اوشبو وزیرلیک سۉزلاوچیسی محمداشرف حقشناس سلاموطندار بیلن اۉتکزگن صحبتیده، سالنگ قتناو یولی قیته قوریلیشی اوچون بوگون (۱-سنبله، پنجشنبه) ایرتهلب ساعت ۶:۰۰ ده، یوک تاشووچی و یولاوچی تاشووچی موترلر یوزی گه یاپیلگنینی معلوم قیلگن.
پاسپورت ریاستی مسئوللری، مملکت بویلب یشاوچیلر گه پاسپورت توزیع قیلیش جریانی عادی حالتیگه قیتگنینی معلوم قیلهدیلر. پاسپورت ریاستی سۉزلاوچیسی نورالله پتمن سلاموطندار بیلن اۉتکزگن صحبتیده، ولایتلرده پاسپورت طلبگالری سانی کمهیگنینی اېتگن.
روسیه دولت رهبری ولادیمیر پوتین، آلدین خبر قیلینمهگن بیر سفرده چیچنستان گه بارگن. «ده مسکو» کوندهلیگی گه کوره، ولادیمیر پوتین ۳۰-اسد، سهشنبه کونی قریب ۱۴ ییلدن سۉنگ چیچنستان گه سفر قیلیب و اوشبو مملکت رهبری رمضان قدیروف بیلن اوچرهشگن. رمضان قدیروف اوشبو ییل می آیی ده روسیه جمهور باشلیغی دن چیچنستان گه سفر قیلیشینی سۉرهگن اېدی.
روسیه اردوسی، دونتسک ده اوکراین نینگ شرقی حدودلریده جایلشگن «نیو یورک» کیچیک شهرینی باسیب آلگن. خلقارا یېتکرمهلر نینگ معلوماتی اساسیده، روسیه اردوسی اوشبو شهر یقینی و باشقه منطقهلرده هجوملری گه دوام بیرماقدهلر، لېکن اوکراین حربی کوچلری بو هجوملر گه توسیق بولیش گه سعی-حرکت قیلماقدهلیکلرینی اېتگن.
پاکستان اکسپرس تریبون» کوندهلیگی بوگون (۲۹-اسد، دوشنبه) ترقهتگن گزارشیده، اوشبو مملکت نینگ افغانستان اوچون مخصوص وکیلی آصف علیخان درانی دن نقل قیلیب یازیشیچه، دنیا نینگ افغانستان احوالی گه دایر بی فرقلیگی، بو مملکت نینگ ۲۰۰۱-ییل ۱۱ سپتمبر هجومیدن آلدینگی احوال گه قیتیش امکانی موجود دیر.
تورکیه نینگ «تیآرتی آواز» کانالی آذربایجان مدافعه وزیرلیگیدن نقل قیلیب یازیشیچه، ارمنستان عسکرلری آذربایجان چېگره حدودلری «کلبجر» ده چېگره پوستهلری گه اوت آچگن.
روسیه جمهور باشلیغی ولادیمیر پوتین، رسمی بیر سفر ده آذربایجان پایتختی باکو گه یېتیب بارگن. خلقارا یېتکرمهلر نینگ معلوماتی اساسیده، پوتین جنابلری ۲۸-اسد، یکشنبه دن دوشنبه گه اوتر کیچه آذربایجان گه تشریف بویرگن. روسیه جمهور باشلیغی اوشبو سفریده آذربایجان هوا قونالغهسیده مذکور مملکت باش وزیری نینگ بیرینچی اورین باسری یعقوب ایوباوف تامانیدن کوتیب آلینگن.
اوشبو مراسمده اسلام امیرلیگی اردوسی باشلیغی فصیحالدین فطرت گه کوره، افغانستان مستقل طرزده و هېچ کیم نینگ بویروغی گه اعتبار بیرمهگن بیرحالده، مستقللیک ۱۰۵-ییللیگینی نشانلهگن. اونینگ کوپهیتیریشیچه، افغانستان حاضرگی کونده بو مملکت نینگ اصیل فرزندلری تامانیدن باشقریلماقده دیر.
