پروان ده گل ساتووچیلردن قطاری، اوشبو ولایتده گل بازاری یوقلیگیدن شکایت قیلماقدهلر. اولر نینگ ایتیشلریچه، اسلام امیرلیگی حاکمیت گه ایریشگچ، پروان ده گل سوداسی پس توشیب و گل ساتووچیلر ایسه، یریم مجازلرینی (مشتری) قولدن بیریشگن.
قندهار محلی مسئوللری نینگ ایتیشلریچه، اوشبو ولایتده ۱۶ یاشر بیر ییگیت اوزینی دار گه آسیب و حیاتیگه نقطه قویگن.
اسلام امیرلیگی ایش ادارهسی تدارکات ریاستی تامانیدن اوزبیکستان دن ساتیب آلینگن ۱۲۵ ته ینگی آمبولانس، بوگون (چهارشنبه، ۲ قوس) ساغلیقنی سقلش وزیرلیگی گه تاپشیریلگن.
۳۵ یاشر جانان ارزگان مرکزی ترینکوت شهری یشاوچیسی دیر، ۱۰ ییل آلدین ماین پارتلشی باعث بیر ایاغینی قولدن بیرگن، بیش ییل دن بویان بدن تربیهلش بولیمیده ایشلهیدی و شونینگدیک بیر کلوب آچیش بیلن، یوزلرچه ییگیت گه سپورت شرایطینی یرهتگن.
ساغلیق نی سقلش وزیرلیگی اعلام قیلگن که، کنر، لغمان، نورستان و ننگرهار ولایتلریده اوتگن کوندن بیری پولیو گه قرشی ایملنیش پروسهسی باشلنگن و شونینگدیک ایرته پنجشنبهگچه دوام تاپیشی ممکن.
دنیا بانکی ۲۰۲۲_ییل جون آییدن آگست آییگه قدر، افغانستان یشاوچیلری نینگ تیریکچیلیک احوالینی تیکشیرگن، اونگه اساس اوشبو مملکتدهگی عایلهلردن اوچ دن ایکی قسمی، دستلبکی امکانیتلرینی قیینلیک بیلن تأمینلهیدیلر.
هرات ولایتی خوفسیزلیک رسمیلری، مذکور ولایتده ایناغهسی نینگ خاتینینی اولدیرگن کیشی قولگه آلینگنیدن خبر بیرهدیلر.
بیرلشگن ملتلر تشکیلاتی نینگ انسان پرورلیک یاردملرینی هماهنگ قیلووچی دفتری (اوچا) گه کوره، ۲۴ میلیون افغانستانلیک، انسان پرورلیک تیز یاردم گه محتاج دیر.
خوفسیزلیک مسئوللر نینگ ایتیشلریچه، کابل شهری توقیزینچی خوفسیزلیک حوزه حدودلری گه قرهشلی خواجهرواش منطقهسیده، بیر کیشی اوز تفنگچهسی بیلن، بیر مسجد ده بیر عایله نینگ بیش اعضاسینی اولدیریب و اولردن بیرینی یرهلنتیرگن.
زابل ساغلیقنی سقلش باشلیغی عبدالحکیم حکیمی نینگ ایتیشیچه، اوتگن ایکی آی ایچیده مذکور ولایتده ۹۰ ته عقل دن آزگن ایتلر نینگ قاپیش واقعهسی قید ایتیلگن و اولردن ایکی کیشی اولگن. اونگه کوره، اوشبو ایکی کیشی زابل ولایتی میزان و کاکر تومنلری یشاوچیلری دیر.
بوگون (سهشنبه، ۱ قوس)، کابل ده اقتصادنی قوللب_قوتلش ۱۳_خلقارا عامهوی کورگزمه، سوداگرلیک و صناعت وزیرلیگی نینگ یاردمی و سوداگرلر و سرمایه یاتقیزووچیلر اتفاقی نینگ تشبثی بیلن یولگه قوییلدی.
افغانستان امانت صندیغیدن نظارت قیلیش بورد اعضالری نینگ بیرینچی ییغینی اوتگن کون سویس پایتختی ژنو شهریده یولگه قوییلگن دیر. افغانستان امانت صندیغی نینگ بورد عضوی و مرکزی بانک نینگ سابق ریاست رئیسی انوارالحق احدی نینگ سلاموطندار گه ایتیشیچه…
غزنی ولایتی امنیه قوماندانلیگی سوزلاوچیسی خالد سرحدی نینگ سلاموطندار گه ایتیشیچه، عبدالبشیر اسملی کیشی، اوتگن کون –دوشنبه، ۳۰ عقرب، عصر چاغی سلطان محمود غزنوی نینگ روضهسی یقینیده، اوزینی موتری نینگ ایچیده آلاو بیرگن.
پروان ولایتی سیدخیل تومنیده محلی مسئوللر نینگ ایتیشلریچه، اوشبو ولایتده بیر ایرکک ایناغهسی تامانیدن اولدیریلگن.
قیش موسومی عرفهسیده، پایتخت یشاوچیلری کابل شهری ده هوا افلاسلنیشیدن خواطر بیلدیریب ایتیشلریچه، هر کون اوشبو شهر نینگ فضاسی افلاسلنیب، کسللیکلر و تنفسی قیینچیلیکلر گه سبب بولگن.
افغانستان ده قیش موسومیده انسانی بحران کوچهیشیدن خواطرلر ینگرهماقده ایکن، بیرلشگن ملتلر تشکیلاتی نینگ بالهلردن حمایت قیلووچی صندیغی (یونیسف)، قیش موسومیده ۱۱۱ مینگ محتاج عایله گه نقد یاردم کورسهتیلیشیدن خبر بیرگن.
