اوتگن بیر کیچهوکوندوزده غزه کسلخانهلریده آچلیک طفیلی ینه توقیزته ینگی اولیم موردی ثبت بولگنی بیلن، بو منطقهده آچلیک و توییب آوقتلنمسلیک سبب توپلم اولیم سانی، ۱۲۲ مورد گه آشگن.
بریتانیا باش وزیری کایر استارمر، فرانسه جمهور باشلیغی امانوئل مکرون و جرمنی باش وزیری فریدریش مرتس، ۳-اسد، جمعه کونی، غزه اوروشی، انسانی بحران و انسان سیورلیک یاردملر یېتکزیب بیریلیشی گه بولگن چېکلاولر حقیده بحث ایتگنلر. بو مملکتلر، ایکی مستقل دولت شکللنیشی اوچون غزهدن اسرائیل حربی کوچلرینینگ چیقیشی و حماس رهبری چیتلنتیریلشی گه تأکیدلهگنلر.
فلسطین ساغلیقنی سقلش وزیرلیگی، غزهده اسرائیل اردوسینینگ اوتگن بیر کیچه-کوندوز ایچیدهگی هجوملری عاقبتیده، چمهسی ۶۲ کیشی قربان بولیب و باشقه اونلب کیشی یرهلنگنینی اعلان قیلگن. الجزیره یېتکرمهسی، بوگون (۳-اسد، جمععه) ترقهتگن گزارشی اساسیده، اوتگن کون ۱۹ فلسطینلیک انسان سیورلیک یاردم آلیش اوچون کوتیب تورگن پیتده، آتیب اولدیریلگن.
فرانسه دولت رهبری امانوئل مکرون، یقین شرقده عدالتلی صلح برقرار ایتیلیشی مقصدیده، فلسطیننی بیر مملکت اولهراق تن آلیشینی ایتگن.
چیننینگ افغانستان اوچون مخصوص وکیلی یو شیاویونگ، اسلام امیرلیگی تشقی ایشلر وزیرلیگی سرپرستی امیرخان متقی بیلن اوچرهشیب ایکی تامانلمه همکارلیک و افغانستاننی قیته قوریش مسئلهسی حقیده بحث ایتگنلر.
بلخ ولایتی محلی مسئوللری، قریب ۵۰ تُن بلیق آذوقهسی «مفید گروپ» خصوصی شرکتی تامانیدن تاجیکستان گه صادر قیلینگنیدن خبر بیرهدیلر. مفید گروپ وکیلی محمدافضل افضلی گه کوره، اوشبو بلیق آذوقهلری بلخ ولایتیده ایشلب چیقریلگن و ۱-اسد، چهارشنبه کونی قۉشنی تاجیکستان گه صادر قیلینگن.
بیرلشگن ملتلر تشکیلاتی مهاجرلر ایشلری بوییچه عالی کمیشنری فیلیپو گراندینینگ اعلام قیلیشیچه، افغانستانلیک قاچقینلر قیینچیلیگی حلی اوچون اسلام امیرلیگی و ایران اسلامی جمهورلیک رسمیلری بیلن اوچرهشگنیده، اوچ تامان آرهسیده اوچ تامانلمه مذاکرهلر اوتکزیلیشیگه کیلیشیلگن.
اسلام امیرلیگی تشقی ایشلر وزیرلیگی مسئوللری، بوگون (۱-اسد، چهارشنبه) حکومت یېتکرمهلر مرکزیده اوشبو وزیرلیکنینگ یوتوقلرینی شریک قیلیش دستوریده ایتیشیچه، اوتگن بیر ییلده سیزیلرلی درجهده منطقه همده غرب مملکتلریدن بعضیلری بیلن دیپلماتیک مناسبتلرینی مستحکملش گه اولگورگنلر.
پاکستانده اسلام امیرلیگی ایلچیخانهسی گه کوره، سرپرست حکومت صناعت و سودا وزیرلیگینینگ معینی احمدالله زاهد و پاکستان سودا وزیرلیگینینگ معینی جاوید پاول، تعرفهلرنی کمهیتیریش شرطنامهسینی امضالهدیلر.
افغانستان مرکزی بانکی بیرینچی اورین باسری صدیقالله خالد، اوتگن ییلده افغانستان مقیاسیده ۲۵ میلیارد افغانی تولاو، الکترونیکی شکلده عملگه آشیریلگنینی اېتهدی.
بیرلشگن ملتلر تشکیلاتی باش کاتبی، انسان سیورک یاردم ترقهتیلیشی جریانیده فلسطینلیکلر نشانگه آلینیشینی «وحشی و انسانیت» گه قرشی حرکت دیب و اونی قارهلهگن.
ملی مدافعه وزیرلیگی مسئوللری، بوگون (۳۱-سرطان، سهشنبه) حکومت یېتکرمهلر مرکزیده امارت ادارهلرینینگ یوتوقلرینی شریک قیلیش دستوریده، بیرقطار کیشیلر تیزیم گه قرشی میش-میش ترقهتیش آرقهلی خلقنینگ آسایشتهلیگینی بوزیش و داعشنی بویوک کورسهتیش گه سعی-حرکت قیلماقدهلیگینی معلوم قیلگنلر.
امریکا قۉشمه ایالتلری جمهور باشلیغی دونالد ترامپ، ضرورت بولگن حالده، ېنه هم ایران گه حربی هجوم قیلیشی حقیده آگاهلنتیردی. ترامپ، بوگون (۳۱-سرطان، سهشنبه) تروث سوشال اجتماعی ترماغیده، ېنه بیر مرته ایراننینگ هستهای سایتلری یوق قیلینگن سۉزلرینی تکرار قیلیب و ضرورت بولگن حالده، ایران گه حربی هجوم قیلیش گه تیارلیگینی بیلدیرگن.
نوار غزه بویلب اسرائیلنینگ کیتمه-کیت ییر و هوا هجوملری دوام قیلیب و اوتگن ۲۴ ساعتده، کمیده ۶۰ فلسطینلیک قربان بولگن. الجزیره ترماغینینگ بوگون (۳۱-سرطان، سهشنبه)، گزارش بیریشیچه، اوتگن کون آزیق-آوقت یاردملرینی قولگه کیلتیریش اوچون سعیوحرکت قیلهیاتگن ۱۱ کیشی، اسرائیل کوچلری آرقهلی اوققه توتیلیب و قربان بولگن.
افغانستان مرکزی بانکی، بیر میلیارد توقیز میلیون ۸۶۷ مینگ افغانی اېسکیرگن پولنی نیچه زوندن ییغیب آلاو بیرگنینی معلوم قیلگن. مذکور بانک، بوگون (۳۱-سرطان، سهشنبه) ایکس صحیفهسیده بیر بیانیه ترقهتیب اوشبو مقدار پول مرکزی، جنوبشرق و شرق زونلریدن ییغیلگینینی اېتگن.
فلسطین ساغلیقنی سقلش وزیرلیگینینگ اعلام قیلیشیچه، اوتگن کون (۲۹-سرطان، یکشنبه)، غزه ده انسانسیورلیک یاردملر ترقهتیلیش جریانیده، کمیده ۶۷ فلسطینلیک اوققه توتیلیب و قربان بولگن.
