اسلام امیرلیگی ایش و اجتماعی ایشلر وزیرلیگی، ۲۶ دلونی، سابق ساویت اتفاقی قوشینلرینینگ افغانستاندن چیقیشی ۳۷ ییللیگی مناسبتی بیلن، مملکت بویلب عمومی رخصتی اعلان قیلدی. اوشبو وزیرلیک، بوگون (۲۲ دلو/۱۱ فبروری، چهارشنبه) ایکس صحیفهسیده بیر بیانیه ترقهتیب بوحقده خبر بیردی.
اسلام امیرلیگی باش وزیرینینگ اقتصادی اورین باسرلیگی، ایرته (۲۲ دلو/ ۱۱ فبروری، چهارشنبه) «قویاش و تاش کومیر»دن ۸۴۵ میگاوات کوچیگه ایگه برق ایشلب چیقریش شرطنامه امضالنیشیدن خبر بیردی.
اسلام امیرلیگی مالیه وزیرلیگی، بوگون دن (۲۰-دلو، دوشنبه)، باشلب پاکستان دن دارو وارد بولیشینینگ بوتونلی تقیقلنگنینی معلوم قیلگن. مالیه وزیرلیگی سوزلاچیسی عبدالقیوم نصیرنینگ ایتیشیچه، باجخانهلردن برچهسیده قاچاقی دارو و باشقه توارلر وارد بولیشی آلدی آلینهدی.
افغانستان مرکزی بانکی، مملکت غرب حدودلریدن ییغیلگن ۵۳۷ میلیون ۷۴۷ مینگ افغانی ایسکیرگن پول آلاو بیریلگنینی معلوم قیلدی. اوشبو بانک، ۱۹ دلو / ۸ فبروری، یکشنبه کونی بیر بیانیه ترقهتیب، اوشبو مقدار پول هرات ولایتیده هیئتلر اشتراکی بیلن آلاو بیریلگنینی بیلدیردی. افغانستان مرکزی بانکی، آلاو بیریلگن بو مقدار پول ۱، ۲، ۵، ۱۰، ۲۰، ۵۰، ۱۰۰، ۵۰۰ و ۱۰۰۰ افغانیدن عبارت ایکنلیگینی قوشیمچه قیلگن.
اسلام امیرلیگی باش وزیرینینگ اقتصادی اورین باسرلیگی، افغانستانده چیت ایللیک سرمایه کیریتوچیلر گه بیر دن ۱۰ ییلگچه یشش ایزینی بیریلیشینی بیلدیردی. اوشبو اداره، ۱۸ دلو / ۷ فبروری، شنبه کونی ایکس صحیفهسیده بیر بیانیه ترقهتیب، اسلام امیرلیگی باش وزیرینینگ اقتصادی اورین باسری عبدالغنی برادر باشچیلیگیده، اوتگن کونگی اقتصادی کمیسیون ییغیلیشیده بوندهی قرار قبول قیلینگنینی بیلدیردی.
اسلام امیرلیگی تشقی ایشلر وزیرلیگینینگ اعلام قیلیشیچه، افغانستانلیک ۱۴ محبوس آذربایجان قماقخانهلریدن قوییب یوباریلگن.
قاچقینلر قیینچیلیکلرینی حل قیلیش بوییچه عالی کمیسیونینینگ اعلام قیلیشیچه، ایران و پاکستان دن ۴ مینگ ۱۹۷ افغانستانلیک قاچقین چیقریلگن.
اسلام امیرلیگی ایکینچیلیک، سووغاریش و چاروهچیلیک وزیرلیگی، قویاش ۱۴۰۴ ییل دوامیده، مملکت مقیاسیده ۱۵۸ مینگ ۲۰۵ متریک تُن «پخته» ییتیشتیریلگنینی بیلدیردی.
