بلخ ولایتی مقامی ده اویوشتیریلگن خودکش هجوم مسئولیتینی داعش گروهی تن آلگن.
پنج‌شنبه کونی، ۱۸ حوت، داعش گروهی گه منسوب «اعماق» آژانسی گه کوره، بلخ مرکزی مزارشریف شهری ده اویوشتیریلگن خودکش هجوم اوشبو گروه نینگ ایشی دیر.
بیزلرنینگ فیسبوک صحیفه‌میزگه باش اورینگ!
اعماق آژانسی گه کوره، مذکور گروه نینگ «عبدالحق الخراسانی» اسملی اعضاسی خوفسیزلیک بیلباغ‌لردن اوتیب و اوزینی ولایت مقامی دفتری گه ییتکیزیب پارتلتگن.
اوشبو خودکش هجوم عاقبتیده بلخ حاکمی محمدداوود مزمل شامل، اوچ کیشی هلاک بولیب وباشقه ایکی کیشی یره‌لنگن.
اسلام امیرلیگی سوزلاوچیسی ذبیح‌الله مجاهد اوز تویتری ده، مذکور هجوم نی «اسلام دینی یاولری» ایشی دیب و بوتوغریده تدقیقات باشلنگنیدن خبر بیرگن.
بیزلرنینگ توییترده هم تعقیب قیلینگ!
عین‌حالده اوتگن کون بلخ امنیه قوماندان‌لیگی سوزلاوچیسی محمدآصف وزیری، خودکش هجومچی پارتلش واسکتی بیلن آلدیندن ولایت مقامی گه کیریب جناب مزمل ییتیب کیلیشی بیلن ولایت مقامی دهلیزی ده اوزینی پارتلتگنینی ایتگن ایدی.
