غزنی امنیه قوماندانلیگی ییتکرمه‌لر دفتری نینگ اعلام قیلیشیچه، اوتگن بیر آی ایچیده اوشبو ولایت مرکزی و تومن‌لریده ۶۳ ترافیکی حادثه یوز بیرگن.
اوشبو دفتر بیر بیانیه ترقه‌تیب ایتیشیچه، مذکور ترافیکی حادثه‌لر نتیجه‌سیده، ۱۷ کیشی اولیب و ۴۷ کیشی ایسه یره‌لنگن.
بیانیه‌ده کیلیشیچه، ترافیکی قاعده-قانون نینگ رعایت قیلمسلیک سبب، اونلب موتر و موترسایکل غزنی ترافیک مدیریتی تامانیدن توخته‌تیلگن.
سونگی نیچه آی ایچیده ولایت‌لرده ترافیکی حادثه‌لر کوپه‌یگن. ایچکی ایشلر وزیرلیگی نینگ ترافیکی پولیس عمومی ریاستی آرقه‌لی ارائه بولگن سونگی آمار اساسیده، قویاش جاری ییل نینگ باش ایکی آیی‌ده، افغانستان ده بیر مینگ ۲۶۵ ترافیکی حادثه یوز بیرگن که اولر نینگ نتیجه‌سیده، ۵۶۲ کیشی اولیب و بیر مینگ ۷۹۲ کیشی یره‌لنگن.
