اسلام امیرلیگی سرپرست حکومتی نینگ قیشلاق‌لر نی رواجلنتیریش و قیته قوریش وزیرلیگی مسئوللری، بوگون (شنبه، ۳-سنبله)، حکومت نینگ اطلاعات و ییتکرمه‌لر مرکزی‌ده امارتی اداره‌لر نینگ بیر ییل‌لیک یوتوقلرینی بیان قیلیش برنامه‌سیده ایتیشلریچه، سونگی بیر ییل‌ده بیر یریم میلیون‌دن آرتیق کیشی ایچیم‌لیک سوو بیلن تأمینلنگن.
مسئوللر گه کوره، سونگی بیر ییل‌ده ۲۵۱ قیشلاق، ۱۴۹ تومن و ۳۴ ولایتده، بیر میلیارد افغانی ارزشی‌گه ۲۶۶ سوو ییتکزیش لایحه عمل‌گه آشیریلیب و بو یول آرقه‌لی، محل یشاوچیلردن بیر میلیون ۵۲۵ مینگ ۴۰۰ کیشی سوو بیلن تأمینلنگن.
بیزلرنینگ فیسبوک صحیفه‌میزگه باش اورینگ!
مسئوللر نینگ کوپه‌یتیریشلریچه، ۱۴۹ سوو ییتکزیش لایحه نینگ عمل‌گه آشیریلیش ایشی دوام قیلماقده و اونینگ عمل‌گه آشیریلیشی بیلن ۶۶۴ مینگ ۹۱۶ کیشی نینگ ایچیم‌لیک سوو بیلن تأمینلنیشی ممکن.
شونینگدیک مسئوللر نینگ ایتیشلریچه، اوتگن بیر ییل‌ده ۴۲۶ میلیون افغانی ارزشی‌گه ۱۰۰ بویوک و کیچیک سوو توغانی ایشی بادغیس، بغلان، بلخ، پروان، پکتیا، زابل، سرپل، فراه، کاپیسا، قندوز، نورستان، نیمروز و هرات ولایت‌لریده یکونلنیب و فایده‌لنیش گه تاپشیریلگن.
بیزلرنینگ «ایکس» ترماغی ده هم تعقیب قیلینگ!
مسئوللر گه کوره، سونگی کونلرده ۵۱ تومن و ۲۳ ولایتده یوزلب کیلومتر سرک قوریلیب و تورلی ولایت‌لرده حاضرگچه ۳۸۸ کیلومتر سرک نینگ قوریلیش ایشی دوام قیلماقده. شونینگدیک افغانستان نی چین بیلن باغله‌یدیگن بدخشان ولایتی واخان تومنی‌ده ۵۰ کیلومتر اوزین‌لیگی بولگن سرک نینگ قوریلیش ایشی هم دوام قیلماقده.
قیشلاقلرنی رواجلنتیریش و قیته قوریش وزیرلیگی مسئوللری نینگ کوپه‌یتیریشلریچه، بادغیس ولایتی قادس تومنی‌ده ۲.۵ میلیون دالر ارزشی گه بیر سوو توغانی قوریله‌دی که اونینگ قوریلیشی بیلن ۱۴۰۰ هکتار ایکینچیلیک ییر نینگ سووغاریلیشی و شونینگدیک محل یشاوچیلر نینگ ایچیم‌لیک سوو بیلن تأمینلنیشی ممکن.
