لوگر ولایتی یشاوچیلریدن قطارینینگ ایتیشلریچه، ستندرد ساغلیق خذمتلر بیلن صفتلی دارو گه قول تاپه آلمهیدیلر. لوگر ولایتی خروار تومنی یشاوچیلریدن بیری بسماللهنینگ سلاموطندار گه ایتیشیچه، اوشبو تومنده ستندرد دوالنیش مرکز یوقلیگی سبب، کسللرینی دوالنیش اوچون وقتیده لوگر مرکزی پلعلم شهریگه انتقال بیره آلمهیدیلر.
فاریاب ولایتی محلی مسئوللری، اوشبو ولایتنینگ گرزیوان تومنیده گازدن زهرلنیش عاقبتیده ایکّی کیشی قربان بولیب وباشقه بیر کیشی زهرلنگنیدن خبر بیرگنلر.
پاکستان قماقخانهلریدن عیاللر و بالهلر شامل اونلب افغانستانلیک قاچقین قوییب یوباریلگن.
قندوز سپورت و جسمانی تربیهلش ریاستی، سکیز ولایتدن ۸۰ سپورتچینینگ حضوری بیلن «کیک بوکسینگ» بیللشوولرینی اوتکزگن.
تورکیه حسابات و معلومات مرکزی (TÜİK) اوز ایکس صحیفهسیده، آدرسگه تیگیشلی جمعیتنی رویخط گه آلیش سیستمی (ADNKS)، نتیجهسینی اعلام قیلیب، تورکیه ده حیات کیچیرهدیگن چیتایللیکلر نفوسی اوتگن بیر ییل گه قرهگنده ۸۹ مینگ ۹۹۶ کیشیگه کمهیب، بیر میلیون ۴۸۰ مینگ ۵۴۷ کیشی بولگنی و بو نفوسدن ۴۸.۳ فایزی نی ایرککلر و ۵۱.۷ فایزی نی عیاللر تشکیل بیرگنینی یازگن.
مملکت فوتبال ملی تیرمه جماعهسینینگ کاپیتانی اسلامالدین امیری، ملی و باشگاهی فوتبال اویینلری بیلن خیرلشگنیدن خبر بیرگن.
سمنگان ده یوز بیرگن ترافیکی حادثه نتیجهسیده، ۱۴ کیشی اولیب و یرهلنگن. سمنگان امنیه قوماندانلیگی سوزلاوچیسی حشمتالله رحمانینینگ ایتیشیچه، بوگون ایرتهلب (۱۹-دلو، جمعه)، اوشبو ولایتنینگ پل حضرتسلطان منطقهسیده، «۵۸۰» رسوملی بیر موتر بیلن «تونس» رسوملی بیر موتر توقنشگن.
جوزجان قیشلاقلرنی رواجلنتیریش و قیته قوریش ریاستی سوزلاوچیسی ثمرالدین نوری، اوشبو ولایتده توقیز مینگ ۸۰۳ عایلهگه یاردم ترقهتیلگنیدن خبر بیرگن.
غور معارف ریاستی باشلیغی حفیظالله محفوظ، اوشبو ولایتده ۱۰ آیده ۳۴ ته مکتب، ایکیته دینی مدرسه و بیرته دارالحفاظنینگ اساسی شکلده قیته قوریلیب و فایدهلنیشگه تاپشیریلگنیدن خبر بیرگن.
تاجیکستان پایتختی دوشنبه شهری، ۱۷-دلو، چهارشنبه کونی افغانستان حقیده اروپا بیرلشمهسی و مرکزی آسیا مملکتلری مخصوص نمایندهلرینینگ آلتینچی ییغیلیشی میزبانی ایدی. تاجیکستان تشقی ایشلر وزیرلیگی بیر بیانیه ترقهتیش بیلن اعلام قیلیشیچه، اوشبو ییغیلیشده افغانستاننینگ خوفسیزلیک، اقتصادی و سیاسی اوزگریشلری حقیده صحبت بولگن.
وسواس، روحی بیر قیینچیلیک بولیب، یاندهشوو، حس-تویغو و فکرنی بوزیش بیلن بیللی بولهدی. کابل ده روانشناسلردن قطارینینگ ایتیشلریچه، خواطرلنیش، عایلهوی قیینچیلیک، اوزیگه ایشانمسلیک و قورقوو، عیاللرده وسواسگه سبب بولهدی. اولرگه کوره، وسواسنینگ اینگ کینگ شکلده ترقهلگن توری، عیاللر آرهسیده حددن تشقری یوویش دیر.
بویوکلریمیزنی ایسلب آتیده، علیشیرنوایی و ظهیرالدین محمد بابرنینگ توغیل ییللیگیدن کابلده نشانلندی.
بدخشان ده آلتین بیر کاننینگ قولشی عاقبتیده، بیر کانچی اولیب و باشقه ایکی کانچی ایسه یرهلنگن. بدخشان امنیه قوماندانلیگی سوزلاوچیسی احسانالله کامگارنینگ ایتیشیچه، مذکور واقعه اوتگن کون (۱۷-دلو، چهارشنبه)، توشدن کیین اوشبو ولایت یفتل تومنینینگ «گلستان» قیشلاغیده یوز بیرگن.
هرات ده محلی مسئوللر، اوشبو ولایت شیندند تومنیده سولری برق بیلن جهازلنگن ایکی سوو ییتکزیش ترماقنینگ افغان قیزیل آی جمعیتی مالی حمایتی بیلن فایدهلنیشگه تاپشیریلگنیدن خبر بیرگنلر.
بدخشان اقتصاد ریاستی مسئوللری، جاری قویاش ییلده اوشبو ولایتده ایکی میلیارد ۷۱۵ میلیون افغانیلیک ۹۵ ته ترقیاتی لایحهنینگ، عملگه آشیریلیب و عملگه آشیریلماقدهلیگیدن خبر بیرگن.
اسلام امیرلیگی تشقی ایشلر وزیرلیگی گه کوره، امریکا قۉشمه ایالتلری جمهور باشلیغی دونالد ترامپنینگ فلسطین آوارهلری و اولرنینگ باشقه مملکتلرده جای بیریلیش حقیدهگی بیاناتینی، خلقارا قاعدهلرنی انیق ایاغ آستی قیلیش اتهگن.
