ایکی کون آلدین ( یکشنبه، ۸ حوت) اسلامی امارت سوزلاوچیسی و معلومات و مدنیت وزیرلیگی نینگ نشرات ایشلری بوییچه معینی ذبیح‌الله مجاهد، کابل‌ده مطبوعاتی ییغینده، «عذری» بولمه‌گن کیشی‌لر چیت ایل گه سفر قیله آلمسلیگینی ایتگن ایدی. اونینگ اورغولشیچه، افغانستان نینگ خارج ده‌گی مهاجرلری تقدیر سیز و قیین احوال‌ده تیریکچیلیک قیلماقده‌لر.
اسلامی امارت مهاجرلر وزیرلیگی نینگ مسئول‌لری، چیت ایل مملکت‌لری تامانیدن افغانستان فقرالری چیقریلیش جریانیدن تنقید قیلیب ایتیشلریچه، اوشبو اولکه‌لر چیقیش اوچون افغانستان یشاوچیلرینی ترغیب قیلیب، افغانستان نینگ ایچکی ایشلری گه اره لشه‌دی.
بلخ مرکزی مزارشریف شهریده عیاللر گه تیگیشلی مخصوص بیر بازار، رابعه بلخی بازاریده ۴۰ عیال اوچون تیکووچیلیک اورگه‌تیش و تولیدی بیر مرکز آچیلگن.
کان‌لر و پترولیم وزیرلیگی نینگ سرپرستی شهاب‌الدین دلاور گه کوره، دوحه صلح مذاکره‌لری جریانیده، آمریکا قوشمه ایالت‌لری افغانستان ده پایگاه‌لر ایجاد ایتیش‌نی سوره‌گن ایدی که اسلامی امارت تامانیدن رد بولدی.
بیرلشگن ملتلر تشکیلاتی نینگ خوفسیزلیک کینگشی ایرته (چهارشنبه، ۱۱ حوت)، افغانستان وضعیتی گه دایر ییغین اوتکزیشی کوتیله‌دی. بیرلشگن ملتلر تشکیلاتی نینگ افغانستانده‌گی اورین باسرلیک هیأت دفتری یا یوناما گه کوره، ایرته خلق‌ارا تشکیلات نینگ خوفسیزلیک کینگشی ییغینیده، افغانستان وضعیتی محاکمه قیلینه‌دی.
روسیه و اوکراین هیأت‌لری آره سیده بیرینچی دور صلح مذاکره‌لری یکونیدن کیین، مسکو و کی‌یف رسمی‌لری نینگ اعلامی اساسیده، ایکی تامان هیأت‌لری کیله‌سی نیچه کونگچه ایکینچی دور صلح مذاکره‌لری گه تیار بوله‌دیلر.
دوحه بیتیمی ایکی ییل لیگیگه بیر کون قالگن؛ اوشبو بیتیم ۲۰۲۰-ییل ۹ فبروریده قطرده اسلامی امارت نینگ اوشه زمان سیاسی دفتری نینگ اورین باسری ملا عبدالغنی برادر و آمریکا قوشمه ایالت‌لری نینگ افغانستان صلحی اوچون سابق مخصوص نماینده‌سی زلمی خلیل‌زاد آره‌سیده امضالندی.
ساغلیق‌نی سقلش وزیرلیگی نینگ مسئول‌لری مملکت بویلب کرونا گه قرشی ایملش کمپاینی یولگه قوییلیشیدن خبر بیره‌دی. ساغلیق‌نی سقلش وزیرلیگی سوزلاوچیسی جاوید هژیر نینگ ایتیشیچه، یشاوچیلر کیله‌سی ایکی کونگچه، میلادی ییل نینگ مارچ آیی‌دن ساغلیک مرکزلرده کرونا واکسینی نی قولگه کیلتیره آله‌دیلر.