حقوقشناسلر گه کوره، فقه قاعدهسی «الضرر یزال» اساسیده، هر قندهی کمسیتیش تقیقلنهدی؛ بیراق ایریم وظیفهسی بولگن عیاللر سلاموطندار بیلن صحبتده، ایش جاییده کمسیتیش گه دوچ کیلهیاتگنینی ایتسهلرده، باشقهلری ایسه ایش جاییدهگی کمسیتیش سببلی مجبوراً اوز ایشلرینی ترک ایتگنینی بیلدیرهدی.
اسلام امیرلیگی عالی اوقوو وزیرلیگی، افغانستان ده علمی فعالیتلر کوچلنیشی مقصد، «نبوی سنتی طبابت» فاکولتهسی آچیلیشیدن خبر بیرگن.
بیرلشگن عرب امیرلیگینینگ دوبی شهریده سیاحلر و زرگرلیک ساحهسی وکیللری اوچون طلا بیلن قاپلنگن دنیادهگی ایلک کوچهنی برپا ایتیش ریجهسی محاکمه قیلینگن.
اسلام امیرلیگی ساغلیقنی سقلش وزیرلیگی، افغانستان ۱۸ ولایتیده بالهلر فلجی (پولیو) گه قرشی ایملش کمپاینی باشلنگنینی بیلدیردی. اوشبو وزیرلیک سوزلاوچیسی شرافت زمان امرخیل، بوگون (۱۳ دلو / ۲ فبروری، دوشنبه) ویدیو فایل ترقهتیب بو حقده خبر بیردی. اونگه کوره، پولیو گه قرشی ایملش کمپاینی کابل، ننگرهار، لغمان، کنر، نورستان، پکتیا، پکتیکا، خوست، غزنی، بادغیس، هرات، قندوز، فاریاب، بلخ، زابل، ارزگان، هلمند و قندهار ولایتلریده باشلنگن.
اسلام امیرلیگی حج و اوقاف وزیری نورمحمد ثاقب، کیلهسی قویاش ییل حج مراسمی اوچون افغانستان گه ۳۰ مینگ سهمیه بیریلگنینی معلوم قیلگن. او، بوگون (۱۱-دلو، شنبه)، کابل ده اوتکزیلگن خبری بیر ییغیلیشده ایتیشیچه، سعودی عربستان کیلهجکده افغانستان گه کوپراق سهمیه بیریلیشی توغریسیده سوز بیرگن.
اوشبو کمیتهنینگ معلوماتلری اساسیده، افغانستان و اوزبیکستان اورتهسیده سودا آلیش-بیریش حجمی ۲۰۲۴ ییلده قریب ۱.۱ میلیارد دالر بولگن و بو رقم میلادی ۲۰۲۳ ییلده تخمیناً ۸۶۷.۵ میلیون دالر دییلگن، بو اوزگریش کابل وتاشکینت اقتصادی مناسبتی مستحکملنیشی و کینگهیشیدن درهک بیرهدی.
عدلیه وزیرلیگی، اسلام امیرلیگینینگ قانونلری و تقنینی سندلریگه قرشی چیقیش «جنایت» حسابلنیشینی بیلدیردی. اوشبو وزیرلیک، بوگون (۸ دلو/ ۲۸ جنوری، چهارشنبه) بیر بیانیه ترقهتیب، اسلام امیرلیگینینگ قانونلری و تقنینی سندلریگه قرشی چیققن کیشیلر، عدلی و قضایی نهادلر گه تنیشتیریلیشینی ایتگن.
اسلام امیرلیگی احصائیه و معلومات ملی ادارهسی، قویاش ۱۴۰۴ ییل، جدی آییده ۲ مینگ ۳۹۶ چیت ایللیک افغانستان گه کیلیب کیتگنینی بیلدیردی. اوشبو اداره، بوگون (۷ دلو/ ۲۷ جنوری، سهشنبه) ایکس صحیفهسیده بیر بیانیه ترقهتیب بو حقده خبر بیردی. بیانیگه کوره، اوشبو کیشیلر مملکت چیگره بندرلری و هوا قونالغهلری آرقهلی کیلیب کیتگن.
