قولوپنای (ییر توتی) محصوللری نینگ ییغیم-تیریم موسومی ییتیب کیلیشی بیلن بیرگه، بلخ ولایتی‌ده‌گی ایکینچیلر اوشبو محصول نینگ سیزیلرلی درجهده کوپه‌یگنیدن خورسند‌لیک قیلگنلر.
بلخ ولایتی دهدادی تومنی‌ده‌گی ایکینچیلردن بیری و بیش جریب ییریگه قولوپنای ایککن محمدناصر نینگ ایتیشیچه، اوشبو ولایت نینگ یخشی هواسی بولگنی و موسومی یاغینگرچیلیکلر سبب، اوتگن ییل گه قره‌گنده بو ییل قولوپنای حاصلاتی سیزیلرلی درجهده کوپه‌یگن.
لیکن محمدناصر و بلخ ولایتی‌ده‌گی ایکینچیلردن باشقه بیر قطاری، قولوپنای و باشقه ایکینچیلیک محصوللر نینگ سقلنیشی اوچون ستندرد ساووق‌خانه‌لر یوقلیگی‌دن خواطر بیلدیرگنلر.
بیزلرنینگ «ایکس» ترماغی ده هم تعقیب قیلینگ!
محمدناصر نینگ کوپه‌یتیریشیچه: «قولوپنای تیز خراب بوله‌دیگن بیر میوه دیر. دولت تیکشیریشگه علاوه، قولوپنای سقلنیشی اوچون ساووق‌خانه‌لر ایجاد قیلیشی کیره‌ک و شونینگدیک ییغیم-تیریم، میوه‌لر نینگ سقلنیشی و پاکت‌لنیشی اوچون ییترلی امکانیت‌لر نی یره‌تیشی کیره‌ک.»
شونینگدیک مذکور ولایت‌ده‌گی ایکینچیلردن باشقه بیری ظاهرخان، ستندرد ساووق‌خانه‌لر ایجاد بولیشی و سرپرست حکومت آرقه‌لی قوللب-قوتلنیش نی ایسته‌گن. «قولوپنای حاصلاتی کوپه‌یشی اوچون ییر نینگ لیور بولیشی کیره‌ک. منظم و بیللی بیر فاصله بیلن ایکیلیشی کیره‌ک و وقتیده سووغاریلیب، کیمیاوی کودلر بیلن پارو تشلنیشی کیره‌ک.»
شونده‌ی بیرحالده، ایکینچیلیک ایشلری بوییچه ایش بیلرمانلریدن قطاری بلخ ولایتی هواسی نینگ قولوپنای ییتیشتیریلیشی و ایکیلیشی اوچون مناسب بیلیب و ایتیشلریچه، ایکینچیلر اوشبو ولایت‌ده سبزی‌خانه‌لردن قوللنیب و بو اوسیم‌لیک نی ییتیشتیره‌دیلر.
ایکینچیلیک ایشلری بوییچه ایش بیلرمانی عبدالعزیز، گلخانه‌ده قولوپنای ییتیشتیریلیشی نی اونملی بیلیب و ایتیشیچه، بو میوه آچیق فضا گه قره‌گنده گلخانه‌ده یخشی‌راق حاصل بیریشی ممکن.
اونینگ کوپه‌یتیریشیچه: «قولوپنای اوچون ۲۵-۳۵ درجه مناسب دیر. انه شوو سبب، باغدارلر گلخانه‌لر قوریشلری و زراعت خصوصیده مسلکی بولگن کیشی‌لردن مصلحت آلیشلری کیره‌ک.»
عین حالده، بلخ ایکینچیلیک، چاروه‌چیلیک و سووغاریش ریاستی مسئوللری نینگ ایتیشلریچه، اوتگن ییل‌لرده ۱۰۰ جریب ییرگه قولوپنای ایکیلیب و حاضر ایسه بو میزان ۱۵۰ جریب‌دن آشگن.
بیزلرنینگ فیسبوک صحیفه‌میزگه باش اورینگ!
بلخ ایکینچیلیک، چاروه‌چیلیک و سووغاریش ریاستی نینگ رواجلنتیریش مدیری محمدحسن عظیمی، اوشبو ولایت‌ده قولوپنای حاصلاتی نینگ ۲۲۵ تُن تخمین قیلیب و ایتیشیچه، هر جریب ییر‌دن کمیده بیر تُن حاصل قولگه کیلیب و مذکور ایکینچیلیک محصول نینگ بازارده‌گی قیمتی گه قره‌گنده، ایکینچیلر نینگ یخشی درآمد قولگه کیلتیریشلری ممکن.
جناب عظیمی نینگ کوپه‌یتیریشیچه: «اوتگن ییل‌لرده بلخ ده ۱۰۰ جریب ییرگه قولوپنای ایکیلگن ایدی، بیراق بو ییل بلخ نینگ دولت‌آباد، دهدادی و چمتال تومن‌لریده ۱۵۰ جریب ییر گه قولوپنای ایکیلگن. موسومی یاغینگرچیلیک سبب، بو میوه حاصلاتی سیزیلرلی درجهده کوپه‌یگن.»
قولوپنای سونگی ییل‌لر بلخ، ننگرهار، قندهار و باشقه بیر قطار ولایت‌لرده ایکیله‌دیگن میوه‌لردن بولیب و اوتگن ییل‌لر گه قره‌گنده مذکور محصول نینگ ییتیشتیریلیشی خصوصیده ایکینچیلر نینگ قیزیقیشی کوپه‌یگن.
ایتیش کیره‌ک که، قولوپنای یاز موسومی میوه‌لریدن بولیب و بازار گه عرضه بوله‌دی و شونینگدیک حاضر ایسه بلخ بازارلریده بیر کیلوگرام قولوپنای ۱۰۰-۱۵۰ افغانی گه ساتیله‌دی.
