بامیان و دایکندی ده سپورت مسئوللری، اوشبو ولایت‌لر‌‌‌ده رمضان آیی مناسبتی بیلن «رمضان کپی» عنوانیده، علیحده فوتسال بیلشوولری باشلنگنیدن خبر بیرگنلر.
بامیان فوتبال فدراسیون ریاستی رئیسی عظیم سعادت نینگ سلام‌وطندار گه ایتیشیچه: «جمعه کونی، ۱۸حمل، باشلنگن فوتسال بیلشوولریده، دایکندی‌دن ایکی تیرمه جماعه شامل ۲۸ فوتسال تیرمه جماعه‌سی اشتراک قیلگن و اوشبو بیله‌شوولر ۱۸ کونگچه دوام تاپیشی کوتیله‌دی.»
بیزلرنینگ فیسبوک صحیفه‌میزگه باش اورینگ!
بامیان فوتبال فدراسیون باشلیغی گه کوره، مذکور بیلشوولر رمضان آیی و سپورت رواجلنیشی مقصدیده یولگه قوییلگن.
شونده‌‌ی بیرحالده، دایکندی سپورت آمری ناصر حقیقت، اوشبو ولایت‌ده بیله‌شوولر باشلنگنیدن خبر بیرگن.
جناب حقیقت نینگ ایتیشیچه: «فوتسال بیله‌شووی اوشبو دوری، فوتسال سپورتی رواجلنیشی و کوکنار ایکینی گه قرشی کوره‌ش مقصدیده، پنج‌شنبه کونی ۱۷-حمل، دایکندی ولایتی بویلب ۲۴ تیرمه جماعه آره‌سیده باشلنگن.»
دایکندی سپورت آمری گه کوره، اوشبو ولایت ده فوتسال بیلهشوولری، مذکور آمریت تامانیدن یولگه قوییلیب و خره‌جتی دن بیری بولیمی سپورت‌چیلر تامانیدن توللنگن.
بیزلرنینگ توییترده هم تعقیب قیلینگ!
بامیان و دایکندی ده سپورت‌چیلر هردایم امکانیت یوق‌لیگی و دولت تامانیدن حمایت بولمه‌گنلری خصوصیده شکایت قیلگن‌لری بیرحالده، اوشبو ایکی ولایت‌ده فوتسال بیلهشوولری یولگه قوییلگن.