کابل ده ۵۵ جفت نینگ توپلم توی بولیب اوتدی
«امام علی» انسان پرور بنیادی نینگ مالی یاردمی بیلن، بوگون (سهشنبه، ۸ قوس) کابل ده ۵۵ جفت نینگ توپلم توی بولیب اوتگن.
«امام علی» انسان پرور بنیادی نینگ مالی یاردمی بیلن، بوگون (سهشنبه، ۸ قوس) کابل ده ۵۵ جفت نینگ توپلم توی بولیب اوتگن.
پاکستان نینگ تشقی ایشلری بوییچه دولت وزیری حنا ربانی کهر بیر هیئت ییتکچیلیگیده کابل گه کیلیب، مملکت تشقی ایشلر وزیرلیگی نینگ سرپرستی امیرخان متقی بیلن اوتکزگن ملاقاتیده، کابل و اسلامآباد نینگ همکارلیگی اوستیگه تأکید ایتگن. حنا ربانی ییتکچیلیگیده پاکستان هیئتی، بوگون ایرتهلب (سهشنبه، ۸ قوس) کابل گه ییتیب کیلگن.
هرات خوفسیزلیک مذاکرهلر نینگ اونینچی ییغیلیشی، افغانستان استراتیژیک مطالعهلر انستیتوتی میزبانلیگی بیلن «برچه شمول سیاسی توزوم و یول خریطهسی» عنوانیده بوگون (سهشنبه، ۸ قوس)، تاجیکستان پایتختی دوشنبه شهری ده باشلندی.
قول ساتووچیلیک بیلن حیات کیچیریب کیلهیاتگن کابل یشاوچیلریدن بیر قطاری، اقتصادی قیینچیلیکلریدن نالیدیلر. اولر نینگ ایتیشلریچه، قول ساتووچیلیک درآمدلری بیلن، یشش اویلرینی ایسیتیش اوچون تاش کومیر و یاغاچ ساتیب آلیشگه کوچلری ییتمهیدی.
بادغیس دهگی محلی منبعلر نینگ ایتیشلریچه، اوشبو ولایتده قوراللی نامعلوم کیشیلر بیر عادی اهالینی اوققه توتیب اولدیرگن. اوتگن کون (دوشنبه، ۷ قوس)، شام چاغی اوشبو کیشی قادس تومنی «خواجه پسته» قیشلاغیدن «خاک پولک» قیشلاغی تامان باریش چاغیده واقعه یوز بیرگن.
افغانستان مرکزی بانکی اوز توییتری ده یازیشیچه، افغانستان گه چیت ایل مملکتلر نینگ انسان پرورلیک یاردملری دوام ایتر ایکن بوگون (سهشنبه، ۸ قوس)، ۴۰ میلیون دالرلیک نقدی یاردم کابل گه ییتیب کیلگن.
زابل ساغلیقنی سقلش ریاست مسئوللری نینگ ایتیشلریچه، اوشبو ولایت نینگ سیور تومنیده ۲۰۰ باله «کوک یوتل» کسللیگیگه چلینگن و اوشبو کسللیککه چلینگن ایکی باله جان بیرگن.
اولکه تشقی ایشلر وزیرلیگی اوز توییتری ده یازیشیچه، بوگون (سهشنبه، ۸ قوس) حنا ربانی کهر ییتکچیلیگیده پاکستانلیک هیأت کابل گه ییتیب کیلگن و اولکه تشقی ایشلر وزیرلیگی نینگ سرپرستی امیرخان متقی بیلن اوچرهشیش مقصد، تشقی ایشلر وزیرلیگی تامان حرکت قیلگن.
عیال حقوقی فعالی وحیده عدالتجو نینگ ایتیشیچه، آلتینچی صنف دن یوقاری قیزلر گه مکتب باریش رخصتی بیریلمسلیگیدن آلیب دولت ادارهلریدن عیال ایشلاوچیلری نینگ ایش دن بوشهتیلیشی، عیاللر گه دم آلیش پارکلر و سپورت کلوبلریده باریش رخصتی بیریلمسلیک چیکلاولری یرهتیلگن.
کابل پولیسی متقاعدلر انجمنی، متقاعدلر نینگ تیریکچیلیک وضعیتلریدن شکایت قیلیب ایتیشیچه، اولردن بیر قطاری نینگ حقوقلری ایکی ییل دن بیری توللنمهگن.
غزنی خوفسیزلیک مسئوللری اوشبو خبرنی تصدیقلب ایتیشلریچه، غزنی ده تاش کومیر توتیشی عاقبتیده بیر آنه کیچیک یاشر ایکی قیزی بیلن جان بیرگنلر.
اوتگن کون –یکشنبه، ۶ قوس، بیرلشگن ملتلر تشکیلاتی نینگ مهاجرلر ایشلری بوییچه عالی کمیشنری دفتری ((UNCHR مسئوللری نینگ ایتیشلریچه، سمنگان محلی مسئوللری نینگ حضوری بیلن اوشبو ولایتده ۹۳۱ قشاق و محتاج عایله گه ۲۶۵ مینگ امریکالیک دالر توزیع قیلگن.
باختر دولت آژانسی بوگون (دوشنبه، ۷ قوس) اوز توییتری ده یازیشیچه، افغانستان دن قزاقستان گه بیسکویت صادر قیلینگن.
باختر دولت آژانسی، بوگون (دوشنبه، ۷ قوس) اوز توییتری ده یازیشیچه، اسلام امیرلیگی مدافعه وزیرلیگی حاضرگچه افغانستان سابق ارتشی گه عاید ۶۰ دن آرتیق حربی اوچاق نی تعمیرلب و فعال قیلگن.
پاکستان میدیالری اوشبو مملکت نینگ دیپلوماتیک منبعلریدن نقل قیلیب ایتیشلریچه، پاکستان نینگ مخصوص نمایندهسی محمدصادق خان و برچه وزارتخانهلر رسمیلری اینیقسه مالیه وزیری، اوشبو سفر ده حنا ربانینی همراهلیک قیلهدیلر.
سمنگان ولایتی امنیه قوماندانلیگی سوزلاوچیسی منیر رحیمی نینگ سلاموطندار گه ایتیشیچه، اوتگن کون –یکشنبه، ۶ قوس، بغلان دن مزارشریف تامان حرکت گه بولگن «کرولا» رسوملی بیر موتر سمنگان ولایتی خلم تومنی «صیاد» منطقهسیده «تیلری» رسوملی بیر موتر بیلن توقنشگن، نتیجه ده اوچ کیشی اولیب و باشقه تورت کیشی یرهلنگن.