ایران تشقی ایشلر وزیری سیدعباس عراقچینینگ اعلام قیلیشیچه، بوگون (۳-سرطان، سهشنبه)، ایرتهلب ساعت تورتگچه اسرائیل هجوملری توختهتیلگنی صورتده، شونینگدیک تهران هم حربی جواب قیترمهیدی.
ایران و اسرائیل اورتهسیده اوروش ۱۱ کوندن بیری دوام اېتماقده اېکن، اوشبو کونده هم ایککی تامان راکته و دران بیلن بیر-بیرینینگ توپراغی گه هجوم اویوشتیردی.
جوزجان ولایتی ساغلیقنی سقلش مسئوللری، اوشبو ولایتنینگ ۲۰۰ بسترلیک کسلخانهسیگه ۵۰ مینگ دالرلیک ینگی طبی اوسکونهلر یاردم کورسهتیلگنینی معلوم قیلهدیلر.
سرپرست حکومت تشقی ایشلر وزیرلیگی سرپرستی امیرخان متقی، تورکیه تشقی ایشلر وزیری هاکان فیدان بیلن اوچرهشیب، ایکی تامانلمه علاقهلر و منطقهای مسئلهلر توغریسیده صحبت قیلگنلر.
روسیهنینگ اوکراین گه اویوشتیرگن اینگ ینگی هجوملری نتیجهسیده، بیش کیشی اولیب و باشقه اونلب کیشی یرهلنگن. اوکراین رسمیلرینینگ ایتیشیلریچه، روسیه اوتگن کیچه کییف و اونینگ اطرافیگه هجوم قیلگن.
سوریه پایتختی دمشق شهری حدودلریگه قرهشلی دویلعه منطقهسیده جایلشگن «مار الیاس» کلیساسیده اویوشتیریلگن خودکش هجوم عاقبتیده ۲۰ کیشی هلاک بولیب و باشقه ۵۲ کیشی یرهلنگن.
ایران دولت رهبری مسعود پزشکیان، امریکانینگ ایران هستهای سایتلریگه هجومینی قارهلب، بو مملکت صهیونیستی رژیمنینگ عاجزلیگینی کوریب میدان گه توشیش گه مجبور بولگنینی اېتگن.
امریکانینگ بوگون (۱-سرطان، یکشنبه) ایرتهلب تانگ پیتلری ایراننینگ فردو، نطنز و اصفهان شامل هستهای سایتلری گه هجومیدن کېین، بیرلشگن ملتلر تشکیلاتی، پاکستان، لبنان، سعودی عربستان، عمان، ونزوئلا، کوبا، کلمبیا، نیوزیلند و باشقه بعضی مملکتلر، یقین شرقده اوروش کېنگهیشیدن خواطر بیلدیریب و اوروش تامانلریدن بو کېسکینلیکنی دیپلماتیک یول بیلن حل قیلیشلرینی سورهگنلر.
خلقارا ییتکرمهلرنینگ گزارش بیریشیچه، ایران تامانیدن بوگون اسرائیلنینگ بیر قطار بولیملریگه اویوشتیریلگن هجوملر نتیجهسیده، کمیده ۲۰ کیشی یرهلنگن.
ایران تشقی ایشلر وزیری سیدعباس عراقچینینگ ایتیشیچه، امریکا ایراننینگ «تینچلیکپرور» هستهای قوریلمهلریگه هجوم قیلیش بیلن، خلقارا قانونلر، بیرلشگن ملتلر تشکیلاتی منشوری و هستهای قوراللر کوچهیشی آلدینی آلیش شرطنامهسینی بوزگن.
پاکستان تشقی ایشلر وزیری محمداسحاقدار، اسلامی همکارلیک تشکیلاتی تشقی ایشلر وزیرلرینینگ ۵۱-ییغیلیشیده، افغانستان اهالیسی گه انسان سیورلیک یاردملر دوام تاپیشینی سورهگن.
اسرائیلنینگ عاجل یاردم خذمتی، ایراننینگ بو مملکتگه اویوشتیرگن ینگی هجوملریده، اسرائیل توپراغیده کمیده ۱۰ جاینینگ نشانگه آلینگنینی معلوم قیلگن.
امریکا قۉشمه ایالتلرینینگ جمهور باشلیغی دونالد ترامپ هم، ایران هستهای اوچ مرکزیگه اویوشتیریلگن هجوم موفقیتلیک بیلن عملگه آشیریلگنینی اېتگن. اونینگ کوپهیتیریشیچه، ایران اتمی انرژی سایتلریگه بولگن عملیات امریکا حربی کوچلرینینگ تلفاتسیزلیگی بیلن توگهگن.
تورکیه دولت رهبری رجب طیب اردوغان، استانبولده اسلامی همکارلیک تشکیلاتی ییغیلیشیده، اسرائیلنینگ ترتیبسیزلیکلرینی توختهتیش اوچون کوپراق بیرلیک و همجهتلیک کورسهتیش ضرورلیگی اوستیگه تأکیدلهگن.
بلخ ولایتیده اوتگن بیر ییل ایچیده اوشبو ولایت مقیاسیده قریب ۵۹۶ کیشی، بنگیوار مادهلرنی قاچاق قیلیش عیبی بیلن قولگه آلینگن.
مملکت ایکینچیلیک، سوغاریش و چاروهچیلیک وزیرلیگی سرپرستی عطاءالله عمری، روسیه ۲۰۲۵-ییل اقتصادی ییغیلیشی یانیده، اوشبو مملکتنینگ بعضی سرمایه یاتقیزووچیلری بیلن اوچرهشگن.
