اسلام امیرلیگی باش وزیرینینگ اقتصادی اورین باسری عبدالغنی برادر، هراتده ۹ بویوک لایحهنی فایدهلنیشگه تاپشیریش تدبیرده، قیسقه مدت ایچیده بویوک و مهم قدملرنی تشلهگنلرینی بیلدیردی.
او، بو سۉزلرنی بوگون (۴-جدی/۲۵-دسمبر، پنجشنبه) هراتده ۹ بویوک لایحهنی آچیش و فایدهلنیشگه تاپشیریش مراسمیده بیان قیلدی.
اونگه کوره، برق ایشلب چیقریش صناعت و مملکت اقتصادی رواجلنیشی اوچون مهم و ضروری دیر.
او شوندهی دیېدی: «برق مملکتنینگ اساسی احتیاجلریدن حسابلنهدی و اوچ میلیارد افغانیدن آرتیق پول عوضی هرات ولایتیده برق بویوک لایحهلری عملگه آشیریلماقده و بیز قیسقه مدت ایچیده بویوک و مهم قدملرنی تشلش گه موفق بولدیک.»
اسلام امیرلیگی باش وزیرینینگ اقتصادی اورین باسری، مملکت برقی هنوزگچه تشقی مملکتلردن ساتیب آلینماقده و استه-سیکین بوتوغریده خودکفا بولیشگه سعی-حرکت قیلینماقدهلیگینی قوشیمچه قیلدی.
بو لایحهلر ایشی، برشنا شرکتی تامانیدن ایکی ییل دوامیده یکونلنگن.
