بلخ ساغلیق‌نی سقلش ریاستی مسئوللری، اوشبو ولایت‌ده کانگو گه چلینگنلر سانی کوپه‌یگنی‌دن خبر بیرگنلر.
بلخ ۵۰ یاتاقلی انتانی کسل‌خانه‌سی مسئوللری نینگ سلام‌وطندار گه ایتیشلریچه، اوتگن بیش آی‌ده کانگو گه چلینگن کمیده ۳۶ کسل درمانلنیش آستیده قرار تاپگن.
بیزلرنینگ «ایکس» ترماغی ده هم تعقیب قیلینگ!
بلخ ۵۰ یاتاقلی انتانی کسل‌خانه‌سی باش شفاکاری نبی‌الله امیری، اوشبو کسل‌لیک نینگ کوپه‌یشی‌دن آگاه‌لنتیریب و ایتیشیچه: «درمان قیلگنیمیز ۳۶ کیشی‌دن قیغو بیلن اوچ ته‌سی جان بیردی.»
باشقه بیر تاماندن، بلخ ده شفاکارلر یشاوچیلردن مذکور کسل‌لیککه چلینمسلیک اوچون سیگیر، قوی و ایچکی کبی چاروه‌لر گه قول اورگنلری چاغده، دست‌کش، ماسک، پیش‌بند و محافظتی عینک‌دن قوللنیشلرینی ایسته‌گن.
بیزلرنینگ فیسبوک صحیفه‌میزگه باش اورینگ!
بلخ ۵۰ یاتاقلی انتانی کسل‌خانه‌سیده‌گی شفاکارلردن بیری عطاءالله قاسمی نینگ ایتیشیچه: «اوشبو کسل‌لیک آلدی آلینیشی اوچون یشاوچیلر چاروه ساتیب آلیش یا-ده ذبح قیلیش جریانیده کنه‌لر نی کورگنلری پیتده، دست‌کشلری بولمس‌دن آلمه‌سینلر.»
بوندن آلدین خلق‌ارا ساغلیق‌نی سقلش تشکیلاتی کانگو کسل‌لیگی گه چلینگنلر سانی کوپه‌یگنی خصوصیده آگاه‌لنتیرگنی بیرحالده، بلخ ده شفاکارلر کانگو کسل‌لیگی گه چلینگنلر سانی کوپه‌یگنی‌دن خواطر بیلدیرگنلر.