بدخشان ولایتی بهارک تومنی یشاوچیلریدن بیرقطاری، اوشبو تومن نینگ دولتی کسلخانه‌سیده طبی امکانیت آزلیگی و مسلکی شفاکارلر یوق‌لیگیدن شکایت قیله‌دیلر.
بهارک تومنی یشاوچیلریدن سحر نینگ سلام‌وطندار گه ایتیشیچه، مذکور تومن ده کسل‌لر طبی امکانیت آزلیگی و یخشی خذمت دن فایده‌لنه آلمسلیک قیینچیلیگی بیلن روپه‌ره دیر.
اونگه کوره، اوشبو تومن نینگ دولتی کسلخانه‌سیده طبی امکانیت آزلیگی باعث، یشاوچیلر تورلی خیل قیینچیلیک بیلن دوچ دیر.
بیزلرنینگ فیسبوک صحیفه‌میزگه باش اورینگ!
سحر نینگ کوپه‌یتیریشیچه: «اوزیم بارگندیم. کسلخانه آمری محلی رادیولر گه، تیش بولیمی آچیلیب، تولدیریله‌دی و یوویلیشینی ایتگن ایدی، لیکن بونده‌ی ایمس. باردیم یالغیز مینی ثبت نام قیلیب و بازار گه بویردیلر. کسلخانه ده‌گی باشقه قیینچیلیک آمبولانس آزلیگی دیر، چونکه ولایتی کسلخانه گه انتقال بیریله‌دیگن بعضی کسل‌لر گه آمبولانس ییتمه‌یدی، یالغیز بیر آمبولانس بار و اوزاق ییرلرده باره آلمه‌یدی.»
بهارک تومنی یشاوچیلریدن باشقه بیری فیض‌محمد نینگ ایتیشیچه، مذکور تومن نینگ دولتی کسلخانه‌سی برچه کسل‌لرنی دوالش توانی یوق دیر. او بدخشان ساغلیق‌نی سقلش مسئوللریدن یشاوچیلر نینگ قیینچیلیگی حلی اوچون دقت قیلیش‌لرینی طلب قیله‌دی.
فیض‌محمد گه کوره: «بهارک تومنی دولتی کسلخانه‌سیده مسلکی شفاکار یوق‌لیگی اساسی قیینچیلیک‌لردن سنله‌دی و ایکینچیدن مراجعت‌چیلر کوپ. کسلخانه ده اولر نینگ قیینچیلیگی حل بولمه‌یدی.»
شو بیلن بیرگه، بدخشان ولایتی بهارک تومنی کسلخانه مسئوللری نینگ سلام‌وطندار گه ایتیشلریچه، اولر ساغلیق‌نی سقلش وزیرلیگی نینگ قانون_قاعده‌لری اساسیده عمل قیله‌دیلر. اولر گه کوره، بار امکانیت‌لریدن فایده‌لنیب ۲۴ ساعت یشاوچیلر گه خذمت قیله‌دی.
بیزلرنینگ توییترده هم تعقیب قیلینگ!
بهارک تومنی کسلخانه‌سی آمری الله‌نظر سخی نینگ ایتیشیچه، مذکور کسلخانه ده ییترلیچه امکانیت و دارو موجود. او نینگ کوپه‌یتیریشیچه: «ساغلیق‌نی سقلش وزیرلیگی نینگ قاعده‌لری اساسیده عمل قیله‌میز، بیر آمبولانس ییترلی دیر. ایکینچی دن دارو موجود و حتا کوپ دیر. یشاوچیلر گه یخشی شکلده خذمت کورستماقده‌میز. امکانیت و اوسکونه لحاظ دن قیینچیلیک یوق دیر.»
ایتیش کیره‌ک که، نیچه کون آلدین بدخشان بهارک تومنی یشاوچیلریدن بیرقطاری، اوشبو تومن کسلخانه‌سی ایشلاوچیلری نینگ ناقانونی یانده‌شیش‌لریدن شکایت قیلگن ایدیلر.
