افغانستان ایرکین میدیالریدن حمایت قیلووچی نهاد (نی)، پنجشنبه کیچه، ۲۷ دلو، بیر بیانیه ترقهتیب ایتیشیچه، اوتگن بیر آی ده خبرچیلرنی حبس گه آلیش و اولرنی بیزاوته قیلیش واقعهلری کوپهیشی، اوشبو نهاد خواطری گه سبب بولگن. نی نینگ کوپهیتیریشیچه، مذکور نهاد نینگ معلوماتی اساسیده، قندهار ده محلی خبرچی محمدیار مجروح مذکور ولایت خوفسیزلیک کوچلری تامانیدن قولگه آلینگن و ایکی کوندن بویان قماقخانه ده دیر.
تورکیه طبیعی آفتلرنی باشقریش ریاستی گه کوره، اوشبو مملکت ده یوز بیرگن زلزله عاقبتیده ۳۸ مینگ ۴۴ کیشی قربان بولگن و باشقه ۱۰۸ مینگ ۶۸ کیشی یرهلنگن.
فاریاب دهگی محلی منبعلر نینگ ایتیشلریچه، اوشبو ولایت ده یوز بیرگن ترافیکی حادثه عاقبتیده اوچ ییگیت قربان بولگن. منبعلر گه کوره، مذکور واقعه پنجشنبه کونی شام چاغی، ۲۷ دلو، فاریاب_جوزجان عمومی قتناو یولی حدودلریده یوز بیرگن.
سرپل ولایتی صیاد تومنی امنیه قوماندانی اسدالله عمری نینگ ایتیشیچه، اوشبو ولایت نینگ صیاد تومنی انگشکه عربیه» قیشلاغی یشاوچیلریدن ۲۲ یاشر «ساجده» اسملی بیر عیال، اوزینی قودوققه تشلب و حیاتی گه نقطه قویگن.
سرپل امنیه قوماندانلیگی سوزلاوچیسی دینمحمد نظری نینگ سلاموطندار گه ایتیشیچه، اوشبو ولایت نینگ سوزمهقلعه تومنی «جرمنقلعه» قیشلاغی یشاوچیلریدن «صدرالدین» اسملی بیر ییگیت، مذکور ولایت نینگ سانچارک تومنی «فرشقان» قیشلاغیده، نامزد و نامزدی نینگ آنهسینی پیچاقلب اولدیرگن.
خبرچیلردن قطاری، اطلاعات گه قول تاپه آلمسلیک و اسلام امیرلیگی سوزلاوچیلری تامانیدن اطلاعات شریک قیلینمسلیگیدن شکایت قیلهدیلر.
ناگران یشاوچیلردن قطاری، سپورت برنامهلری نینگ کمهیشی خصوصیده خواطر بیلدیریب و اسلام امیرلیگیدن، ناگران کیشیلر گه تورلیخیل سپورت بولیملریده کوپراق سپورت زمینهسی یرهتیلیشی نی ایستهگنلر.
قشاقلیک و یشاوچیلر نینگ ییترلی آزیق-آوقات گه قول تاپه آلمهیشی خصوصیده شکایتلر نینگ کوپهیشی بیلن، بیرلشگن ملتلر تشکیلاتی نینگ انساندوستلیک یاردملر نی هماهنگ قیلووچی دفتری (اوچا) نینگ ایتیشیچه، حاضر ایسه افغانستان یشاوچیلریدن آلتی میلیونی آزیق-آوقات خوفسیزلیگی بیلن روپهره دیر.
دنیا بانکی نینگ معلوماتی اساسیده، اوتگن آلتی آی ده، افغانستان نینگ ایچکی ناخالص تولیدی آلتی میلیارد دالردن آرتیق کمهیگن؛ ۱۴۰۱_ییل ۲۴ اسد ده جمهوریت توزومی قولهشیدن کیین، افغانستان نینگ اقتصادی تنزل گه یوز توتیب و مملکت بویلب قشاق و کمبغللر سانی آشگن.
قندهار حاکمی سوزلاوچیسی عطاءالله زید نینگ سلاموطندار گه ایتیشیچه، چهارشنبه کونی، ۲۶ دلو، دار گه آسیلگن بیر ییگیت نینگ جسدی، قندهار شهری نینگ ایکینچی عینومینه قیرغینچی سرکی ده تاپیلگن.
بامیان، اوتگن بیر دههده قیش سپورتلری اینیقسه چنغی (اسکی) مسابقهلری و فیستیواللر گه میزبانلیک قیلگن ولایت دیر؛ بیراق بو ییل قیش موسومی باشلنگنیدن قریب ایکی آی اوتگنی بیلن، حاضرگچه اوشبو ولایتده هیچ بیر مسابقه اوتکزیلمهگن. اوشبو بولیم سپورتچیلری، امکانیتسیزلیک و حمایتچی یوقلیگینی اوشبو مسابقهلر اوتکزیلمسلیک عاملی عنوان قیلهدیلر.
جوزجان مرکزی شبرغان شهری ده، بیر ییگیت دستلب آنهسینی اولدیریب و کیین ایسه جسدینی آلاو بیرگن. جوزجان امنیه قوماندانلیگی سوزلاوچیسی عبدالستار حلیمی نینگ سلاموطندار گه ایتیشیچه، بوگون (پنجشنبه، ۲۷ دلو)، شبرغان شهری «پیرمزید» قیشلاغی یشاوچیسی «امیدالله» اسملی بیر ییگیت دستلب آنهسینی پیچاق بیلن اولدیریب و کیین ایسه جسدینی آلاو بیرگن.
پاکستان نینگ کراچی شهری ده افغانستان قونسلگرلیگی، اوشبو شهر قماقخانهلریدن افغانستانلیک ۱۷۰ محبوس قوییب یوباریلگنیدن خبر بیرهدی. اوشبو قونسلگرلیک چهارشنبه کیچه، ۲۶ دلو، اوز توییتری ده، قوییب یوباریلگن محبوسلر افغانستان گه انقتال بیریلگن دیب یازگن.
امریکا قوشمه ایالتلری نینگ تشقی ایشلر وزیرلیگی، ایران ده القاعده ترماغی رهبری بارلیگینی تصدیقلهگن. امریکا قوشمه ایالتلری تشقی ایشلر وزیرلیگی نینگ سوزلاوچیسی ند پرایس، چهارشنبه کونی، ۲۶ دلو، خبرچیلر نینگ سوالی گه جواب، ایران ده القاعده ترماغی نینگ رهبری ۶۲ یاشر سیفالعدل حضورینی تصدیقلهگن.
اسلام امیرلیکی سوزلاوچیسی ذبیحالله مجاهد، بوگون (چهارشنبه، ۲۶-دلو) افغانستان دن شوروی چیقیشی نینگ ۳۴-ییللیگی مناسبتی گه بیر اعلامیه ترقهتیب ایتیشیچه، «افغانلر» اوروش میدانیده غالب بولگنلری کبی توشونیش و تعامل ده هم «صمیمی و صادق»لر و هیچ بیر تامان اولر نینگ آزار و اذیتی اوچون سعی و حرکت قیلمهیشی کیرهک.
لوگر امنیه قوماندانلیگی مسئوللری نینگ ایتیشلریچه، سهشنبه کیچه ۲۵ دلو، اوشبو ولایت برکی برک تومنیده ۲۵ یاشر بیر عیال سِرلی بیر شکلده اولدیریلگن.
