بغلان مرکزی پلخمری شهری ده متشبث عیاللردن زرمینه نوابی، کیک‌وکلچه ایشلب چیقریش ایشخانه قوریش بیلن ۳۰ عیال نی ایش بیلن تأمینله‌گن.
خانم نوابی نینگ سلام‌وطندار گه ایتیشیچه، اوشبو ایشخانه نی ایکی میلیون افغانی شخصی سرمایه‌سی بیلن قورگن و مذکور ایشخانه ده ۳۰ عیال ایش بیلن تأمینلنگن.
خانم نوابی نینگ ایتیشیچه، اوشبو ایشخانه ده ۱۰ دن آرتیق کلچه و تورلی خیل مربا ایشلب چیقریله‌دی.
بیزلرنینگ فیسبوک صحیفه‌میزگه باش اورینگ!
اونگه کوره: «بویوک و زمانه‌وی ماشین‌لریمیز بولسه، ۱۰۰، ۲۰۰، ۳۰۰ و ۵۰۰ عیال نی ایش بیلن تأمینلشی‌میز ممکن، مقصدیمیز عیاللر اوز فرزندلری، عایله اعضالری گه یاردم بیریش اوچون اولرنی دستکلش دیر.»
مذکور ایشخانه ده ایشله‌یدیگن عیاللر نینگ ایتیشلریچه، بو ییرده ایشلش بیلن عایله اعضالری نینگ احتیاج‌لریدن بیر بولیمینی تأمینلش گه قادرلر.
اوشبو ایشخانه ده کیک‌وکلچه پیشیریش ایشی بیلن مصروف عیاللردن مرسل نینگ ایتیشیچه: «عیاللر بو ییرده ایشلش بیلن عایله اعضالری نینگ اقتصادی قیینچیلیکلریدن بیر بولیمینی تأمینلش‌لری ممکن، اولردن قطاری بیوه و بیچاره دیر، بوییرده ایشلش بیلن عایله‌لری نینگ قیینچیلیکلریدن بیر قسمینی حل قیله‌دیلر.»
مذکور ایشخانه ده ایشله‌یدیگن عیاللردن باشقه بیری بی‌بی عاطفه گه کوره: «ایشخانه‌میزنی یوکسلتیریش، و کوپ ایشلاوچی قبول قیلیش و تولیدلریمیزنی کوپه‌یتیریش اوچون، بیزدن دفترلر و دولت حمایت قیلسه خورسند بوله‌میز.»
بیزلرنینگ توییترده هم تعقیب قیلینگ!
اسلام امیرلیگی قدرت نی قولگه آلیشیدن بویان، تورلی ساحه‌لرده عیاللردن قطاری اوز ایشلرینی قولدن بیرگن و افغانستان اقتصادی کیسکین‌لشی اولر نینگ ایریم قیینچیلیکلر گه روپه‌ره قیلگن.