او بو موضوع نی ۲۸-اسد افغانستان مستقللیگی نینگ ۱۰۵-ییللیگی مناسبتی بیلن مملکت مدافعه وزیرلیگی تالاریده یولگه قوییلگن احتفالده بیان قیلیب، افغانستان یشاوچیلری بیلن یخشی یاندهشوو مملکت بویلب اسلامی تېزیم مستحکملنیشی گه سبب بولیشینی اېتگن.
اۉزبېکستان باش وزیری عبدالله عارفاوف، مملکتی یقینده تاشکینت ده اسلام امیرلیگی ایلچیسینی قبول قیلیشینی اېتگن. ارگ، ۲۷-اسد، شنبه کونی ایکس صحیفهسیده بیر بیانیه ترقهتیب، عارفاوف بو موضوع نی اسلام امیرلیگی باش وزیری نینگ سیاسی اورین باسری محمد عبدالکبیر بیلن اوچرهشووده بیان قیلگنینی یازگن.
اوشبو وزیرلیک بوگون (۲۷-اسد، شنبه) ایکس صحیفهسیده بیر خبر ترقهتیب، اسلام امیرلیگی باش وزیری نینگ اقتصادی اۉرین باسری عبدالغنی برادر و اۉزبېکستان باش وزیری عبدالله عارفاوف حضوری بیلن، افغانستان صناعت و سودا وزیرلیگی و اۉزبېکستان سرمایه یاتقیزیش، صناعت و سودا وزیرلیگی اۉرتهسیده، سودا بوییچه شرطنامهلر امضالنگنینی معلوم قیلگن.
اۉزبېکستان جمهوریتی نینگ باش وزیری عبدالله عارفاوف، یوقاری مرتبهلی بیر هیئت یېتکچیلیگیده کابل گه تشریف بویرگن. اسلام امیرلیگی صناعت و سودا وزیرلیگی بوگون (۲۷-اسد، شنبه) ایکس صحیفهسیده بیر خبر ترقهتیب، اۉزبېکستان جمهوریتی نینگ باش وزیری عبدالله عارفاوف یېتکچیلیگیده بیر هیئت کابل گه تشریف بویرگنینی معلوم قیلگن.
اسلام امیرلیگی صناعت و سودا وزیرلیگی، کابل شهریده اۉزبېکستان محصولاتی نینگ ایکّی کونلیک کورگزمهسی یولگه قوییلیشینی معلوم قیلگن. اوشبو وزیرلیک ۲۴-اسد، چهارشنبه کونی ایکس صحیفهسیده بیر بیانیه ترقهتیب، کېلهسی هفته افغانستان خلقارا کورگزمهلر مرکزیده، اۉزبېکستان نینگ محصولاتی کورگزمهسی یولگه قوییلیشینی بیلدیرگن.
صناعت و سودا وزیرلیگی بوگون (۲۵-اسد، پنجشنبه) ایکس صحیفهسیده بیر بیانیه ترقهتیب، آذربایجان جمهوریتی نینگ بیر هیئتی اوشبو مملکت اقتصاد وزیرلیگی نینگ معینی یېتکچیلیگیده کابل گه کیلیب و اسلام امیرلیگی صناعت و سودا وزیرلیگی نینگ معینی احمدالله زاهد بیلن اوچرهشگنینی معلوم قیلگن.
افغانستانده جمهوریت توزومی چمهسی ایکّی سنه دن سۉنگ اسلام امیرلیگی قولیده سقوط قیلیشی باشقه ساحهلر گه نسبتن افغانستان نینگ اقتصادی اینیقسه یشاوچیلر نینگ تیریکچیلیک احوالی کېسکینلشی گه سبب بولدی و بو احوالنی یشاوچیلر نینگ افغانستان تجارتی بانکلری برابریده پوللرینی آلیش اوچون تارتگن اوزون صفلریده کوریش ممکن اېدی.
اسلام امیرلیگی سۉزلاوچیسی ذبیحالله مجاهد، بوگون (۲۴-اسد، چهارشنبه) افغانستانده اسلام امیرلیگی نینگ غلبه قازانیش اوچینچی ییللیگی مناسبتی بیلن ترقهتگن بیانیهسیده، اسلام امیرلیگی هر قندهی حالتده اسلامی تېزیمدن دفاع قیلیشینی بیلدیرگن.
