بلخ ده اون و غلهجات قیمتی تعیین‌لنیشی و کنترول بولیشی مقصد، بیر بازار آچیلیب و فعالیت‌گه باشله‌گن.
بلخ ده محلی مسئوللر‌نینگ ایتیشلریچه، مذکور بازار بوگون (۱۶-حمل، شنبه)، اوشبو ولایت مرکزی مزارشریف شهری‌ده جایلشگن «مزار هوتل» تجارتی مرکزی‌ده، محلی رسمی‌لر، سوداگرلر و یشاوچیلر حضوری بیلن آچیلگن.
بیزلرنینگ فیسبوک صحیفه‌میزگه باش اورینگ!
بلخ سودا و صناعت باشلیغی امیرمحمد متقی‌نینگ ایتیشیچه، اوشبو بازار‌نینگ آچیلگنی تاریخی اوتگن و صفتی قویی محصوللر‌نینگ وارد بولیشی، ساتیلیشی و احتکار آلدی آلینیشی توغریسیده یاردم بیره‌دی.
شونده‌ی بیرحالده، سوداگرلردن قطاری‌نینگ ایتیشلریچه، مذکور بازار آچیلگنی اساسی نیازلردن بولیب، اون، غلهجات و باشقه نرسه‌لر قیمتی‌نینگ انیق شکلده تعیین‌لنیشی و قیمت ساتیش‌نینگ آلدی آلینیشی اوچون فایده‌لی بولیشی ممکن.
بلخ ولایتی‌ده‌گی سوداگرلردن بیری ذبیح‌الله کهمردی، مذکور بازار‌نینگ آچیلگنی‌دن خورسند‌لیک قیلیب و ایتیشیچه: «بو بازار‌ده کونده‌لیک شکلده خلق‌ارا قیمت‌لر اساسیده اون و غلهجات قیمتی تعیین‌لنیشی، سوداگرلر و یشاوچیلرگه آسایشته‌لیک یره‌تیلیشی و احتکار آلدی آلینیشی‌گه سبب بوله‌دی.»
بیزلرنینگ «ایکس» ترماغی ده هم تعقیب قیلینگ!
مذکور بازار‌نینگ آچیلیش مراسمی‌ده بلخ حاکمی اورین‌باسری نورالهادی ابو ادریس، سوداگرلردن افغانستان گه قیتیب و سرمایه یاتقیزیش بیلن، ایش زمینه‌سی یره‌تیلیشی یانیده مملکت اقتصادی رواجلنیشی توغریسیده حصه قوشیشلرینی ایسته‌گن.
بلخ یشاوچیلری بوندن آلدین اون و غلهجات قیمتی یوقاری‌لیگی و قیمتلرده فرق بارلیگی‌دن نالیگنلری بیرحالده، اوشبو بازار آچیلگن.
