بلخ مرکزی مزارشریف شهری یشاوچیلریدن قطاری نینگ ایتیشلریچه، سونگی کونلر اوشبو شهر‌ده سیس افلاسلیگی کوپه‌یگن. اولر نینگ کوپه‌یتیریشلریچه، ییگولیک ماده‌لر و قول اوستیده سودا ساته‌دیگن سیار ساتووچی‌لر نینگ لوداسپیکرلری سیسی، موترلر سیسی و جنراتورلر نینگ یوقاری سیسی کون بویلب اینیقسه ایرتنگ تامان شهر یشاوچیلری نینگ تینچ‌لیگی نی بوزگن دیر.
مزارشریف یشاوچیلری سرپرست حکومت‌دن، شهر سطحی‌ده سیس افلاسلنیشی گه سبب بوله‌دیگن فعالیت‌لر آلدی آلینیشی نی ایسته‌یدیلر.
بیزلرنینگ فیسبوک صحیفه‌میزگه باش اورینگ!
مزارشریف شهری یشاوچیسی محمدمهران نینگ ایتیشیچه: «موتر و موترسایکل‌لر نینگ سیسی جوده‌یم کوپ دیر، انه شوو سبب قیغو بیلن بو ایش روحی‌میز نی ضعیف قیلگن.»
مزارشریف شهری یشاوچیلریدن باشقه بیری نوید‌الله نینگ ایتیشیچه: «سونگی کونلر سیس افلاسلیگی کوپه‌یگن، هر منطقه گه بارگنی‌میز پیتده، یوز کراچی یوز رقم لوداسپیکر قورگن و یوز رقم سیس چیقره‌دی؛ سیس افلاسلیگی کوپه‌یگن.»
شونده‌ی بیرحالده، بلخ ده شفاکارلر، سیس افلاسلیگی نی یشاوچیلر ساغلیگی خصوصیده خواطرلنتیرووچی عنوان قیله‌دیلر.
بلخ ده روان‌شناسلر بولیمی شفاکاری اسد‌الله الفت نینگ ایتیشیچه، سیس افلاسلیگی ایشیتیش قدرتی نی کمه‌یتیریش، اویقو‌ده قیین‌چیلیک یره‌تیش، تشویش، باش آغریق و یوره‌ک کسل‌لیک‌لری گه سبب بوله‌دی. اونینگ ایتیشیچه: «قیغو بیلن سیس افلاسلیگی کوپه‌یگن. سیس افلاسلیگی اویقو‌سیزلیک، جدی باش آغریق و تنفسی قیین‌چیلیک‌لر نی اورته گه کیلتیره‌دی.»
بیزلرنینگ «ایکس» ترماغی ده هم تعقیب قیلینگ!
عین حالده، بلخ اطراف-محیط نی سقلش اداره مسئوللری نینگ ایتیشلریچه، ولایت مقامی بیلن هماهنگ‌لیگی‌ده، شهر سطحی‌ده سیس افلاسلنیشی نی ایجاد قیله‌دیگن منبع‌لر نینگ کمه‌یتیریش اوچون، بیر کمیته ایجاد قیلگنلر.
بلخ اطراف-محیط نی سقلش اداره باشلیغی محمد محمدی نینگ ایتیشیچه: «اداره‌میز بلدیه و ترافیک کمیته کبی نهاد‌لر هماهنگ‌لیگی و ولایت مقامی اورین‌باسری رهبرلیگی‌ده، بیر کمیته ایجاد قیلگن‌میز. سیس افلاسلیگی نی کمه‌یتیریش اوچون سعی و حرکت قیله‌میز.»
شونینگدیک بوندن آلدین مسئوللر سیس افلاسلیگی نی کمه‌یتیریش اوچون لوداسپیکرلر اورنیده بدیل نرسه تاپیش خصوصیده سعی و حرکت قیلگنلری نی بیلدیرگن ایدیلر.
