اسلام امیرلیگی فواید عامه وزیرلیگینینگ ایتیشیچه، اوتگن بیر هفته ایچیده، افغانستان تیمیر یوللری آرقهلی ۹۰ مینگ ۳۳۸ متریک تُن توار آلیش بیریش بولگن.
اوشبو وزیرلیک، بوگون (۱۳-ثور، شنبه)، بیر بیانیه ترقهتیب یازیشیچه، مذکور توارلر نفتی، غیرنفتی و باشقه بیر قطار سوداگرلیک توارلردن عبارت بولیب، حیرتان، آقینه، تورغندی و خواف-هرات تیمیر یوللری آرقهلی صادر و وارد بولگن.
بیزلرنینگ «ایکس» ترماغی ده هم تعقیب قیلینگ!
فواید عامه وزیرلیگینینگ معلوماتی اساسیده، توارلردن کوپ قطاری حیرتان بندری آرقهلی انتقال تاپگن که ۶۷ مینگ ۹۷۳ تُن بولهدی. تورغندی بندریدن ۸ مینگ ۹۲۱ تُن، آقینه بندریدن ۷ مینگ ۶۹۷ تُن و خواف-هرات یولیدن ۵ مینگ ۷۴۷ تُن توار تاشیلگن.
اوشبو وزیرلیکنینگ معلوماتی گه کوره، آلیش بیریش بولگن توارلر آرهسیدن ۱۴ مینگ ۶۶۳ تُنی ترانزیت و صادرات گه تیگیشلی بولیب، قوروق میوه، انار جوسی، کینو و کچالودن عبارت دیر.
بیزلرنینگ فیسبوک صحیفهمیزگه باش اورینگ!
فواید عامه وزیرلیگینینگ ایتیشیچه، تیمیر یولی آرقهلی آلیش بیریش و صادرات کوپهیگنی، ملی درآمد رواجلنیشیگه علاوه، ایش فرصتلری یرهتیلیشی، اقتصاد ترقیاتی و خودکفالیک سری حرکت گه زمینه یرهتیشی ممکن.
افغانستان سونگی ییللرده، تیمیر یولی رواجلنیشیگه اقدام قیلگن که حاضرگچه کوپراق سوداگرلیک توارلر انتقال تاپیشی مقصد اوندن فایدهلنهدی.
