بامیان امنیه قوماندانلیگی نینگ میدیالر دفتری، بیر خبرنامه یوللش بیلن اوشبو ولایت پنجاب تومنی حدودلریده «فلانکوچ» رسوملی بیر موتر نینگ چپه بولگنی عاقبتیده، ۱۴ کیشی نینگ یره‌لنگنی نی خبر بیرگن.
خبرنامه اساسیده، حادثه‌ده یرهلنگنلر پنجاب تومنی کسل‌خانه‌سی گه انتقال بیریلگن؛ بیراق ایکی عیال و بیر باله شامل یره‌لنگن‌لردن اوچ ته‌سی نینگ وضعیتی یامان دیر و اولر، بامیان مرکزی کسل‌خانه‌سی گه انتقال بیریلگن.
بیزلرنینگ فیسبوک صحیفه‌میزگه باش اورینگ!
خبرنامه‌ده کیلیشیچه، اوشبو حادثه بوگون (چهارشنبه، ۱۷-جوزا)، توش‌دن کیین ساعت ۱۱:۰۰ اطرافیده، فلانکوچ رسوملی بیر موتر نینگ «نوشاخ» قیشلاغیدن پنجاب تومنی نینگ «دم‌جوی» قیشلاغی تامان حرکت‌ده بولگنی پیتده، یوز بیرگن.
خبرنامه‌ده مذکور حادثه سببی خصوصیده هیچ نرسه یازیلمه‌گن.
بیزلرنینگ توییترده هم تعقیب قیلینگ!
بامیان ده ترافیکی حادثه‌لردن کوپینچه‌سی نینگ سببی، سرک‌لر نینگ بوزوق‌لیگی و هیداوچیلر نینگ توجه‌سیزلیگی عنوان قیلینه‌دی.
