بیرلشگن ملتلر تشکیلاتی انسان حقلری مخصوص گزارشگری ریچارد بنت، اسلام امیرلیگی و پاکستان دن دایمی آتیش کیسین توغریسیده کیلیشیشلرینی سورهگن.
بنتنینگ بوگون (۵-حمل، چهارشنبه)، اکس صحیفهسیده یازیشیچه، پاکستان و اسلام امیرلیگی خلقارا حقوقگه حرمت قایل بولیب و تینچاهالینینگ حمایه قیلیشلری کیرهک.
بیرلشگن ملتلر تشکیلاتی انسان حقلری مخصوص گزارشگری، کابل ده معتادلر دوالنهدیگن مرکزگه اویوشتیریلگن هجوم توغریسیده تیز، مستقل و انیق شکلده تیکشیروو اوتکزیلیشینی ایستهگن.
اسلام امیرلیگی و پاکستان آرهسیدهگی توقنشوولر اوتگن ییلی ۳-حوتدن، پاکستاننینگ ننگرهار و پکتیکا گه اویوشتیرگن هجوملری بیلن باشلهنیب و ۲۷-حوتگچه دوام قیلگن. ایکی تامان اوتگن هفته هییت بیرمی مناسبتی و سعودی عربستان، قطر همده تورکیه ایستهگی بیلن بیر-بیرلریگه قرشی هجومنینگ توختهتگنلرینی معلوم قیلگنلر.
