بامیان خوفسیزلیک مسئوللری، اوشبو ولایت نینگ پنجاب تومنیده یوز بیرگن ترافیکی حادثه عاقبتیده بیر باله قربان بولیب و تورت عیال شامل باشقه ۱۳ کیشی یره‌لنگنیدن خبر بیرگنلر.
بامیان امنیه قوماندان‌لیگی سۉزلاوچیسی محمدخوانی رسا گه کوره، اوشبو واقعه ۱۳-حمل، سه‌شنبه کونی مذکور ولایت نینگ پنجاب و وروس تومن‌لری آره‌لیغیده «فلانکوچ» رسوملی بیر موتر نینگ قولشی عاقبتیده یوز بیرگن.
بیزلرنینگ فیسبوک صحیفه‌میزگه باش اورینگ!
محمدخوانی رسا گه کوره، ۱۴ یولاوچیسی بولگن اوشبو موتر ولایت مرکزی تامان باریش پیتیده سرک‌دن چیقیب قوله‌گن.
واقعه موتر تېزلیگی و هیداوچی نینگ دقت‌سیزلیگی سبب یوز بیرگن دیدی، بامیان امنیه قوماندان‌لیگی سۉزلاوچیسی.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه، واقعه طفیلی یره‌لنگنلر دوالنیش اوچون کسلخانه گه آلیب باریلگن و یره‌دار بولگن ایکّی کیشی نینگ احوالی آغیر دییلگن.
ایتیش کېره‌ک، مملکت نینگ بیرقطار ولایت‌لری اینیقسه بامیان ده یوللر بوزوق‌لیگی و هیداوچیلر نینگ دقت‌سیزلیگی سبب انده-سنده بو کبی واقعه‌لر یوز بیریب و یشاوچیلردن قربان‌لیک آله‌دی.
