اوکراین بحرانی دوام ایتیشی و اوشبو مملکت گه روسیه نینگ حربی احتمالی هجوم قیلیشی کوچه‌یر ایکن، آمریکا قوشمه ایالت‌لری نینگ جمهور باشلیغی جوبایدن، روسیه جمهوررئیسی ولادیمیر پوتین بیلن تیلیفونی سوزلشدی.
آق‌سرای اعلامیه ترقه‌تیب ایتیشیچه، جوبایدن روسیه‌لیک همکسبی گه اوکراین گه هجوم قیلگن تقدیرده، روسیه و متحدلری «کیسکین جواب» گه روپه‌رو بولیش‌لریدن آگاه لنتیرگن.
بیزلرنینگ توییترده هم تعقیب قیلینگ!
او نینگ اورغولشیچه، اوشبو هجوم انسانی فاجعه گه سبب بولیب و روسیه اوچون تیز و آغیر خرجت‌لردن تشقری، مذکور مملکت اورنی گه نقصان ییتکیزیشی ممکن.
شونینگدیک اعلامیه‌ده کیلیشیچه، آمریکا جمهور باشلیغی، اوشبو مملکت اوز اتفاقچیلری و همکارلری بیلن باشقه سناریولر اوچون تیار بولگنی کبی دیپلوماسی مشارکت لرده هم تیار ایکنینی تاکید‌له‌گن.
شونده‌ی بیرحالده، آمریکا تشقی ایشلر وزیری آنتونی بلینکن نینگ ایتیشیچه، پوتین یوریش قیلیش گه قرار قیلگن تقدیرده، واشنگتن تیز اقتصادی تحریم‌لرنی عملی قیلیشی ممکن.
بیزلرنینگ فیسبوک صحیفه‌میزگه باش اورینگ!
بوندن آلدین، آمریکا روسیه نینگ اوکراین گه یقینده هجوم قیلیشی‌دن آگاه لنتیریب اوشبو مملکت نینگ کیف‌ده‌گی ایلچی‌خانه ملازم لری و آمریکا یشاوچیلری گه تیزلیک بیلن اوکراین نی ترک ایتیش بویروغینی بیرگن.
بریتانیا، آلمان، پرتگال، آسترالیا، ایتالیا و باشقه قطار مملکت‌لر، فقرالری‌دن اوکراین‌نی تیزلیک بیلن ترک ایتیش لرینی طلب قیلگن.
