بیر قطار ولایتلر یشاوچیلری یاقیلغی ماده ساتیب آلالمسلیک‌دن شکایت قیلیب و ایتیشلریچه، قیش موسومی‌ده هوا ساووق‌لیگی کوپه‌یشی و کیله‌سی کونلرنینگ قنده‌ی اوتکزیلیشی خصوصیده خواطرلنگنلر.
فاریاب یشاوچیسی صدیقه‌نینگ ایتیشیچه، هوا ساووق‌لیگی طفیلی کسل بولگن باله‌سی‌نینگ دوالش خره‌جتی‌نی تاپه آلمسلیک اوچون اونی قولدن بیرگن. «هیچ نرسه‌میز یوق؛ قیش‌ده هم یشاوچیلر اویی‌گه باریب ایشینی قیله‌من. یوللرده‌گی نرسه‌لر و چیقیندیلرنی توپلش بیلن اویی‌میزنی ایسیته‌میز.»
بیزلرنینگ «ایکس» ترماغی ده هم تعقیب قیلینگ!
فاریاب یشاوچیلریدن باشقه بیری شکیبا، قشاق‌لیک‌دن نالیب و ایتیشیچه: «بعضا بیران کیشی‌نینگ اویی‌گه باریب ایشله‌یمن. آلتی باله‌م بار. قار و یامغیر یاغگنی‌ده هم اهالی اویی‌گه ایشلش اوچون باره‌ر ایدیم که بیر کون ییقیلیب، قولیم سیندی. نان، سوو و اوی‌سیزلیک‌نی اوتکزه‌یپ‌میز.»
شونینگدیک نورستان یشاوچیسی بولمیش سیف‌الدین‌نینگ ایتیشیچه، هوا ساووق‌لیگی و یاقیلغی ماده‌لرنی تامین قیله آلمسلیک، حیات کیچیریش‌نی قیین‌لشتیرگن. «هوا جوده‌یم ساووق و قیین‌چیلیکلر کوپ دیر. بیرته اوی‌میز بار. هیچ نرسه‌میز یوق. گاز و یاقیلغی ماده‌گه ساتیب آلیش‌گه کوچی‌میز ییتیشمه‌یدی، انه شوو سبب بیران سمان و تیکان‌نی توپلب یاقه‌‌میز.»
مذکور کیشی‌لر، قیش موسومی‌‌نی اوتکزیش اوچون حکومت و یاردم بیرووچی نهادلردن قیش یاردملری ترقه‌تیلیشی‌نی ایسته‌گنلر.
ینگی‌لیکده بیرلشگن ملتلر تشکیلاتی‌نینگ انسان‌پرورلیک یاردم‌لرنی هماهنگ قیلووچی اداره‌سی، سونگی ایکی هفته جریانیده قار و هوا ساووق‌لیگی طفیلی افغانستان‌نینگ بیش ولایتی‌ده ۱۰ کیشی‌نینگ اولگنی‌نی اعلام قیلگن. اوچا‌نینگ کوپه‌یتیریشیچه، بو قطار کیشی‌لر هوا ساووق‌لیگی یا-ده قار یاغیش طفیلی ترافیکی حادثه‌لرده اولگنلر.
بو بیلن بیرگه، بیرلشگن ملتلر تشکیلاتی‌نینگ خلق‌ارا آزیق-آوقت دستوری‌گه کوره، بودجه کم‌لیگی سبب، افغانستان ده قیش موسوی‌ده یالغیز ۶ میلیونی کیشی‌گه یاردم بیریشلری ممکن.
بیزلرنینگ فیسبوک صحیفه‌میزگه باش اورینگ!
بو توغریده خلق‌ارا آزیق-آوقت دستوری سوزلاوچیسی ضیاالدین صافی‌نینگ ایتیشیچه: «شونینگدیک بو ییل افغانستان جمعیتی‌دن اوچ‌دن بیری آزیق-آوقت یاردم‌لری‌گه نیازی بار. حاضر ایسه ۱۵ میلیون کیشی‌نینگ یاردم‌گه نیازی بار؛ بیراق بیزلر اولردن یالغیز ۶ میلیونی‌گه آزیق-آوقت یاردم بیره آله‌میز.»
سونگی آی‌لرده یاغینگرچیلیک و سوو تاشقین‌لر یوز بیریشی، اهالی‌گه کوپینچه مالی و جانی زیان ییتیشتیرگن.
