افغانستان نی قیته قوریش اوچون امریکا نینگ مخصوص تیکشیریش ادارهسی یا سیگار ینگی گزارشیده، افغانستان قوشنیلری ایریم خواطرلر باعث، اوشبو مملکت بیلن سوداگرلیک و ترانزیت نی محدود قیلگنینی ایتگن.
افغانستان مرکزی بانکی، بازارده افغانی پول نرخینی ثابت سقلش مقصدیده ۱۲ میلیون دالرنی بازار گه لیلام قیلهدی.
بغلان ولایتیده عیاللر قول صناعت ایشخانه مسئوللری نینگ ایتیشلریچه، افغانستان ده اسلامی امارت نینگ قدرت گه ایریشگنیدن کیین، اولر نینگ قول صناعت تولیدلری ۷۰ فایز کمهیگن دیر.
اوچا یا افغانستان اوچون بیرلشگن ملتلر تشکیلاتی نینگ یاردملرنی هماهنگ قیلووچی دفتری گه کوره، افغانستان نینگ ۱۹ میلیون یشاوچیسی ییگولیک ماده تنقیصلیگی و ۲۵ میلیون جمعیتی ایسه قشاقلیک ده حیات کیچیرهدی.
افغانستان ده اسلامی امارت حاکم بولیشی بیرینچی کونیده، افغانستان خلقارا قونالغهلری اینیقسه کابل قونالغهسی باشقریلیشی دالضرب موضوعلردن بیری ایدی.
بادغیس ولایتی مرکزی قلعهنو شهری نینگ بازاری گه محصوللری نی کیلتیرگن اوشبو ولایت نینگ ۳۶ یاشر ایکینچیلریدن بیری خدابخش سلاموطندار گه ایتگن که، قوروقچیلیک بادغیس ولایتیده ایکینچیلر نینگ باشقه محصوللری گه زیان ییتیشتیرگنی بیرحالده؛ بیراق قاوون حاصلاتی یخشی رشد قیلگن دیر.
پاکستان ییتکیرمهلری نینگ معلوماتی اساسیده، افغانستان نینگ قوریق و تازه میوهلری یوکلنگن ۲۰۰ کامیون گمرکی تعرفه یوقاریلیگی باعث سوداگرلر نینگ ناراضیلیگی و افغانستان دن میوه وراداتی توختهتیلیشی اوچون، چمن گمرکی ده بند قالگن.
فاریاب ده بشر دوست خیریه جمغرمه مسئوللری نینگ سلاموطندار گه ایتیشلریچه، اوشبو ولایت قیصار تومنی نینگ اوزاق منطقهلریده، ۱۰ پروژه ایشینی بیتتیریب و فایدهلنیشگه تاپشیرگنلر.
کابل یشاوچیلریدن قطاری نینگ سلاموطندار گه ایتیشلریچه، کابل بازاریده ترکاری بهاسی کوپهیگن دیر که انه شوو سبب، اولر ترکاری آلیش گه کوچلری ییتیشمهیدی. شونینگدیک بازارده ترکاریلردن بیر قطاری جملهدن پمیدار نینگ کمهیگنیدن شکایت قیلهدیلر.
سونگی کونلرده خلقارا آزیق_آوقات دستوری نینگ یاردملری پاکستان یولی آرقهلی افغانستان گه یوباریلیشی کوتیلر ایدی، توختهتیلیشی ایتیلگن. خلقارا آزیق_آوقات دستوری نینگ مطبوعاتی مسئولی وحیدالله امانی نینگ سلاموطندار گه ایتیشیچه، مذکور نهاد نینگ یاردملری حاضرگه قدر توختمهگن. لیکن او کیلهسی کونلرده افغانستان نینگ آب و هواسی وضعیتیدن تشویش ده دیر.
میدیالر نینگ معلوماتی اساسیده، قزاقستان افغانستان گه انسان پرورلیک یاردملرینی جونهتگن. اوشبو یاردملر ۲۰۰ خیمه، ۲۰۰۰ توشک، کورپه و پتو، ۲۰۰۰ کییم_کیچک، ۲۰ تُن غله، ۶۰ مینگ لیتر یاغ دن عبارت دیر.
جوزجان حاکمی داملاشعیب رسالت نینگ سلاموطندار گه ایتیشیچه، اوشبو ولایت نینگ فیضآباد تومنی «بالا مردیان» قیشلاغیده یانغین باعث زیان کورگن عایلهلرنی تیکشیریشدن کیین، اولر گه اسلامی امارت رهبریتی همکارلیگی بیلن نقد پول توزیع قیلگنلر.
باختر دولت آژانسی نینگ معلوماتی اساسیده، اسلامی امارت باش وزیری نینگ بیرینچی و اقتصادی اورین باسری عبدالغنی برادر، اوتگن کون (جمعه، ۱۱ سنبله) هرات ده دین عالملری، قوم بویوکلری، سوداگرلر و سرمایه یاتقیزووچیلر نینگ ییغینیده قتنهشیب و نطق سوزلهگن.
بوگون احصائیه و معلومات ملی اداره مسئوللری، حکومت نینگ رسانهلر و اطلاعات مرکزی ده «دولت نینگ ملت گه حساب» بیریش برنامهسیده، اوشبو اداره نینگ بیر ییللیک یوتوقلری و فعالیتلرینی میدیالر بیلن شریک قیلدیلر.
هرات کانلر و صناعت اتاق باشلیغی حمیدالله خادم، اوشبو ولایت نینگ صناعتی شهرچهسیده یانغین یوز بیریشیدن خبر بیرهدی.
مملکت بویلب سونگی سیاسی اوزگریش و دولت ادارهلری نینگ ایشلاوچیلریدن قطاری ایشسیز بولیشیدن کیین، اولر نینگ عایله اعضالری اقتصادی قیینچیلیک بیلن روپهره بولگنلر. ایکی ییل مقدم بدخشان ولایتی مکتبلریده درس و تعلیم بیلن مصروف بولگن اوقووچیلر، حاضر اوشبو ولایت نینگ ایشخانهلری و آلتین کانلریده شاقه ایشلر بیلن مصروف دیر.
