مملکت مقیاسیده آلتینچی صنف دن یوقاری قیزلر یوزی گه مکتب‌لر یاپیلگچ، کوپینچه قیزلر آنلاین اوقیش گه یوز کېلتیرگن. اولر آنلاین طرزده اوقیش‌لرینی دوام اېتّیرماقده اېکن اۉز کېله‌جگی حقیده قیغوره‌دیلر.
کابل‌لیک ۱۷ یاشر هدیه سروری، ۱۲-صنف اوقووچیسی بولگن پیتیده مکتب‌لر ایشیگی یاپیلگن. اېندی او برچه آرزولری بیلن اوی ده.
اونینگ کوپه‌یتیریشیچه: «بو احوال اچینرلی دیر، چونکه برچه سعی-حرکت‌لریمیز بیلن بیز گه حجت بیریلمه‌یدی. حاضرگی کونده مکتب‌لر آچیق بولگنده اېدی باریب اوقیش گه دوام بیرردیک.»
هدیه آنلاین مکتب ده ۱۲-صنف اوقووچیسی دیر ایتیشیچه، برچه سعی-حرکت‌لری بیلن معارف وزیرلیگی تامانیدن ۱۲-صنف حجتی بیریلمسلیگیدن قیغوره‌دی.
او، آنلاین طرزده تعلیمی گه دوام بیریشیدن خورسندلیک قیلیب ایتیشیچه، آنلاین اوقیش قیین و استرسلی دیر.
بیزلرنینگ فیسبوک صحیفه‌میزگه باش اورینگ!
هرات ولایتیده آنلاین مکتب ده ۱۲-صنف اوقووچیسی و ۱۸ یاشر فاطمه عزیزی محیط مناسب اېمس‌لیگی اوچون برچه فکری بیلن اوقیش گه دوام بیره آلمسلیگینی اېته‌دی: «بیز جسمانی لحاظ دن بیر موقعیت ده میز حتمن تلویزیون آوازی دیر، کیچیک باله آوازی دیر، کوپ فکر بیلن اوقیش گه دوام بیره آلمه‌ی سیز، حضوری بولسه چونکه اوشه پیت او ییرده‌سیز و اوقیتووچی آلدینگیز ده، بوتون فکر بیلن اوقی‌سیز، بیراق آنلاینده بونده‌ی اېمس و حضوری گه نسبتن آز اورگنه‌سیز.»
شونینگدیک، بلخ ولایتی مرکزی مزارشریف شهریده آنلاین مکتب‌لردن بیریده ییتّینچی صنف اوقووچیسی و ۱۳ یاشر هدیه سلطانی نینگ سلام‌وطندار گه ایتیشیچه: «آنلاین شکلده اوقیش گه دوام بیرماقده من بیراق اورگنه‌‌من می یا که یوق انترنت بار می یوق بوتوغریده قیغوره‌من. کېله‌جکنی نظر گه آله‌دیگن بولسک، نیمه بولیشنی اصلا بیلمه‌ی من.»
آنلاین مکتب‌لرده اوقیتووچیلردن بیرقطاری، سبق بیریش پیتیده کوپ قیینچیلیک بیلن دوچ بولیش‌لرینی اېته‌دیلر.
بیزلرنینگ «ایکس» ترماغی ده هم تعقیب قیلینگ!
اولر، انترنت قیینچیلیگی و اوقووچیلر نینگ عایله اعضالری تامانیدن مالی حمایت بولمسلیگینی، آنلاین سبق بیریش پیتیده اوقووچیلر و اوقیتووچیلر نینگ قیینچیلیک‌لریدن عنوان قیله‌دیلر.
آنلاین اوقیتووچیلردن فرشته، سلام‌وطندار بیلن اۉتکزگن صحبتیده، حضوری درس نی آنلاین ده اورگه‌نیش قیین‌لیگینی اېته‌دی. اونگه کوره: «آنلاین اوقیش قولی‌لیک‌لری گه قۉشیمچه، حضوری طرزده‌گی اوقیشنی آنلاین ده اورگه‌نیش قیین دیر.»
باشقه تاماندن، تعلیم و تربیه طرفدارلریدن بیرقطاری نینگ ایتیشلریچه، آنلاین اوقیش حضوری اوقیش اورنینی آلالمه‌یدی.
تعلیم و تربیه فعالی جمال‌الدین سلیمانی گه کوره: «آنلاین اوقیش حضوری اوقیش اورنینی هېچ قچان آلالمه‌یدی، چونکه برق و انترنت قیینچیلیگی بار و افغانستانده‌گی اوقووچیلر ایشلش گه مجبور و درس قیلیش پیتیده اولر ایشله‌شی ممکن.»
معارف وزیرلیگی، سۉنگی اوچ ییلده اوقیشدن محروم قالگن قیزلر نینگ سانی حقیده ایضاح کېریتمسه ده، بیراق بو وزیرلیک سۉزلاوچیسی منصوراحمد حمزه، اۉتگن هفته خبری ییغیلیش ده، قیزلر نینگ مکتب‌لری کېینگی امرگچه یاپیق قالیشینی اېتدی.
اونینگ کوپه‌یتیریشیچه: «مجاهد جنابلری بوتوغریده ایضاح کېریتگن، اونگه بیز راضی‌میز و کېینگی امرگچه یاپیق قاله‌دی.»
افغانستانده امریکا ایلچیخانه‌سی نینگ سۉنگی معلوماتی اساسیده، بو مملکت ده‌گی ۸۰ فایز قیزلر که سان‌لری ۲.۵ میلیون دیر اوقیشدن محروم دیر.
ینگی‌لیکده، اسلام امیرلیگی تشقی ایشلر وزیرلیگی نینگ سیاسی اورین باسری شیرمحمد عباس استانکزی، هر بیر مملکت نینگ ترقیاتی اوچون «اوقیش» جدی نیازلیگینی اېتگن.
