بلخ امنیه قوماندانلیگی مسئوللری اوشبو نهاد نینگ بیر ییللیک گزارشی نی ترقهتیش بیلن مذکور ولایت بویلب تورلی جنایی واقعهلر عیبی بیلن کمیده ۱۴۷۲ کیشی نینگ قولگه آلینگنیدن خبر بیرگنلر.
بلخ امنیه قوماندانلیگی بوگون (پنجشنبه، ۱۰-جوزا)، بیر بیانیه آرقهلی اعلام قیلیشیچه، سونگی بیر ییلده اوشبو ولایت نینگ تورلی بولیملریده ۱۰۲۰ جنایی واقعه یوز بیرگن.
بیزلرنینگ «ایکس» ترماغی ده هم تعقیب قیلینگ!
بیانیه اساسیده، سونگی بیر ییلده بلخ ولایتیده ۳۰ مورد اوزینی اولدیریش، بیش مورد آدم اوغیرلاوچیلیک، ۱۵۷ مورد اخلاقی فساد و ۱۶۹ مورد قوراللی اوغریلیک یوز بیرگن.
بلخ امنیه قوماندانلیگی بیانیهسی نینگ بیر بولیمیده کیلیشیچه، بو قطار جنایی واقعهلر گه تیگیشلی ۲۵۷ عیال شامل ۱۴۷۲ کیشی قولگه آلینگن.
بیزلرنینگ فیسبوک صحیفهمیزگه باش اورینگ!
بیانیهده اوزینی اولدیرگن کیشیلر نینگ کیملیگی حقیده جزئیات بیریلمهگن.
خوفسیزلیک کوچلری دایم توزوم اوزگرگنیدن کیین مملکت بویلب امنیت تامینلنگنیدن ایشانچ بیرگنلری بیرحالده، بلخ امنیه قوماندانلیگی مذکور ولایتده بو قطار جنایی واقعهلر یوز بیرگنیدن خبر بیرگنلر.
