افغانستان هواشناسلیک ریاستی: مملکت نینگ ۶ ولایتیده کوچلی یامغیر و قار یاغیشی ممکن
افغانستان هواشناسلیک ریاستی، مملکت نینگ ۶ ولایتیده کوچلی یامغیر و قار یاغیشیدن آگاهلنتیرگن.
افغانستان هواشناسلیک ریاستی، مملکت نینگ ۶ ولایتیده کوچلی یامغیر و قار یاغیشیدن آگاهلنتیرگن.
افغانستان مرکزی بانکی اوز توییتری ده، افغانستان گه یاردم بیرووچی مملکتلر نینگ انسان پرورلیک یاردملری دوام ایتر ایکن، بوگون ۴۰ میلیون دالرلیک نقد یاردم کابل گه ییتیب کیلیب و تجارتی بانکلردن بیری گه تاپشیریلگنینی یازگن.
اوکراین جمهور باشلیغی ولودیمیر زلنسکی، سونگی بیاناتیده یقینده روسیه تامانیدن اوکراین نینگ سوو و برق آست قورمهلری نشانگه آلینیشیدن آگاهلنتیرگن.
مصر نینگ شرمالشیخ دم آلیش و ساحلی شهری ده بیرلشگن ملتلر تشکیلاتی اقلیم اوزگریش ییغیلیشیده اشتراک ایتگن قریب ۲۰۰ مملکت نینگ نمایندهلری، اقلیم اوزگریشی طفیلی زیان کورگن کمبغل مملکتلر گه تاوان پولی تولـهنیشی خصوصیده کیلیشدیلر.
سیاسی ایش بیلرمانلر نینگ ایشانچی گه کوره، بیرلشگن ملتلر تشکیلاتی عمومی ییغیلیشیده افغانستان نمایندهسی نطق سوزلهمسلیک و بیرلشگن ملتلر تشکیلاتی خوفسیزلیک کینگشی تامانیدن، حاضرگی حکومت رهبرلری نینگ سفر معافیتی تمدید ایتیلمسلیگی، افغانستان نینگ سیاسی تنزل گه یوز توتیشیگه سبب بولگن.
فاریاب ولایتی اندخوی تومنی یشاوچیسی بولمیش خورشید جویا کانکورعمومی سیناویده ۳۴۰.۴۰ نمره و جوزجان یشاوچیسی بولمیش نبیلا ۳۴۳ نمره آلیش بیلن کابل نینگ معالجوی طب بولیمی گه یول تاپگنلر. اولر مذکور ایکی ولایت بویلب کانکور سیناوی گه اشتراک ایتگنلر آرهسیده بیرینچی اوریننی ایگهلگنلر.
سوو و برق وزیرلیگی نینگ ایتیشیچه، مملکت باش وزیرلیگی گه یوباریلگن ریجه اساسیده، یشش اویلردهگی ایچیملیک قودوقلر گه میتر قوندیریلهدی، اوی ایگهلری سوونی کوپ صرفلهگن تقدیرده، پول تولهیدیلر. اوشبو ریجه اساسیده، سوو قودوقلرینی اوز باشیمچهلیک قزیلیشی منع ایتیلهدی.
بدخشان نینگ پامیر یشاوچیلری، بیرینچی مرته مخابراتی خذمتلر گه قول تاپیشلری ممکن.
سرپل امنیه قوماندانلیگی سوزلاوچیسی دینمحمد نظری نینگ سلاموطندار گه ایتیشیچه، اوشبو ولایت نینگ مرکزی «امامخُرد» قیشلاغیده ۴۰ یاشر بیرعیال، نامعلوم کیشیلر تامانیدن بوغیب اولدیریلگن. سرپل امنیه قوماندانلیگی سوزلاوچیسی گه کوره، مذکور عیال نینگ جسدی بوگون (یکشنبه، ۱۵ عقرب) سرپل مرکزی خرابه قیشلاغی «اورتهبز چولی» حدودلریدن تاپیلگن.
بدخشان ده ییر سیلجیشی عاقبتیده، بیر کیشی هلاک بولیب و باشقه بیر کیشی یرهلنگن. بدخشان دهگی منبعلر نینگ ایتیشلریچه، اوشبو واقعه اوتگن کون توشدن آلدین (شنبه، ۱۴ عقرب) مذکور ولایت نینگ مایمی تومنی حدودلریده یوز بیرگن.
سرپل امنیه قوماندانلیگی سوزلاوچیسی دینمحمد نظری نینگ سلاموطندار ایتیشیچه، نامعلوم کیشیلر اوشبو ولایت نینگ صیاد تومنی «انگشکه» قیشلاغی یشاوچیلریدن بولمیش محمدنعیم نی، کلتکلش دن کیین اوققه توتیب اولدیرگنلر.
تخار ولایتی خواجهبهاءالدین تومنی مهاجر قیشلاق آوارهلری، حاضرگی تیریکچیلیک احواللریدن نالیماقدهلر. مذکور قیشلاق آوارهلری نینگ ایتیشلریچه، اسلامی امارت کوچلری تامانیدن زوردن یشش اویلریدن چیقریلگندن کیین، امکانیتلری یوقلیگی اوچون آچیق هوا ده چادر قورگنلر.
اوتگن هفته پنجشنبه – ۱۲ عقرب، پایتخت کابل غربی قسمیده یولگه قوییلگن مطبوعاتی ییغینده اعتراضچی عیال «ظریفه یعقوبی» و باشقه تورت ییگیت اسلامی امارت تامانیدن قولگه آلینگنی خبر قیلیندی. اولر نینگ قولگه آلینیشیدن اوچ کون اوتسه ده، لیکن اولر نینگ احوالیدن هیچ خبر یوق.
هرات امنیه قوماندانلیگی نینگ دفتری بیر بیانیه ترقهتیب ایتیشیچه، اوشبو ولایتده ایکی کیشینی عیاللرنی ساتیش بیلن قولگه آلگنلر.
قیزخاچ کمیتهسی، افغانستان ده بشری وضعیت آغیرلشیدن خواطر بیلدیریب ایتیشیچه، اسلامی امارت حاکمیتیدن کیین مملکتدهگی وظیفهدارلر کیشیلر نینگ کونیده ۱۰۰ افغانی عایدی بار و قریب ۲۰ میلیون کیشی نینگ ییترلی ییگولیک آوقاتی یوق دیر.
منبعلر، بیر ییگیت بیلن ناقانونی رابطهسی بارلیککه عیبلنگن عیال، آتهسی تامانیدن اولدیریلگنیدن خبر بیرهدیلر. اوشبو واقعه اوتگن کیچه (جمعه، ۱۳ عقرب)، فاریاب ولایتی بلچراغ تومنی «قورچی» قیشلاغیده یوز بیرگن.