتی تېکشیریلگن.
قندوز ولایتی محلی مسئوللری، اوشبو ولایت نینگ مرکزی حدودلری «شهرک سر دوره» منطقهسیده آلتی میلیون افغانیلیک بیر دمآلیش پارک فایدهلنیشگه تاپشیریلگنینی معلوم قیلگنلر.
اسرائیل نینگ هجوملری عاقبتیده ۲۰۲۳-ییل سکیز اکتوبر دن حاضرگه قدر، حزبالله لبنان نینگ ۴۰۷ اعضاسی هلاک بولگن. حزبالله لبنان حرکتی تلگرامی ده بیر بیانیه ترقهتیب، ۲۰۲۳ییل سکیز اکتوبر دن حاضرگه قدر اوشبو حرکت نینگ ۴۰۷ اعضاسی، اسرائیل اردوسی نینگ هوا و راکته هجوملریده هلاک بولگنینی معلوم قیلگن.
افغانستان نینگ ۲۰ سیک یشاوچیسی گه هندوستان فقرالیگی بیریلگن. هندو کوندهلیگی ۲۲-اسد، دوشنبه کونی ترقهتگن گزارشیده، افغانستانلیک اوشبو سیکلر قریب یوز کون آلدین آنلاین ویزه درخواستینی بیرگن اېکنلر. معلوماتلر اساسیده، بو کیشیلر گه هندوستان نینگ قانونی اساسیده کیملیک بیریلگن.
۲۱-اسد، یکشنبه کونی کیچ قورون کابل شهری غربی قسمی «دشت برچی» حدودلریده یوک تاشووچی بیر موتر ده ییرلشتیریلگن ماین پارتلشی بیلن، اوشبو شهر اینیقسه دشت برچی اهالیسی خوفسیزلیک ادارهلردن امنیتلری تأمین اېتیلیشی خصوصیده دقت قیلیشلرینی اېستهیدیلر.
افغانستانلیک سوداگرلردن بیرقطاری سلاموطندار بیلن اۉتکزگن صحبتلریده، کابلده پاکستان ایلچیخانهسی افغانستان و پاکستان گه باریب کېلهدیگن یوک تاشووچی موتر هیداوچیلری گه آیلر اوتیشی بیلن باریب-کېلیش وقتینچهلیک حجت توزیع قیلمهگنینی اېتهدیلر.
فواید عامه وزیرلیگی مسئوللری، سالنگ قتناو یولی اسفالت قیلینیشی اوچون بیر سنبله دن باشلب یوک تاشووچی و یولاوچی تاشووچی موترلر یوزیگه یاپیلیشیدن خبر بیرگنلر.
قاچقینلر وزیرلیگی ایران دولتیدن، افغانستانلیک قاچقینلر گه قرشی زورهوانلیکلر گه چېک قوییب و شفقت دن ایش آلیشینی سۉرهگن. اوشبو وزیرلیک بوگون (۱۹-اسد، جمعه) ایکس صحیفهسیده بیر بیانیه ترقهتیب، ایران ده افغانستانلیک قاچقینلر بیلن یاندهشوولر گه دایر ترقهلگن گزارشلرنی خواطرلی دیب اېتگن.
ایران دولتی رسمیلری نینگ معلوماتی اساسیده، حاضرگی کونده افغانستانلیک قریب بیش میلیون قاچقین قانونی و ناقانونی شکلده ایران ده یشب کېلماقده، بیراق سۉنگی کونلرده اوشبو مملکت دولتی تامانیدن قاچقینلر گه قرشی باسیملر آشیریلگنی اېتیلهدی. ایران ده افغانستانلیک قاچقینلر گه باسیملر و چېکلاولر یرهتیلگن بیرحالده، انده-سنده بو مملکت پولیسی قاچقینلر بیلن ناقانونی طرزده یانده شهدی.
اسرائیل اردوسی نینگ غزه ده هجوملری عاقبتیده فلسطینلیک آلتی کیشی هلاک بولگن. تورکیه آناتولی آژانسی گه کوره، بوگون (۱۸-اسد، پنجشنبه) اسرائیل اردوسی نینگ غزه شهریده ایکّی یشش اوی ده اۉیوشتیرگن هجوملری عاقبتیده آلتی کیشی قربان بولیب و باشقه بیرقطار کیشیلر یرهلنگن.
ایران جمهور باشلیغی مسعود پزشکیان، فرانسه جمهور باشلیغی امانوئل مکرون بیلن تلفونی علاقه ده، ایران باسیملر گه قرشی هېچ قچان جیم تورمسلیگی حقیده آگاهلنتیرگن. ایران یېتکرمهلری، ۱۷-اسد، چهارشنبه کونی اوشبو مملکت جمهور باشلیغی نینگ فرانسه دولت رهبری بیلن تلفونی گپیرگنیدن خبر بیرگنلر.
اوچیشده هرات ولایتی محلی مسئوللری، بیرینچی مرته اوشبو ولایتدن سعودی عربستان نینگ جده شهری گه اوچیشلر رسمی طرزده باشلنگنیدن خبر بیرهدیلر. هرات حاکمی اۉرین باسری حیاتالله مهاجر فراهی گه کوره، ۱۶-اسد، سهشنبه کونی بیرینچی اوچیشده ۱۲۶ حاجی عمره مراسمی اوچون سعودی عربستان نینگ جده شهری گه انتقال بیریلگن.
احصائیه و معلومات ملی اداره مسئوللری، بوگون (۱۷-اسد، چهارشنبه) امارت ادارهلری نینگ ییللیک یوتوقلرینی پایلهشیش برنامه ده، اوشبو اداره نینگ مملکت اجتماعی و اقتصادی احوالی گه دایر یوتوقلری حقیده تورلی خیل معلوماتلرنی یېتکرمهلر بیلن شریک قیلدیلر.
