برشنا شرکتی مسئوللری بوگون (یک‌شنبه، ۱۴-جوزا)، کابل ده یولگه قوییلگن خبری بیر ییغیلیش ده ایتیش‌لریچه، اوشبو شرکت نینگ قویاش ۱۴۰۱-ییل ده درآمدی اوتمیش ییل گه نسبتاً ۲.۵ فایز کوپه‌یگن دیر.
برشنا شرکتی نینگ سوداگرلیک رئیسی و سرپرستی عبدالرحمان رحمانی، قرض‌دارلردن برق پولینی توپلنیشی و برق ضایعاتی آلدی آلینیشینی، اوتگن ییل‌ده اوشبو شرکت نینگ درآمدی کوپه‌یشی گه سبب بولگن اصلی عاملی عنوان قیله‌دی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «هرات، پروان، قندوز، قندهار، بلخ و ننگرهار برق کوپ مصرف قیله‌دیگنلردن دیر، میترلری کوریلیب و تخنیکی قیین‌چیلیک‌لری حل بولگن و اونینگ قرشی‌سیده، ۱۰۲ میلیون افغانی قانونی شکلده برشنا شرکتی درآمدی گه اضافه بولگن.»
شونینگدیک برشنا شرکتی مسئوللری نینگ ایتیش‌لریچه، یالغیز کابل شهری‌ده ۱۱۸ میلیون افغانی نی، نیچه ییل‌دن بیری برق پولی نینگ بیرمه‌ی قرض‌دار بولگن کیشی‌لردن توپله‌گنلر.
برشنا شرکتی نینگ سوداگرلیک رئیسی و سرپرستی نینگ ایتیشیچه، ۱۴۰۱-ییل‌ده، ۳.۵ میلیارد افغانی نی قرض‌دار بولگن دولتی اداره‌لردن توپله‌گنلر. «حاضرگچه سابق سیاست‌چیلر و زورمند‌لردن قطاری برق پولی نی توللمه‌گن که، بیر لیست توزه‌تدیک و رهبری مقام بیلن شریک قیلدیک که، اولر نینگ بویروغی نی کوتیب تورگن‌میز.»
شونده‌ی بیرحالده، برشنا شرکتی نینگ عملیاتی رئیسی صفی‌الله احمدزی نینگ ایتیشیچه، اوشبو شرکت دواملی برق تامین قیلیش مقصدی‌ده، ایچکی منبع‌لردن قوللنیش خصوصیده ۵ ییل‌لیک بیر طرح نی ترتیب بیرگن که، اونینگ اساسیده ۷۱۰ میگاوت برق قیته تیکلنه‌دیگن انرژی‌‌دن قولگه کیلیشی ممکن.
بیزلرنینگ توییترده هم تعقیب قیلینگ!
جناب احمدزی نینگ کوپه‌یتیریشیچه: «۴۷۰ میگاواتی ترماق گه باغلیق سولری بولیمی‌دن، ۴۰ میگاواتی ترماق گه باغلیق دیر که، اوزاق منطقه‌لرده سولری ترماق‌لر توزه‌تمه‌میز. ۲۰۰ میگاواتی بادی پروژه‌لردن قولگه کیله‌دی و شونینگدیک تاش کومیز انرژی‌سیدن هم ایش آلیش خصوصیده سعی و حرکت قیله‌میز.»
برشنا شرکتی مسئوللری نینگ ایتیش‌لریچه، اوشبو شرکت قوشنی مملکت‌لر گه برق آلیش اوچون برچه قرض‌لری نی تولگن دیر. اولر گه کوره، حاضر ایسه برشنا شرکتی عادی بیر شکلده آی‌ده ۱۵ میلیون دالر ارزشی بیلن قوشنی مملکت‌لردن برق وارد قیله‌دی.