بامیان ده یاش بیر عیال بیر موسسه نینگ مالی یاردمی بیلن «کاج» اسملی عیاللر گه مخصوص بیر کتابخانه ایجاد قیلگن. شونینگدیک بامیان بیلیم یورت طلبهسی و اوشبو کتابخانه نی ایجاد قیلگن نیکبخت ثنا نینگ ایتیشیچه، مذکور کتابخانه نی کتاب اوقیش و مطالعه فرهنگی نی رواجلنتیریش مقصدیده ایجاد قیلگن.
خلقارا تینیقلیک تشکیلاتی اداری فساد گه قرشی کورهش ادارهسی نینگ معلوماتی اساسیده، افغانستان ۲۰۲۲_ییل ده ۲۴ امتیاز کسب ایتیش بیلن ۱۵۰_ اوریننی ایگللهگن.
افغانستان ایشلری بوییچه امریکا نینگ مخصوص نمایندهسی توماس وست نینگ منطقهوی سفرلرینی باشلهشیگه دایر امریکا قوشمه ایالتلری تشقی ایشلر وزیرلیگی نینگ اعلامیهسی سونگی کونلریده، جناب وست پاکستان گه ایکی کونلیک سفری و اوشبو مملکت تشقی ایشلر وزیرلیگی رسمیلری بیلن اوچرهشگنیدن خبر بیرهدی.
بدخشان ده محلی منبعلر نینگ سلاموطندار گه ایتیشلریچه، اوشبو ولایتده یاش بیر قیز اوزینی اولدیرگن. منبعلر گه کوره، اوشبو واقعه سهشنبه کونی شام چاغی ۱۱ دلو، اوشبو ولایت نینگ راغستان تومنی «غوجان» قیشلاغیده یوز بیرگن.
مملکت تشقی ایشلر وزیرلیگی نینگ سرپرستی امیرخان متقی، پاکستان حکومتی دن، اوشبو مملکت نینگ ایچکی خوفسیزلیک قیینچیلیکلرینی اسلام امیرلیگی گه نسبت بیرمسلیگینی سورهگن. تشقی ایشلر وزیرلیگی سرپرستی نینگ کوپهیتیریشیچه: «پاکستان وزیرلری دن، تاملری اوستیدهگی قارنی باشقهلر نینگ تامی اوستیگه تشلمهی، ایچکی قیینچیلیکلرنی اوزلری حل قیلیشینی ایستهی من.»
افغانستان هواشناسلیک ریاستی، مملکت نینگ ۱۳ ولایتیده کوچلی قار و یامغیر یاغیشیدن آگاهلنتیرگن.
افغانستان نینگ پاکستان دهگی ایلچیخانهسی، اوشبو ایلچیخانه و کراچی شهری ده افغانستان جنرال قنسولی نینگ سعیوحرکتی طفیلی، افغانستانلیک ۱۲۰ مهاجر قوییب یوباریلگنیدن خبر بیرگن. مذکور افغانستانلیکلر، یشش اوچون قانونی حجتلری یوقلیگی طفیلی پاکستان پولیسی تامانیدن قولگه آلینگن ایدیلر.
اسلام امیرلیگی نینگ آمو دریا اطرافی تخریبلرینی تیکشیریش اوچون یوللـهگن هیئتی گه کوره، آمو دریا اطرافی تخریبلرینی آلدینی آلیش و دریا قیرغاغلرینی مستحکملش، اسلام امیرلیگی توانیدن یوقاری دیر.
عیال سوداگرلریدن بیرقطاری نینگ ایتیشلریچه، اسلام امیرلیگی حاکمیتیدن کیین، ایش بازارلری سیزیلرلی درجه ده کمهیگن. سلاموطندار بیلن صحبت اوتکزگن سوداگر عیاللردن قطاری گه کوره، اسلام امیرلیگی حاکمیتیدن کیین خارج گه صادراتلری توختهگن.
کابل و ولایتلرده پاسپورت توزیع قیلیش جریانی توختهتیلیشیدن تخمیناً بیش آی دن کوپ اوتماقده دیر. کابل یشاوچیلریدن قطاری پاسپورت توزیع قیلینیش جریانی توختهتیلیشیدن شکایت قیلیب ایتیشلریچه، پاسپورت قاره بازار ده کوپ پول عوضی گه ساتیلهدی.
افغانستان مرکزی بانکی گه کوره، افغانی پول نرخینی مملکت بازارلریده ثابت سقلش مقصدیده، چهارشنبه، ۱۲ دلو، ۱۶ میلیون امریکالیک دالرنی داوطلبلیک آرقهلی لیلام شکلده ساتهدی.
ایچکی ایشلر وزیرلیگی مسئوللری نینگ ایتیشلریچه، سونگی بیر ییل ده مملکت مقیاسیده ۳۶۹ خودکش واقعه شامل ۱۵۹۱ قتل واقعه ثبت ایتیلگن. ایچکی ایشلر وزیرلیگی سوزلاوچیسی نینگ اورین باسری بسمالله حبیب گه کوره، اوشبو قتللر گه دایر ۱۸۰۰ کیشی حبس گه آلینگن و سندلری تیکشیریلیشیدن کیین عدلی و قضایی نهادلر گه یوباریلهدی.
غور محلی مسئوللری نینگ ایتیشلریچه، اوتگن کیچه کوچلی قار یاغیشی و بوران باعث غور_کابل همده اوشبو ولایت نینگ غربی آلتی تومن قتناو یوللری، یولاوچیلر یوزی گه یاپیلگن.
کاپیسا ده دولتی منبعلر، اوشبو ولایت نینگ نجراب تومنی حدودلری ده بیر کیشی، نامعلوم قوراللی کیشیلر تامانیدن اوققه توتیلیب اولدیریلگنیدن خبر بیرهدیلر.
بلخ خوفسیزلیک مسئوللری گه کوره، اوشبو ولایت نینگ چهارکینت تومنیده بیر تام قولشی عاقبتیده، ۴ کیشی هلاک بولگن و باشقه ۱۸ کیشی یرهلنگن. بلخ امنیه قوماندانلیگی سوزلاوچیسی محمدآصف وزیری گه کوره، اوشبو واقعه شنبه کیچه، ۹ دلو، چهارکینت تومنی «قوریق» قیشلاغیده یوز بیرگن.
تشقی ایشلر وزیرلیگی دوشنبه کیچه، ۱۰ دلو، پاکستان نینگ پشاور شهری ده بیر مسجد ده اویوشتیریلگن قانلی خودکش هجوم گه مناسبت بیلدیریب، مذکور مملکت دولتی و حادثه قربانیلری نینگ عایله اعضالری گه قیغوداشلیک بیلدیریب و اوشبو هجوم نی قاره لهگن.
