کابل ده صحت طفل کسل‌خانه‌سیده مسئوللر‌نینگ ایتیشلریچه، سونگی آیلرده باله‌لر آره‌سیده هوا افلاسلیگی طفیلی کسل‌لیکلر کوپه‌یگن.
مذکور کسل‌خانه‌نینگ احصائیه بولیمی مسئولی اسد‌‌الله عبدالرحیم‌زی‌نینگ ایتیشیچه، اوتگن قویاش آیده هوا افلاسلیگی طفیلی کسل‌لیکلر نتیجه‌سیده، ۱۸۶ باله اولگن. اونینگ کوپه‌یتیریشیچه: «قیش آی‌لریده هوا افلاسلیگی طفیلی، سینهبغل، آسم و باشقه تنفسی کسل‌لیکلر کوپه‌یه‌دی. قوس آیی‌ده ۱۸ مینگ ۶۸۲ کسل مراجعت قیلگن که اولر ارا ۳ مینگ ۸۰۰ ته‌سی بستری بولیب و قالگنی ایسه یالغیز نسخه آلگن. شونینگدیک بو آیده ۱۸۶ باله اولگن که اونینگ سببی، موسومی کسل‌لیکلر دیر.»
بیزلرنینگ «ایکس» ترماغی ده هم تعقیب قیلینگ!
باشقه بیرتاماندن، صحت طفل کسل‌خانه‌سیده‌گی کسل‌دارلردن قطاری اوشبو کسل‌خانه‌ده یاتاق کم‌لیگی‌دن شکایت قیلیب و ایتیشلریچه، هر بیر یاتاق‌ده ایکی-اوچ باله بستری دیر.
۱۰ یاشر باله‌سی سینهبغل گه چلینیب و مذکور کسل‌خانه گه بستری بولگن کابل شهری یشاوچیسی عبدالحکیم‌نینگ ایتیشیچه، بیر یاتاق‌دن ایکی باله بستری دیر. «اوچ آی‌دن بیری باله‌م سینهبغل بولگن و دارو آلدیم. اوشبو کسل‌خانه‌ده یاتاق‌نینگ کوپه‌یشینی ایسته‌یمیز، چونکه بیر یاتاق‌ده بیر-ایکی کیشی بستری‌ده دیر و یاتاق کوپه‌یسین که بیر کسل‌دن باشقه کسل‌گه کسل‌لیک یوقمه‌سین.»
کابل یشاوچیلریدن باشقه بیری حافظ‌الله‌نینگ ایتیشیچه: «هر بیر یاتاق‌ده ایکی-اوچ کیشی بستری دیر. باله‌لریمیز و کسل‌لر قیین‌چیلیگی حل بولینیشی و دوالنیش خذمت‌لر کورسه‌تیلیش پروسه‌سی یخشی‌لنیشینی ایسته‌یمیز.»
موترلرده صفت‌سیز یاقیلغی، یشش اویلرده تاش‌کومیر، پلاستیک و رابر‌نینگ یاقیلیشی کابل ده هوا افلاسلیگی اصلی منبع‌لریدن دیر.
بیزلرنینگ فیسبوک صحیفه‌میزگه باش اورینگ!
صحت طفل کسل‌خانه‌سی شفاکاری احمد‌خالد تیمور پویا‌نینگ ایتیشیچه، هوا افلاسلیگی‌دن اینگ کوپ باله‌لر زیان کوره‌دی و بو قیین‌چیلیک حلی اوچون هوا افلاسلیگی عامل‌لری‌نینگ اورته‌دن کیتگزیلیشی کیره‌ک. مذکور شفاکار گه کوره: «باله‌لرنینگ ایسیق سقلنیشی، نازک نرسه کییدیریلمسلیگی و تشقری‌ده ماسک‌دن فایده‌لنیشی کیره‌ک. بو ایشلر بیلن مذکور کسل‌لیک آلدی آلینیشی ممکن.»
بوندن آلدین اطراف-محیط‌نی سقلش ملی اداره‌سی، کابل و مرکزی تورت ولایت‌ده هوا افلاسلیگی کمه‌یشی مقصد آلتی آی‌لیک قیش دستور‌ی‌نینگ قولگه آلگنلرینی اعلام قیلگن ایدی.