افغانستان اوچون بیرلشگن ملت‌لر تشکیلاتی انسان حقلری کینگشی نینگ مخصوص گزارشگری ریچارد بنت، اوشبو مملکت ده‌گی خبرچیلر قوللب_قوتله‌نیشینی طلب قیلگن.
افغانستان اوچون بیرلشگن ملت‌لر تشکیلاتی انسان حقلری کینگشی نینگ مخصوص گزارشگری، شنبه کیچه، ۲۰ حوت، اوز تویتیری ده، بلخ مرکزی مزارشریف شهری ده تبیان فرهنگی مرکزی ده خبرچیلر ییغیلیشیده اویوشتیریلگن پارتلش، افغانستان ده ایرکین سوز گه ینه بیر زیان دیب یازگن.
بیزلرنینگ فیسبوک صحیفه‌میزگه باش اورینگ!
بنت، بلخ ده خبرچیلر ییغیلیشی ده اویوشتیریلگن پارتلش انیق تیکشیریلیشینی سوره‌گن.
ایتیش کیره‌ک که، ایچکی ایشلر وزیرلیگی سوزلاوچیسی عبدالنافع تکور گه کوره، شنبه کونی توش دن آلدین، ۲۰ حوت، ساعت ۱۱:۳۰ اطرافی ده، مزارشریف شهری نینگ ایکینچی خوفسیزلیک حوزه حدودلری گه قره‌شلی تبیان فرهنگی مرکزی ده پارتلش یوز بیرگن.
ایچکی ایشلر وزیرلیگی سوزلاوچیسی نینگ کوپه‌یتیریشیچه، مذکور حادثه ده تبیان فرهنگی مرکزی نینگ بیر قوریقچیسی هلاک بولگن، و باشقه بیش خبرچی و اوچ باله شامل سکیز کیشی یره‌لنگن.
بیزلرنینگ توییترده هم تعقیب قیلینگ!
افغانستان ایرکین میدیالریدن حمایت قیلووچی نهاد (نی)، مذکور هجوم ده ۱۵ خبرچی و میدیالر ایشلاوچیلری یره‌لنگنینی تصدیقله‌گن.
بلخ مرکزی مزارشریف شهری ده خبرچیلر نینگ فعالیت‌لریدن قدرلش مراسم ده اویوشتیریلگن پارتلش، ایریم مناسبت‌لر گه روپه‌ره بولگن.
