افغانستان ده بیرلشگن ملتلر تشکیلاتی نینگ اورین‌باسرلیک هیئت دفتری باشلیغی روزا اوتونبایوا، جمعه کونی اوشبو تشکیلات نینگ خوفسیزلیک کینگشی ییغینی‌ده ایتیشیچه، سونگی اوچ ییل‌ده افغانستان گه ۷ میلیارد دالر بشری یاردم‌لر یره‌تیلگنی بیلن، حاضرگچه اوشبو مملکت‌ده بشری نیازلر نینگ کینگ بیر شکلده دوامی بار.
بیرلشگن ملتلر تشکیلاتی نینگ انسان‌پرورلیک یاردم‌لر نی هماهنگ قیلووچی دفتری (اوچا)، خوفسیزلیک کینگشی ییغینی‌ده ایتیشیچه، افغانستان جمعیتی‌دن یریمی‌دن آرتیغی بشری یاردم‌لر گه جدی شکلده نیازی بار.
مذکور نهاد مالی مدیری لیزا دوتن نینگ ایتیشیچه، افغانستان‌لیک قاچقین‌لر مملکت گه قیتیشی و طبیعی واقعه‌لر اینیسقه سوو تاشقین‌لر، افغانستان ده بشری نیازمند‌لیکلر دوامی و کوپه‌یشی گه تاثیر قیله‌دیگن عامل‌لریدن دیر.
بیزلرنینگ فیسبوک صحیفه‌میزگه باش اورینگ!
غور ده سوو تاشقین‌لریدن زیان کورگن زرین و ینگی‌لیکده پاکستان گه چیقریلیب، مملکت گه قیتگن عبدالله، حیات نینگ یامان وضعیتی و ایش فرصت‌لری یوقلیگی‌دن شکایت قیلیب و ایتیشیچه، سونگی کونلر آزیق-آوقت نیازلری نی تامین‌لش گه کوچلری ییتیشمه‌یدی.
زرین نینگ کوپه‌یتیریشیچه: «سوو تاشقینی یوز بیردی، ۱۳ عیال‌میز و سرپرست‌سیز‌میز. برچه نرسه‌میز نی سیل آلیب کیتدی، بو هم وضعیتی‌میز.»
عبدالله نینگ کوپه‌یتیریشیچه: «پاکستان دن قیتدیک، جلال‌آباد ده کرایی بیر اوی‌ده حیات کیچیره‌میز. اقتصادی وضعیتی‌میز یامان دیر. ایش یوق و حاضر یاردم‌لر هم بند بولگن. بیزلر هم ایش‌سیز‌میز.»
اوچا گه کوره، جاری میلادی ییل‌ده افغانستان ده قریب ۲۳.۷ میلیون کیشی، انسان‌پرورلیک یاردم‌لر گه نیازی بار.
شونینگدیک بیرلشگن ملتلر تشکیلاتی نینگ باله‌لردن حمایت قیلووچی صندیغی (یونیسف)، خوفسیزلیک کینگشی ییغینی‌ده، افغانستان ده بالهلر آزیق-آوقت امنیتی خصوصیده اقلیم اوزگریشی سلبی تاثیرلریدن خواطر بیلدیریب و ایتیشیچه، حاضر ایسه مذکور مملکت‌ده بیش یاش نی تولدیرمه‌گن ۸۷۵ مینگ‌دن آرتیق باله، جدی توییب-آوقت‌لنمسلیک بیلن روپه‌ره دیر.
یونیسف نینگ کوپه‌یتیریشیچه، سوو تاشقینی یوز بیرگن منطقه‌لرده آزیق-آوقت و ایچیم‌لیک سوو یوقلیگی، باله‌لردن کوپینچه‌سی نینگ کسل بولیشی گه سبب بوله‌دی.
بیزلرنینگ «ایکس» ترماغی ده هم تعقیب قیلینگ!
غور ده سوو تاشقینی‌دن زیان کورگنلردن احمد نینگ ایتیشیچه: «برچه نرسه‌میز نی سوو تاشقینی آلیب کیتدی، چادر آستیده قالگن‌میز. کیچه‌لر هم ساووق و کونلر هم ایسییق. چادرده بالهلر کسل و ایچ کیتمه بولگن.»
شونینگدیک باله‌سی توییب آوقت‌لنمسلیککه چلینگن دایکندی یشاوچیسی معصومه نینگ ایتیشیچه: «اقتصادی وضعیتی‌میز جوده‌یم خراب ایدی، حامله‌لیک چاغیده درست آوقت‌لنمه‌دیم. باله‌م انه شوو سبب توییب آوقت‌لنمسلیککه چلینگن. حامله‌لیک چاغیده یالغیز قوروق نان بیلن چای ییدیم، هیچ نرسه‌میز یوق.»
خلق‌ارا یاردم بیرووچی نهادلردن قطاری یاردم بیریش اوچون بودجه کم‌لیگی‌دن آگاه‌لنتیرگنلری بیرحالده، بیرلشگن ملتلر تشکیلاتی افغانستان ده بشری نیازلر دوامی‌دن خواطر بیلدیرگن.
