قندوز فواید عامه ریاستی مسئوللری نینگ ایتیشلریچه، قلعه‌ی زال و اوشبو تومن مرکزی آق تیپه نی بیر بیری گه باغله‌یدیگن مذکور ییریک کوپریک، فواید عامه وزیرلیگی نینگ بودجه‌سیدن قیته قوریلیب و فایده‌لنیش گه تاپشیریلگن.
قندوز فواید عامه باشلیغی عبدالخالق حقمل نینگ ایتیشیچه، ۵ میلیون افغانی گه قیته قوریلگن اوشبو کوپریک نینگ قوریلیش ایشی جاری ییل عقرب آیی‌ده باشلنیب و اوتگن کون فایده‌لنیش گه تاپشیریلگن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، قندوز نینگ قلعه‌ی زال تومنی یشاوچیلریدن قطاری، ویران بولگن ییریک کوپریک نینگ قیته قوریلگنی‌دن خورسند‌لیک قیلیب ایتیشلریچه، اوشبو کوپریک نینگ ویران بولگنی سبب، ییل‌لر اوتیب-قیتیش اوچون قایق‌دن قوللنیب و کوپینچه قیین‌چیلیک بیلن روپه‌ره ایکنلر.
ایتیش کیره‌ک که، ۱۲۰ متر اوزون‌لیگی و ۷ متر کینگلیگی بولگن اوشبو کوپریک، مملکت شمال‌شرقی‌ده جایلشگن ییریک کوپریک‌لردن حساب‌لنه‌دی و ۲۰۰۸-ییل‌ده فواید عامه وزیرلیگی آرقه‌لی دنیا بانکی نینگ مالی یاردمی بیلن ۷ مینگ دالر گه اونینگ قوریلیش ایشی باشلنیب و ایکی ییل‌دن کیین فایده‌لنیش گه تاپشیریلگن ایدی، بیراق مذکور تومن‌ده اوروشلر جریانیده بو کوپریک ویران بولیب و فایده‌لنیشدن قالگن ایدی.
