سمنگان ده خوفسیزلیک مسئوللرینینگ ایتیشلریچه، اوشبو ولایتده یوز بیرگن ترافیکی حادثه نتیجهسیده، سکیز کیشی اولیب و یرهلنگن. سمنگان امنیه قوماندانلیگی سوزلاوچیسی حشمتالله رحمانینینگ ایتیشیچه، مذکور حادثه بوگون ایرتهلب (۲۴-قوس، دوشنبه)، اوشبو ولایت حضرتسلطان تومنینینگ «غزنیگک» منطقهسیده یوز بیرگن.
افغانستان مرکزی بانکی مسئوللری، اوشبو قویاش ییل باشیدن حاضرگچه، تورلی لایتلردن قریب ۳ میلیارد افغانی اېسکیرگن پولنی ییغیب و آلاو بیرگنلرینی معلوم قیلهدیلر. اولر گه کوره، بازار احتیاجلرینی نظر گه آلیش و پولی سیاستلرنی رعایت قیلیش بیلن، آلاو بیریلگن پوللر عوضیگه، اوشبو مقدارده ینگی پولنی بازار گه ترقهتگنلر.
اسلام امیرلیگی ساغلیقنی سقلش وزیرلیگینینگ اعلام قیلیشیچه، اوتگن ییلی جمعیت بوییچه ساغلیقنی سقلش کونگیللیکلری افغانستان بویلب ۱۷ میلیوندن آرتیق عایلهگه طبی خذمتلرنی کورستگن.
افغانستان اولاق لیگهسی ییتینچی دوری سکیزینچی باسقیچی گه یول تاپگن اولاق تیرمه جماعهلری انیقلندی. سرپل، بدخشان، قندوز، تخار، بلخ، پنجشیر، بغلان و هرات اوشبو مسابقهلرنینگ سکیزینچی باسقیچی گه یول تاپگن اولاق تیرمه جماعهلریدن عبارت دیر. اوشبو مسابقهلرده فاریاب، سمنگان و بامیان اولاق تیرمه جماعهلری گروهی باسقیچ گه یول تاپمهی و حذف بولدیلر.
خلقارا ایش تشکیلاتی، جاری ییل دسمبر آییده ننگرهار و لغمان ولایتلریده، ۱۱۸ عیال و ایرککدن عبارت کیچیک و اورته تجارت ایگهلرینینگ ایش جایی خوفسیزلیگی، دستلبکی شاشلینچ یاردملری، عاجل وضعیتلرگه عکسالعمل بیلدیریش و ایشلاوچیلر سلامتلیگی بوییچه سیمینار کورگنینی معلوم قیلگن.
اسلام امیرلیگی ساغلیقنی سقلش وزیرلیگینینگ اعلام قیلیشیچه، بوگون (۲۴-قوس، دوشنبه)، مملکت ۱۶ ولایتیده (کابل، بلخ، قندوز، هرات، نورستان، کنر، ننگرهار، لغمان، خوست، پکتیا، پکتیکا، غزنی، زابل، ارزگان، قندهار و هلمند)، پولیو گه قرشی ایملش کمپاینی باشلنهدی.
بلخ ولایتی شولگره تومنی «گذر تراب» قیشلاغی یشاوچیلرینینگ ایتیشلریچه، یوز بیرگن زلزلهدن بیر آیدن کوپ اوتگنی بیلن حاضرگچه هیچ یاردم قولگه کیلتیرمهگنلر. اولرنینگ کوپهیتیریشلریچه، زلزلهده اویلرینی قولدن بیریب و باشپنهسیزلیک، اولرنی کوپینچه قیینچیلیکلر بیلن روپهره قیلگن.
پایتخت کابل شهریده سودا و صناعت اتاقی تامانیدن ۲۳-قوس/۱۴-دیسمبر، یکشنبه کونی، «شین لاری» آتیده قول صناعتی ایکی کونلیک کورگزمهسی آچیلدی.
تخار ایکینچیلیک، سووغاریش و چاروهچیلیک ریاستی، اوشبو ولایت رستاق تومنیده انترکس «کویدیرگی»، کسللیگینینگ بیر موردی ثبت بولگنیدن خبر بیرگن.
سلاموطندارنینگ ۱۵ یاش (۹ اوغیل و ۶ قیز) بیلن صحبتی شونی کورستهدی کی، اوشبو یاشلر ایکی ییل دوامیده پادکست تیارلش بیلن شغللنیب کیلگن. پادکست – تورلی ساحهده منتظم روشده اودیو و ویدیو فایل تیارلب ترقهتیش دیر.
لغمان معلومات و مدنیت ریاستینینگ تاریخی آبدهلرنی سقلش مسئولی محمدنادر مخور، اوشبو ولایتده قدیمی بیر ساحهنینگ تانیلگنیدن خبر بیرگن.
پروان قیشلاقلرنی رواجلنتیریش و قیته قوریش ریاستیده محلی مسئوللرنینگ ایتیشلریچه، بیرلشگن ملتلر تشکیلاتینینگ بالهلرنی قوللب-قوتلاوچی صندیغی (یونیسف) مالی حمایتی بیلن، اوشبو ولایت بگرام تومنیده سوو ییتکزیش بیر ترماق قوریلهدی.
غزنی امنیه قوماندانلیگی سوزلاوچیسی خالد سرحدینینگ ایتیشیچه، اوشبو ولایتده گازدن زهرلنیش عاقبتیده، بیر ایر-خاتین اولگن. اونینگ کوپهیتیریشیچه، مذکور واقعه اوتگن کیچه بو ولایت مرکزی غزنی شهرینینگ «پشتونآباد» ساحهسیده یوز بیرگن.
مملکت شمال زونینینگ نفت مادهلری و گاز بیرلشمهسی مسئوللری، نفت مادهلری ساتیلهدیگن بازارنینگ حیرتان بندری شهرچهسیدن بلخ مرکزی مزارشریف شهریگه انتقال تاپگنیدن خبر بیرگنلر.
بیرلشگن ملتلر تشکیلاتی اوی-جای دستورینینگ آگاهلنتیریشیچه، تیزلیک بیلن شهرده یشش رواجلنیشی و هوا اوزگریشلری، افغانستان فرهنگی میراثینی خوف آستیگه قویهدی.
زلزله نتیجهسیده ییتیشگن ویرانلیکلر آرهسیده، یاشگه توله کوزلری بیلن قیزیدن قالگن اینگ کیچیک بیر نشانهنی اختریب یوریگن. او، یوز بیرگن زلزله جریانیده ۱۰ یاشر قیزینینگ قوتقره آلمهگنینی بیان قیلهدی.
