کابل شهری پلخشتی سرکی چیکهسیده، موترلر سیسی و اوتیب-قیتهدیگن کیشیلرنینگ گوجوملیگی آرهسیده، پیاده یوللردن بیریده پلاستیک اوستیگه ساووق نانلر تیریلگن. مذکور پلاستیک اطرافیده کوپینچه مشتری ییغیلگن که اولردن بیری نان قیمتی اوستیگه چانه اورماقده و باشقه بیر قطاری ایسه کویگن و ساووق نانلر آرهسیدن، کمراق کویگن و بیراز ملایمراق بولگن ناننی آلماقده.
۴۱ یاشر زمری، ییرگه توشلگن بیر پلاستیک اوستیگه، نیچه کوندن قالگن نانلرنی ساتیش اوچون تیرگن. اونینگ ایتیشیچه، مذکور ساووق نانلر بازاری سونگی کونلر یخشی بولگن. اونگه کوره، کونده یوزلب کیشی نانوایلیکلر اورنیده اونینگ یانیگه باریب یریم قیمتگه ساووق نانلرنی ساتیب آلهدی. «بو نانلر قیمتی ۴ یا-ده ۵ افغانی دیر. اوتگن کوندن قالگن نانلرنی، نانوایلیکلر کیلیب بیزلرگه ۳ یا-ده ۳ یریم افغانیگه ساتهدیلر و بیزلر هم ۴ یا-ده ۵ افغانیگه ساتهمیز. کونده ۳۰۰ دن ۴۰۰گچه مشتریمیز بار؛ هر کیم ۱۰ ته و ۲۰ ته و هر قنچه کوچی ییتیشسه، نان ساتیب آلهدی.»
بیزلرنینگ «ایکس» ترماغی ده هم تعقیب قیلینگ!
زمریگه کوره، اوشبو نانلرنی ساتیب آلهدیگن کیشیلرگه ناننینگ ایسیقلیگی ایمس، بلکیم قرینلرینینگ توییشی اونملی دیر. «هر رقم مشتریمیز بار، هم نیازمند و هم پولدار؛ پولدار کیشیلر هم کیلیب بو ییردن نان ساتیب آلهدی، چونکه وزنی کوپراق و قیمتی ارزانراق دیر. بوگون نان ۷ افغانی بولسه ایرتهگه ۵ افغانی بولهدی. نان نیچه کون قالسه هم اهالی کیلیب آلهدی و خراب بولمهگن نانلر دیر.»
زمری، ایشنینگ قیینچیلیکلری و ایرتنگدن آخشمگچه مشتریلری بیلن نان قیمتی اوستیگه چانه اوریش بیلن، فرزندلریگه یخشی بیر کیلهجک قوره آلیشنی ایستهیدی. «قیینچیلیکلر کوپ دیر. یازنینگ ایسیقلیگی و قیشنینگ ساووقلیگی. کونده ۲۰۰-۳۰۰ ایشلهیمن. اویده ۹ کیشیمیز و ایرتهلب ساعت ۷ یریم بجه کیلهمن و کیچه هم ساعت ۹ده اویگه کیتهمن. باشقه ایش هم یوق، بیران فابریکهده ایش بولسه که فرزندلریمیز هم بیزلرگه قرهب بیران کسب-کارنی اورگنسه.»
زمری هم باشقه یوزلب نیازمند مشتریسی کبی، ۱۳ ییلدن بیری ساووق نان بیلن حیاتینی اوتکزیب و بالهلرینی کته قیلگن. «اوزیمیز هم بو ناندن اییهمیز. بیراز ساووق بولیب و قتیقراق بولهدی. بیر رقم اون بار که سقیز کبی دیر که هیچ چینهلمهیدی، اینیقسه ایکی-اوچ کون اوستیدن اوتسه. ۱۰-۱۳ ییلدن بیری شو نانلردن فایدهلنهمیز.»
بیزلرنینگ فیسبوک صحیفهمیزگه باش اورینگ!
ییرگه توشلگن پلاستیک اطرافیگه ییغیلگن زمرینینگ اونلب مشتریسی آرهسیده؛ ۳۰ یاشر عبدالکبیر، هر کونی سکیز کیشیلیک عایلهسی اوچون مذکور نانلردن آلهدی. اونینگ ایتیشیچه، اوزی و عایلهسی ییللردن بیری تازه و ایسیق نان ساتیب آلالمهگنلر. «تازه ناننی کیم ایستمهیدی، بیراق قیمت دیر. ۸ و ۱۰ کیشیلیک عایله اوچون تازه نان ساتیب آلیش آسان ایمس. عایلهلر شو ناننی تاپیشگه هم شکر قیلهدیلر.»
کوپینچه کیشینینگ حیاتی قشاقلیک بیلن روپهره بولگن بیر شهرده، ساووق نانلر تیریکچیلیک اوچون اینگ قیزغین کورهشنینگ حکایهسی دیر. نیازمند کیشیلرنینگ ایتیشلریچه، بالهلر و کیکسهلر اوچون چینهشی قیینراق بولسهده، ییللردن بیری اوشبو ساووق نان بیلن قرینلرینی تویغزگنلر.
