بوگون “شنبه” بامیان حاکمی سیدانور رحمتی نینگ خبری بیر ییغینده ایتیشیچه، اوشبو ولایتده تعلیمی مرکزلر تهدید آستیگه قرار تاپگن.
جناب رحمتی‌گه کوره، اوتگن هفته بامیان شهریده یوز بیرگن پارتلش خصوصیده، ۴ کیشی قولگه آلینگن و کوپراق تیکشیریلیش اوچون کابل‌گه انتقال بیریلگن.
اونینگ کوپه‌یتیریشیچه، قولگه آلینگن کیشی‌لر کابل، پنجشیر، سمنگان و بامیان یشاوچی‌لریدن دیر.
بامیان مدنی فعال‌لر، ولایتی کینگش اعضالری، انسان حقوقی فعال‌لری، سیاسی حزب‌لر نماینده‌لری و جهادی سیمالر مذکور پارتلش سبب، اعتصاب قیلگنلر.
اولر، اوشبو ولایت محلی مسئول‌لرنینگ دقت‌سیزلیگیدن تنقید قیلیب و ایشدن چیکلنتیریلیشی‌نی سوره‌گنلر.
اعتصابچی‌لردن بیری عبدالله شایگان نینگ ایتیشیچه، اوتگن هفته “سه‌شنبه” کونی یوز بیرگن قانلی واقعه‌ده ۲۰ کیشی نینگ هلاک ایتیلگنی‌گه گواه بولگن.
اونینگ کوپه‌یتیریشیچه، بامیان محلی مسئوللری و امنیتی نهادلر اوشبو ولایت یشاوچی‌لری نینگ خوفسیزلیگی‌نی تامین‌لشگه موفق بولمه‌گن و انه‌شو سبب، ایشدن چیکلنتیریلیش‌لری کیره‌ک.
مذکور پارتلشده قربان بولگنلرنینگ عایله اعضالری بو واقعه‌ده حکومت‌نی مسوول عنوان قیلگنلر.
اوتگن هفته “سه‌شنبه” کونی شام چاغیده بامیان شهریده یوز بیرگن ایکی پارتلش نتیجه‌سیده ۱۵ کیشی هلاک و باشقه ۵۸ کیشی یره‌لنگن ایدی.