قطر پایتختی دوحه شهری ده بوگون (یکشنبه، ۲۹-دلو) افغانستان وضعیتی گه دایر بیرلشگن ملتلر تشکیلاتی نینگ ایکّی کون‌لیک ییغیلیشی، مملکت‌لر و خلق‌ارا تشکیلات‌لر مخصوص وکیل‌لری نینگ حضوری و سرپرست حکومت وکیلی نینگ حضورسیزلیگی بیلن باشلنیشی کوتیله‌دی.
بیزلرنینگ فیسبوک صحیفه‌میزگه باش اورینگ!
سرپرست حکومت بوندن آلدین بیرلشگن ملتلر تشکیلاتی تامانیدن اوشبو ییغیلیش گه اشتراک ایتیش اوچون تکلیف بولگنینی ایتگندی، لیکن اسلام امیرلیگی تشقی ایشلر وزیرلیگی اوتگن کیچه بیر بیانیه ترقه‌تیب، اولر نینگ طلب‌لری بیرلشگن ملتلر تشکیلاتی تامانیدن عملگه آشیریلمه‌گن‌لیگی و ییغیلیش نتیجه‌سیزلیگی اوچون اشتراک ایتمسلیک‌لرینی معلوم قیلگن.
بیرلشگن ملتلر تشکیلاتی میزبان‌لیگی بیلن دوحه ییغیلیشی ده، مدنی جماعه‌چیلیک نماینده‌لری اشتراک ایته‌دیلر.
دوحه ییغیلیشی آجنداسی حاضرگچه بیللی بولمه‌گن بولسه ده، بیراق اوشبو ییغیلیش ده افغانستان نینگ وضعیتی، اسلام امیرلیگی بیلن جهان نینگ قنده‌ی همکارلیک قیلیشی و بیرلشگن ملتلر تشکیلاتی تامانیدن افغانستان اوچون مخصوص وکیل تعیینلنیشی و افغانستان اوچون بیرلشگن ملتلر تشکیلاتی باش کاتبی نینگ هماهنگ قیلووچیسی تامانیدن مستقل طرزده تیکشیریلگن گزارش بحث گه آلینیشی کوتیله‌دی.
بیزلرنینگ «ایکس» ترماغی ده هم تعقیب قیلینگ!
معلومات‌لر اساسیده، مذکور ییغیلیش ده مملکت‌لر نینگ مخصوص وکیل‌لری جمله دن روسیه، چین، تورکیه، اوزبیکستان، ایران، پاکستان و تورکمنستان وکیل‌لری اشتراک قیلیشی ممکن.
