جمهورلیک ریاستی سرای (ارگ) اوز تویتری ده، بوگون (سه‌شنبه، ۱۷ اسد)، توش دن کیین افغانستان اسلام امیرلیگی باش وزیرلیگی نینگ اقتصادی اورین باسری عبدالغنی برادر، بیر هیئت ییتکچیلیگیده تورکیه گه سفر قیلگنینی یازگن.
بیزلرنینگ فیسبوک صحیفه‌میزگه باش اورینگ!
جمهورلیک ریاستی سرای تویتری ده، عبدالغنی برادر نینگ اوشبو سفر ده کیم همراه‌لیک قیلیشی حقیده ایضاح کیریتیلمه‌گن.
برادر جنابلری اوشبو سفری دایره‌سیده، تورکیه رسمی‌لری و اوشبو مملکت ده افغانستان سرمایه یاتقیزووچیلری بیلن ملاقات قیلیش گه قوشیمچه، افغانستان ده تورلی ساحه‌لرده سرمایه یاتقیزیشنی جلب قیلیش مقصدیده، بویوک بیر ییغیلیش ده قتنه‌شیشی کوتیله‌دی.
بیزلرنینگ توییترده هم تعقیب قیلینگ!
افغانستان اسلام امیرلیگی رسمی‌لری، سونگی ایکی ییل ده دنیا همجمعیت تامانیدن سرپرست حکومت تن آلینیشی، چیت ایل مملکت‌لر تامانیدن اوشبو مملکت گه انسان پرورلیک و نقدی یاردم بیریلیشی، افغانستان ده خارجی سرمایه یاتقیزووچیلر نینگ اعتبارینی قره‌تیش مقصدیده، کوپ سانده مملکت‌لر گه سفر قیلگن.