رویترز آژانسی گه کوره، حزبالله لبنان رهبری اسرائیل اردوسی نینگ ۶-میزان، جمعه کونی لبنان پایتختی بیروت جنوبی ده اویوشتیرگن هوا هجوملری عاقبتیده اوشبو حزب نینگ مرکزیده اولدیریلگن. اسرائیل اردوسی، جمعه کوندهگی هوا هجوملریده حزبالله لبنان رهبری گه قۉشیمچه جنوبی بولیم قوماندانی علی کرکی و مذکور حزب نینگ باشقه بیر قطار قوماندانلری اولدیریلگنینی اېتگن.
روسیه، چین، ایران و پاکستان تشقی ایشلر و مدافعه وزیرلری، بیرلشگن ملتلر تشکیلاتی نینگ عمومی ییغیلیشی یانیده افغانستان وضعیتی گه دایر اۉتکزگن تورت تامانلمه ییغیلیشلریده، قۉشمه بیانیه صادر قیلیب افغانستانده داعش نینگ کوچهیش سعی-حرکتلریدن خواطر بیلدیرگنلر.
تخار ولایتی درقد تومنی نینگ آمو دریا قیرهلریده یشب کېلهیاتگن یشاوچیلریدن بیرقطاری، یاز موسومیده آمو دریا سووی تاشیشی بیلن اورمانلر گه قۉشیمچه سرکلر، اریقلر و نیچه قیشلاق نی اۉزی بیلن آلیب کېتگنینی اېتهدیلر.
سرپرست حکومت ملی مدافعه وزیرلیگی، بوگون (جمعه، ۶-میزان)، اوز اکس صحیفهسیده یازیشیچه، اوشبو وزیرلیک نینگ ۹۴۷ کوماندو کوچلری آغیر تمرینلر و تعلیملر نینگ اوتکزیشدن کیین مخصوص بیر مراسمده، ملی مدافعه وزیرلیگی مخصوص کوچلری قوماندانلیگی نینگ تعلیمی مرکزیدن فارغ بولگنلر.
ساغلیقنی سقلش وزیرلیگی نینگ آزیق-آوقت و دارو معینیتی مسئوللری، بوگون (۵-میزان، پنجشنبه) اوشبو قویاش ییل باشلنگنیدن حاضرگه قدر صفتسیز و تاریخی اۉتگن ۸۶۰ تُن ییگولیک ماده و دارو یوق اېتیلگنینی معلوم قیلگنلر.
اسلام امیرلیگی کانلر و پترولیم وزیرلیگی سرپرستی بیر هیئت یېتکچیلیگیده روسیه گه سفر قیلگن. اوشبو وزیرلیک ۴-میزان، چهارشنبه کونی ایکس صحیفهسیده بیر بیانیه ترقهتیب، بو وزیرلیک سرپرستی هدایتالله بدری اوچ کونلیک بیر سفر ده روسیه گه یېتیب بارگنیدن خبر بیرگن.
اسلام امیرلیگی رهبری شیخ هبتالله آخوندزاده قندوز گه قیلگن سفری دایرهسیده، امر معروف و نه منکر قانونی عملگه آشیریلیشی گه تأکیدلب و هېچ بیر شرایط ده شریعت نی معامله قیلیش گه تیار اېمسلیگینی بیلدیرگن. اسلام امیرلیگی رهبری بیاناتی بیر بولیمیده، غرب مملکتلری نینگ افغانستانده انسان حقلری وضعیتی گه دایر یاندهشوویدن تنقید اېتگن.
لبنان ساغلیقنی سقلش وزیرلیگی، اسرائیل اردوسی نینگ اوشبو مملکت ده سۉنگی ایکّی کوندهگی هجوملری طفیلی قربانلر رقمی ۵۰ باله شامل ۵۶۹ کیشی گه یېتگنینی معلوم قیلگن. رویترز آژانسی گه کوره، اسرائیل اردوسی نینگ لبنان ایریم قسمتلری اینیقسه بو مملکت نینگ جنوبی حدودلریده سۉنگی ایکّی کوندهگی هوا هجوملری عاقبتیده بیر مینگ ۸۳۵ کیشی یرهلنگن.
