اوزبیکستان هیئتی افغانستان ده ایکینچی کون حضورلری ده، بوگون (دوشنبه، ۸-عقرب)، کابل ده اسلام امیرلیگی رسمی‌لری نینگ حضوری بیلن کورگزمه نی آچدیلر.
اوشبو سفر ده، اوزبیکستان باش وزیری نینگ اورین باسری جمشید خواجه‌یوف نی کابینه وزیرلری و اوزبیکستان‌لیک باشقه اونلب سوداگر همراه‌لیک قیله‌دیلر.
اوزبیکستان‌لیک هیئت حاضر سرپرست حکومت مسئوللری بیلن اوچره‌شماقده و ینگی‌لیکده، اسلام امیرلیگی باش وزیری نینگ اداری اورین باسری عبدالسلام حنفی بیلن اوچره‌شیب ملاقات قیلگن.
بیزلرنینگ فیسبوک صحیفه‌میزگه باش اورینگ!
اوشبو اوچره‌شووده، اوزبیکستان باش وزیری نینگ اورین باسری جمشید خواجه‌یوف، مملکتی نینگ افغانستان ده سرمایه یاتقیزیش گه علاقه‌مندلیگینی بیلدیرگن.
معلومات‌لر گه بناً، خواجه‌یوف اسلام امیرلیگی و اوزبیکستان مناسبت‌لرینی قانیقرلی عنوان قیلگن.
اونگه کوره: «اوزبیکستان دولتی، سوداگرلری و سرمایه یاتقیزووچیلری افغانستان ده کان‌لرنی قازیب چیقریش، ایکینچیلیک، برق و ایشلب چیقریش بولیم‌لری ده سرمایه یاتقیزیش گه علاقه‌مند دیر.»
باشقه تاماندن، سرپرست حکومت سوو و برق وزیرلیگی بیر بیانیه ترقه‌تیب اوشبو وزیرلیک سرپرستی اوزبیکستان‌لیک هیئت بیلن اوچره‌شیب، برق صادراتی و سوولرنی باشقریش بولیمیده ایکی تامانلمه همکارلیک‌لر حقیده بحث ایتگنی دن خبر بیرگن.
بوندن آلدین، افغانستان ده قوش‌تیپه کانالی قوریلیشی گه دایر اوشبو مملکت نینگ خواطرلرینی شریک قیلیش اوچون، اوزبیکستان هیئتی نینگ افغانستان گه سفر قیلگنی حقیده گزارش‌لر ترقه‌لگن ایدی.
شو بیلن بیرگه، سرپرست حکومت مسئوللری گه کوره، اوزبیکستان هیئتی بیلن آمو دریا مسئله‌سی و قوش‌تیپه کانالی خصوصیده بحث ایتمه‌یدیلر و اسلام امیرلیگی ایچکی سیاست‌لری باره‌سیده باشقه اولکه‌لر بیلن مذاکره قیلیش گه تیار ایمس دیر.
اسلام امیرلیگی سوزلاوچیسی نینگ اورین باسری بلال کریمی گه کوره، اوزبیکستان هیئتی ایکی مملکت مناسبت‌لری اینیقسه سوداگرلیک و ترانزیتی مسئله‌لر اوچون افغانستان گه سفر قیلگن.
بیزلرنینگ «ایکس» ترماغی ده هم تعقیب قیلینگ!
او نینگ سلام‌وطندار گه ایتیشیچه: «اوزبیکستان هیئتی سوداگرلیک و ترانزیتی مسئله‌لر اوچون افغانستان گه سفر قیلگن، سوو مسئله‌سی مملکت نینگ ایچکی ایشلری دیر و باشقه اولکه‌لر گه تیگیشلی ایمس.»
عین‌حالده، خلق‌ارا مسئله‌لر ایش بیلرمانی سیدباقر محسنی، اوشبو ترکیب بیلن اوزبیکستان هیئتی حضوری نی تاثیرچن دیب ایتیشیچه، افغانستان خلق‌ارا ساحه‌لرده سیاسی قیینچیلیک بیلن دوچ دیر.
اونگه کوره: «بو کبی ییغیلیش‌لر سوداگرلیک قیینچیلیک‌لرینی حل قیله‌دی و سوداگرلر گه قولی‌لیک یره ته‌دی، بیراق اسلام امیرلیگی حاکمیتی ده خلق‌ارا ساحه‌لر ده افغانستان نینگ سیاسی قیینچیلیگی بار، بو قیینچیلیک اسلام امیرلیگی اوچون اقتصاد و سوداگرلیک و سیاست بولیمی ده قیینچیلیک یره‌تگن.»
ایتیش کیره‌ک، مملکت ده سونگی سیاسی اوزگریش‌لر و اسلام امیرلیگی حاکمیتی دن کیین، اوزبیکستان تورلی ساحه‌لرده افغانستان بیلن اوز مناسبت‌لری گه دوام بیریب کیلگن مملکت‌لر دن دیر.