بامیان نینگ اوزاق بولیم‌لریده‌‌گی حامله عیاللردن قطاری نینگ ایتیشلریچه، ساغلیق خذمت‌لردن فایده‌لنه آلمسلیک، درست آوقتلنه آلمسلیک و اقتصادی قیین‌چیلیک بیلن روپه‌ره بولیش سبب، حامله‌لیک دوریده توییب آوقتلنمسلیککه چلینگنلر.
۳۱ یاشر و بیش آیلیک حامله بولگن آمنه احمدی نینگ ایتیشیچه، اقتصادی قیین‌چیلیکلر سبب درست بیر شکلده آوقتلنه آلمه‌گن؛ انه شوو سبب توییب آوقتلنمسلیککه چلینگن. اونینگ کوپه‌یتیریشیچه: «اقتصادی قیین‌چیلیگی‌میز بار و تورموش اورتاغیم ایش‌سیز دیر؛ مین اوزیم درست بیر شکلده آوقتلنه آلمه‌یمن و انه شوو سبب توییب آوقتلنمسلیککه چلیندیم.»
بیزلرنینگ «ایکس» ترماغی ده هم تعقیب قیلینگ!
بامیان ولایتی یکاولنگ نمبر ۱ تومنی اوزاق قیشلاقلریدن بیری نینگ یشاوچیسی بولمیش فرزانه گه کوره، درمانی مرکزلردن فایده‌لنه آلمسلیک سبب، توییب آوقتلنمسلیککه چلینگن. اونینگ ایتیشیچه: «درمانی مرکزلردن فایده‌لنه آلمسلیک و درست آوقتلنه آلمسلیک سبب، توییب آوقتلنمسلیککه چلینگن‌مین.»
شونینگدیک بامیان ولایتی «حیدرآباد» قیشلاغی یشاوچیسی صدیقه نظری نینگ ایتیشیچه، قان تولید قیله‌دیگن تابلیت‌لردن قوللنیش و درست آوقت‌لنیش بیلن، توییب آوقتلنمسلیگی نی دوالش خصوصیده سعی‌وحرکت قیلماقده. «اوزیم توییب آوقتلنمسلیککه چلینگن‌مین. دوالنیش اوچون آهن تابلیتلریدن آله‌من و شونینگدیک فایده‌لی آزیق-آوقت محصولاتی‌دن قوللنه‌من.»
باشقه بیر تاماندن، بامیان ولایتی کسل‌خانه‌سی نینگ توغروق بولیمی متخصصی سیمین نوازی نینگ ایتیشیچه، توییب آوقتلنمسلیککه چلینگن حامله عیاللر نینگ مراجعت میزانی، اوتگن ییل گه قره‌گنده کوپه‌یگن.
اونینگ کوپه‌یتیریشیچه، سونگی ایکی آی‌ده، توییب آوقتلنمسلیککه چلینگن ۱۲۰ حامله عیال، بو کسل‌خانه گه مراجعت قیلگن که بو رقم اوتگن بیر ییل‌ده توپلم شکلده ۴۰۳ کیشی گه ییتیشه‌ر ایدی. «ایکی آی‌ده ۱۲۰ حامله عیال توییب آوقتلنمسلیککه چلینیب و بامیان ولایتی کسل‌خانه‌سی گه مراجعت قیلگن که اوتگن بیر ییل‌ده ۴۰۳ حامله عیال توییب آوقتلنمسلیککه چلینگن ایدی. بو کسل‌لیککه چلینگن حامله عیاللر گه خلق‌ارا آزیق-آوقت دستوری آرقه‌لی آوقت‌لنیش محصولاتی ترقه‌تیله‌دی.»
بیزلرنینگ فیسبوک صحیفه‌میزگه باش اورینگ!
شونینگدیک بامیان ساغلیق‌نی سقلش ریاستی نینگ باروری سلامتلیک بولیمی مسئولی زهرا شریفی نینگ ایتیشیچه، باله دنیا گه کیلتیریش اورته‌سیده فاصله نی رعایت قیلمسلیک، درست شکلده آوقت‌لنمسلیک و حامله عیاللر وجودیده بیر قطار ویتامینلر نینگ کم‌لیگی، اولر نینگ توییب آوقتلنمسلیککه چلینیشلری اساسی سببلریدن دیر. اونینگ کوپه‌یتیریشیچه: «حامله عیاللر بیر کونده تورت مرته آوقت‌لنیشلری کیره‌ک و بو آوقتلر هم تورلی‌خیل بولیشی کیره‌ک که ویتامینلر بیلن آهن نینگ وجود گه جذب بولیشی و آنه نینگ ویتامین کم‌لیگی یا-ده قان کم‌لیگی و توییب آوقتلنمسلیککه چلینمسلیگی کیره‌ک.»
بوندن آلدین بیرلشگن ملتلر تشکیلاتی نینگ خلق‌ارا آزیق-اوقت دستوری، جاری میلادی ییل‌ده افغانستان ده تورت میلیون باله و آنه نینگ جدی توییب آوقتلنمسلیکدن اذیت چیکیشی نی اعلام قیلگنی بیرحالده، بامیان ده حامله عیاللر توییب آوقتلنمسلیککه چلینگنلری نی بیان قیله‌دیلر.