کابل بلدیه‌سی نینگ اعلام قیلیشیچه، کابل شهری ده‌گی نهال‌لر و درخت‌لر نیچه کوندن بویان اوغری‌لر و فرصت طلب کیشی‌لر تامانیدن اوغیرلنیب و تالان ایتیلگن. مذکور اداره گه کوره، بوندن کیین اوغری‌لر، درخت‌لر و نهال‌لرنی کیسه دیگنلر نقدی جریمه بوله‌دیلر.
بغلان ولایتی دوشی تومنی نینگ اتمان‌خیل قیشلاغی یشاوچیلری، بغلان-قندوز دریاسی اوستیده موتر اوته‌دیگن بیر کوپریک نینگ ایشی نی شخصی هزینه بیلن باشله‌گنلر.
بیرلشگن ملتلر تشکیلاتی نینگ امنیتی کینگشی، بوگون روسیه نینگ اوکراین گه قیلگن هجومی حقیده مذکور تشکیلات نینگ عمومی مجمع اضطراری ییغینی نی یولگه قویشی گه قرار آلگن.
اروپا اتفاقی نینگ افغانستان اوچون ایلچیسی وان برانت، اسلامی امارت کوچلری تامانیدن اویمه-اوی تیکشیریلیش عملیاتی گه واکنش کورسه‌تیب، اوشبو جریان تیزلیک بیلن توخته‌تیلیشینی سوره‌گن.
خلق‌ارا مناسبت‌لر ایشلری بوییچه ایش بیلرمان‌لردن قطاری نینگ ایشانچی گه کوره، اوکراین‌ده اوروش باشله‌نیشی بیلن اوکراین‌لیک لر نینگ باشقه مملکت‌لر گه مهاجرتی باشلنگن. خلق‌ارا مناسبت‌لر ایشلری بوییچه ایش بیلرمان طارق فرهادی نینگ سلام وطندار گه ایتیشیچه، کیله‌سی ۳ ییل‌ده قریب ۵ میلیون اوکراین‌لیک باشقه مملکت‌لر گه آواره بولیش‌لری کوتیله‌دی.
مملکت نینگ ساووق حدودلریده دولت بیلیم یورت‌لری نینگ درس‌لری باشله‌نیشیدن بیر کوندن کیین، قطار طلبه‌لر اوشبو بیلیم یورت‌لرده مسلکی استادلر آزلیگیدن خواطر بیلدیریب ایتیشلریچه، بیرقطار اوقیتووچی علمی کدرلر جای‌نی تولدیریش مقصدیده قراردادی شکلده عالی تحصیلات‌ده استخدام بولگن‌لر. اولر گه کوره، ینگی استادلر سابق استادلر گه نسبتن، کمراق تجربه و معلومات گه ایگه دیر.
افغانستان اسلامی امارت سوزلاوچیسی و معلومات و مدنیت وزیرلیگی نینگ نشرات ایشلری بوییچه معینی ذبیح‌الله مجاهد اوتگن کون (یکشنبه، ۸_حوت) کابل‌ده خبری بیر ییغینده ایتیشیچه، اسلامی امارت کوچلری ایکی کون آلدین کابل‌ده شبهه‌لی اویلر نی تیکشیریش و تازه‌لش عملیات جریانیده، اسلامی دولت گروهی یا_ده داعش گه تیگیشلی ۶ کیشی، ۹ آدم اوغیرلاوچی و ۵۳ مسلکی اوغری‌نی قولگه آلگنلر و شونینگدیک بیر مقدار قورال هم قولگه کیلگن.
جوزجان امر معروف و نهی منکر باشلیغی محمدیاسین وقاص اوشبو ولایت معلومات و مدنیت ریاستی نینگ مطبوعاتی آمری بسم‌الله نصرت بیلن، بوگون جوزجان محلی رادیولرینی کوریب و مذکور رادیولر مسئول‌لریدن، دستورلرینی «اسلام قدریت‌لری» گه ماس تیارلب ترقه‌تیش لرینی طلب قیلدیلر.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
