بلخ ولایتی ایش و اجتماعی ایشلر ریاستی مسئوللری نینگ ایتیشلریچه، تورکیه نینگ ترقیاتی خذمت‌لر اداره‌سی یا-ده «تیکا» تامانیدن، بوگون (دوشنبه، ۱۵-عقرب)، ۲۰ عیال گه تیکووچیلیک و گلدوزلیک اورگه‌تیش زمینه‌سی یره‌تیلگن.
بلخ ده تیکا اداره‌سی مسئولی میکائیل تاش‌دمیر، اوشبو ایش‌خانه نینگ ایجاد بولگنی‌دن مقصد، ایش و تعلیم‌دن محروم قالگن عیاللر و قیزلردن حمایت قیلیش عنوان قیلگن.
بیزلرنینگ فیسبوک صحیفه‌میزگه باش اورینگ!
جناب تاش‌دمیر نینگ ایتیشیچه، ۶ آی‌لیک اوشبو ایش‌خانه‌ده ۲۰ عیال گه، استخدام بولگن ایکی استاد تامانیدن تیکووچیلیک و گلدوزلیک مهارتلری اورگتیله‌دی.
بلخ ده تیکا دفتری مسئولی نینگ کوپه‌یتیریشیچه: «بوگون بلخ ولایتی‌ده‌گی ۲۰ عیال گه، ۱۴ پایه تیکووچیلیک ماشین و ۶ پایه گلدوزلیک ماشین بیریلدی که، آلتی آی‌ده تیکووچیلیک و گلدوزلیک نی اورگنسینلر.»
عین حالده، مذکور ایش‌خانه‌ده ایش اورگنیش زمینه‌سی یره‌تیلگن عیاللر خورسند‌لیک قیلیب ایتیشلریچه، تیکووچیلیک و گلدوزلیک مهارتلری نینگ اورگنیشلریدن کیین، اقتصادی قیین‌چیلیک‌لری نینگ حل قیلیش یانیده، خودکفا بولیشلری ممکن.
بیزلرنینگ «ایکس» ترماغی ده هم تعقیب قیلینگ!
مذکور عیال‌لردن مروارید نینگ ایتیشیچه: «مکتب گه باره آلمه‌سلیکدن کیین، بو رقم بیر ییر قوریلگنی اوچون، جوده‌یم خورسند‌مین که، بو ییر گه کیلیب و مهارت‌لر نینگ اورگنه‌یلیک و روحی قیین‌چیلیک‌لردن اوزاق بوله‌یلیک.»
ایتیش کیره‌ک که، سونگی کون‌لر قیزلر و عیاللر اوچون تیکووچیلیک، گلدوزلیک و قالین توقووچیلیک ایش‌خانه‌لر فعالیت‌لری سیزیلرلی درجه‌ده کوپه‌یگن.
