«آنه سوتیدن آوقت‌لنیش» خلق‌ارا هفته‌سی نینگ باشلنیشی بیلن، ساغلیق‌نی سقلش وزیرلیگی نینگ عامه آوقت‌لنیش ریاستی مسئوللری نینگ ایتیشلریچه، سونگی بیر ییل جریانیده، آنه سوتی بیلن باله نینگ آوقت‌لنیشی حقیده اوچ میلیون کیشی گه معلومات بیریلگن.
خلق‌ارا ساغلیق نی سقلش تشکیلاتی، هرییل آگست آیی نینگ بیرینچی هفته‌سی نی، آنه سوتیدن آوقت‌لنیش حقیده عمومی معلومات بیریش کمپاینی اوچون نظر گه آلگن.
عامه آوقت‌لنیش ریاستی سرپرستی محمد‌حامد وزیر نینگ ایتیشیچه، اوتگن ییل‌ده باله‌لری اوچون ییترلی سوتلری بولمه‌گن بیر میلیون آنه گه، تقویت قیلووچی آذیق-آوقات پاکت‌لری ترقه‌تیلگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «اوتگن ییل کلینیک‌لرده آنه سوتی آرقه‌لی باله‌لر نینگ آوقت‌لنیشی رواجلنیشی اوچون، اوچ میلیون کیشی گه معلومات بیریلگن که، یالغیز رسام‌لیم و دیوارلر گه یازیلیش یولی تامانیدن، ۱۷۵ مورد رکالمه‌میز بار ایدی.»
محمد‌حامد وزیر نینگ ایتیشیچه، کیله‌سی ییل‌ده آنه‌لر گه معلومات بیریش و تقویتی برنامه‌لر نینگ کوپه‌یتیریش خصوصیده قرار آلگنلر.
باله‌لری نینگ آوقت‌لنیشی اوچون قوروق سوت‌دن قوللنه‌دیگن آنه‌لردن قطاری نینگ ایتیشلریچه، باله‌لری توییب آوقت‌لنمسلیککه چیلنگن دیر.
توییب آوقت‌لنمسلیککه چلینگن ایگیزک چقه‌لاق آنه‌سی کاینات نینگ ایتیشیچه، سوتی کم‌لیگی سبب، چقه‌لاق‌لری نینگ آوقت‌لنیشی اوچون قوروق سوت‌دن قوللنیش گه مجبور بولگن.
اونینگ کوپه‌یتیریشیچه: «چقه‌لاق‌لریم گه قوروق سوت بیریدیم، چونکه سوتیم ییترلی ایمس ایدی. ایکیسی گه قوروق سوت بیریدیم چونکه اوزیم یخشی‌راق نرسه ایه‌آلمه‌یدیم؛ چونکه اقتصادی‌میز یخشی ایمس.»
شونینگدیک باله‌لری نینگ آوقت‌لنیشی اوچون قوروق سوت‌دن قوللنه‌دیگن نجیبه نینگ ایتیشیچه: «بیله‌من که آنه سوتی فایده‌لی دیر، بیراق سوت آلمه‌یدی. باله‌لریم اوچ آی‌دن بیری ایچ کیتمه‌سی بار و قیتره‌دی. تورت باله‌م نی قوروق سوت بیلن کته قیلدیم.»
قوروق سوت بیلن آوقت‌لنیش سبب، باله‌لری توییب آوقت‌لنمسلیککه چلینگن عافیت نینگ ایتیشیچه: «قوروق سوت بیره‌من. اوزیم بویوک کسل‌لیگی گه چلینگن‌مین. قوروق سوت بیر و اوزینگ سوت بیرمه، چونکه کسل بوله‌دی دیدیلر.»
بله‌لری توییت آوقت‌لنمسلیککه چلینگن آنه‌لر نینگ ایتیشلریچه، حاضرگچه ساغلیق نی سقلش وزیرلیگی تامانیدن هیچ قنده‌ی تقویت قیلووچی آزیق-آوقات پاکت‌لری بیریلمه‌گن.
بیزلرنینگ توییترده هم تعقیب قیلینگ!
کابل ده اندراگاندی کسل‌خانه‌سیده داخله متخصصی آقااحمد شیرزاد نینگ ایتیشیچه، قوروق سوت بیلن آوقت‌لنه‌دیگن باله‌لر وجودی ضعیف بوله‌دی. «آنه سووتی نینگ بیریلیشی کیره‌ک. باله‌لر اوچون آنه سوتی‌ده هر تورلی ویتامینی بار و قوروق سوت‌لر کوپراق باله‌لر نی توییب آوقت‌لنمسلیککه روپه‌ره قیله‌دی.»
گزارش‌لر اساسیده، نیچه مدت آلدیم توییب آوقت‌لنمسلیککه چیلنگن آنه‌لر خقیده هم خبر‌لر ترقه‌تیلگن ایدی.
ایتیش کیره‌ک که، آنه‌لردن کوپ قطاری، ییترلی و درست آوقت‌لنمه‌سلیک سبب، ییترلی سوتلری یوق و باله‌لری نینگ آوقت‌لنیشی اوچون قوروق سوت‌دن فایده‌لنه‌دیلر که، شفاکارلر نینگ ایشانچی گه کوره، ایچ کیتمه و یوقمه کسل‌لیکلر نینگ کوپه‌یتیره‌دی.