بلخ ولایتی ساغلیق‌نی سقلش ریاستی مسئوللری، اوشبو ولایت نینگ دهدادی تومنی «کودبرق» منطقه‌سیده ۵۰ بسترلیک بیر کسلخانه ایشی یکونلنیب و فایده‌لنیشگه تاپشیریلگنیدن خبر بیرگنلر.
بلخ ساغلیق‌نی سقلش باشلیغی نجیب‌الله توانا نینگ ایتیشیچه، مذکور کسلخانه مملکت ساغلیق‌نی سقلش وزیرلیگی تامانیدن یشاوچیلر نینگ طبی قیینچلیک‌لری حلی مقصدیده، ۱۰۹ میلیون افغانی خرجت بیلن قوریلگن.
بیزلرنینگ فیسبوک صحیفه‌میزگه باش اورینگ!
جناب توانا نینگ کوپه‌یتیریشیچه، اوشبو کسلخانه فایده‌لنیشگه تاپشیریلیشی بیلن کودبرق منطقه‌سیده یشه‌یدیگن بیر مینگ دن آرتیق عایله گه، طبی خذمت‌لردن فایده‌لنیش زمینه‌سی یره‌تیلگن.
بلخ ساغلیق‌نی سقلش باشلیغی، مذکور ولایت نینگ اوزاق منطقه‌لریده ساغلیک مرکزلر قوریلیشی اوستیده تأکیدلب ایتیشیچه، اوشبو کسلخانه زمانه‌وی امکانیت‌لر بیلن قوریلیب و ملَکه‌لی شفاکارلر استخدام بولیشی بیلن فایده‌لنیشگه تاپشیریلگن.
بیزلرنینگ توییترده هم تعقیب قیلینگ!
مملکت ساغلیق‌نی سقلش وزیرلیگی نینگ مالی و اداری اورین باسری محمداسحاق آخوندزاده، اوشبو کسلخانه نینگ آچیلیش مراسمی ده ایتیشیچه، یشاوچیلر اوز کسل‌لرینی خارج گه باریب دارو_دوالش گه مجبور بولمسلیگی اوچون، اولکه بویلب ساغلیک مرکزلرنی ایجاد ایتیش مقصدیده سعی‌وحرکت قیلماقده‌لر.
بلخ ولایتی دهدادی تومنی کودبرق منطقه‌سی یشاوچیلریدن بیرقطاری گه کوره، اوشبو کسلخانه قوریلیشیدن آلدین کسل‌لرینی دوالش اوچون ایریم قیینچیلیک‌لر بیلن روپه‌ره ایدیلر، بیراق حاضر طبی قیینچیلیک‌لریدن بیر بولیمی حل بولگن.