اسلام امیرلیگی تشقی ایشلر وزیرلیگی، عبدالغفار بحر اۉزبېکستان ده افغانستان ایلچیسی اولهراق ایشگه باشلهگنیدن خبر بیرگن. اسلام امیرلیگی تشقی ایشلر وزیرلیگی سۉزلاوچیسی نینگ اورین باسری ضیااحمد تکل، ۲-میزان، دوشنبه کونی عبدالغفار بحر تاشکینت شهریده اسلام امیرلیگی ایلچیسی اولهراق تانیشتیریلگنینی معلوم قیلگن.
تاجیکستان سۉنگی بیر ییلده قۉشنی مملکتلری اینیقسه افغانستان و اۉزبېکستان گه ۸۲ میلیون دالرلیک برق صادر قیلگن. «آسیا پلس» یېتکرمهسی نینگ معلوماتی اساسیده، تاجیکستان اۉتگن میلادی ییل نینگ جنوری آی دن اوشبو ییل آگست آی گه قدر، افغانستان و اۉزبېکستان گه ۸۲ میلیون دالر برق صادر قیلگن.
روسیه «ریانووستی» آژانسی نینگ گزارشی اساسیده، اسلام امیرلیگی اوشبو مملکت جمهور باشلیغی ولادیمیر پوتین نینگ دستیاری یوری اوشاکوف گه مکتوب یوللب، بریکس اعضالری نینگ کېلهسی ییغیلیشی ده چقیریلیشلرینی سۉرهگن.
تورکیه نینگ شمال-غربی حدودلری «بورسا» شهریده تعلیمی بیر اوچاق نینگ قولهشی عاقبتیده ایکّی پیلوت قربان بولگن. آناتولی آژانسی گه کوره، اوشبو تعلیمی اوچاق بوگون (۲-میزان، دوشنبه) تورکیه نینگ شمال-غربی ده جایلشگن بورسا شهریده یشش منطقه ده قولهگن.
سۉنگی کونلرده اۉرته شرق ده کېسکینلیکلر اوج آلماقده اېکن اسرائیل و حزبالله لبنان سۉنگی کونلرده بیر-بیری نینگ مرکزلرینی هوا و راکته بیلن نشانگه آلماقدهلر.
معلوماتلر اساسیده، بیرلشگن ملتلر تشکیلاتی نینگ اوشبو ییغیلیشی ۲۴-سپتمبر کونیدن باشلب و اوشبو آی نینگ ۳۰- کونی گه قدر دوام تاپیشی ممکن، بو ییغیلیش ده مملکتلر نینگ لیدرلری غزه و اوکراین ده دوام اېتهیاتگن اوروش کبی دنیا بویوک معمالری یانیده افغانستان مسئلهسینی بحث گه آلیشلری کوتیلهدی.
کانلر و پترولیم وزیرلیگی سۉزلاوچیسی همایون افغان گه کوره، افغانستانده ۱۶۷ کیچیک کان نینگ قازیب چیقریلیشی اوچون ۱۰ میلیارد افغانی دن کوپراق سرمایه یاتقیزیلگن و ۱۳ بویوک کان نینگ قازیب چیقریش اوچون استه-سیکین سکیز میلیارد افغانی سرمایه یاتقیزیش فرصتی یرهتیلگن.
سرپرست حکومت کانلر و پترولیم وزیرلیگی مسئوللری، بوگون (۳۱-سنبله، شنبه) اوشبو وزیرلیک نینگ بیر ییللیک یوتوقلرینی یېتکرمهلر بیلن شریک قیلیش برنامه ده ایتیشلریچه، سۉنگی بیر ییلده قریب ۵.۵ میلیون دالرلیک ۷۸ مینگ گه یقین قیراط «زمرد» اېرکین داوطلبلیک آرقهلی ایچکی و تشقی سرمایه یاتقیزووچیلر گه ساتیلگن.
