افغانستان اوچون بریتانیا مخصوص وکیلی ریچارد لیندسینینگ اعلام قیلیشیچه، مملکتی افغانستان گه تورت میلیون پوند یاردم بیرهدی.
اسلام امیرلیگی قاچقینلر وزیرلیگی، بوگون اکس صحیفهسیده بیر بیانیه ترقهتیب یازیشیچه، ریچارد لیندسی بو موضوعنی اوشبو وزیرلیک وزیری محمدعبدالکبیر بیلن اوچرهشگنیده بیان قیلیب و مذکور یاردمنینگ افغانستان شرقیده یوز بیرگن زلزلهدن جبرلنگنلرگه اختصاص بیریلگنینی ایتگن.
افغانستان اوچون بریتانیا مخصوص وکیلینینگ اورغولشیچه، مملکتی افغانستان گه انسانسیورلیک یاردملر کورسهتیلیشیگه دوام بیرهدی.
شونینگدیک اوشبو اوچرهشووده اسلام امیرلیگی قاچقینلر وزیری، مملکت گه قیتگن کیشیلرگه شهرچهلر قوریلیشی بولیمیده بریتانیانینگ همکارلیک قیلیشینی سورهگن.
بریتانیا بوندن آلدین هم، افغانستان ده طبیعی واقعهلردن جبرلنگنلرگه اوچ میلیون پوند یاردم بیرگن ایدی.
